મોદી-શાહ બાદ હવે BJPમાં યોગી નંબર થ્રી? ઐતિહાસિક જીત બાદ વધી ગયું UP ના CMનું કદ

નવી દિલ્હીઃ દેશમાં પાંચ રાજ્યોની ચૂંટણી પરિણામો આવી ચૂક્યા છે અને ભાજપની ચાર રાજ્યોમાં મોટી જીત થઈ છે. ત્યારે ઉત્તર પ્રદેશના મુખ્યમંત્રી યોગી આદિત્યનાથનું પણ ચૂંટણી જીતતા કદ વધી રહ્યું છે. યોગી પહેલા રાજા બન્યા અને આ જીત બાદ હવે તેઓ સમ્રાટ લાગવા લાગ્યા છે. ચાલો જાણીએ કે યોગી હવે વડાપ્રધાન મોદી અને અમિત શાહ પછી ભાજપના ત્રીજા સૌથી મોટા નેતા બની ગયા છે?

યોગી હવે ભાજપમાં ત્રીજા નંબરે
અત્યાર સુધી બીજેપીમાં નંબર 1 અને નંબર 2ની પોઝીશન પર બે મોટા નેતાઓ બિરાજમાન હતા. નંબર 1 પર પીએમ મોદી અને નંબર 2 પર અમિત શાહ હતા. રાજનીતિથી લઈને સામાન્ય બોલાચાલીની ભાષામાં કહેવામાં આવતું હતું કે ભાજપમાં મોદી અને શાહનો અર્થ નંબર 1 અને નંબર 2 છે. ત્યારબાદ બાકીના તમામ નેતાઓ એક સમાન છે. એટલે કે ભાજપમાં નંબર 3 માટે કોઈ સ્થાન નહોતું.

યોગી હવે સીએમથી ઉપરની વ્યક્તિ!
પરંતુ ઉત્તર પ્રદેશના ચૂંટણી પરિણામોએ યોગી આદિત્યનાથને એવી સ્થિતિમાં લાવી દીધા છે કે તેમને મોદી અને અમિત શાહ પછી પાર્ટીમાં નંબર 3 કહેવામાં આવી રહ્યા છે. રાજનીતિમાં યોગી આદિત્યનાથ માટે એક વાત કહેવામાં આવી રહી છે કે હવે તેમના પગમાં મુખ્યમંત્રીના પગરખાં નાના પડવા લાગ્યા છે.

હિન્દુત્વનો સૌથી મોટો ચહેરો યોગી!
આજે મોદી પછી યોગી આદિત્યનાથ ભાજપમાં હિન્દુત્વનો બીજો સૌથી મોટો ચહેરો છે. અટલ બિહારી વાજપેયીના સમયે લાલકૃષ્ણ અડવાણી હિન્દુત્વનો સૌથી મોટો ચહેરો હતા. પછી અડવાણીએ સેકુલર દેખાવાનો પ્રયાસ કર્યો અને મોદી હિન્દુત્વનો સૌથી મોટો ચહેરો બની ગયા અને મોદીએ વડાપ્રધાન બન્યા પછી સબકા સાથ સબકા વિશ્વાસનો નારો આપ્યો, ત્યારે યોગી હિન્દુત્વનો સૌથી મોટો ચહેરો બની ગયા છે.

નિઃસ્વાર્થ છબીના નેતા યોગી
યોગી બીજેપીના અન્ય મુખ્યમંત્રીઓથી ઘણી રીતે અલગ છે. ભલે ચૂંટણી ત્રિપુરામાં હોય અથવા તો દક્ષિણ ભારતના કેરળમાં, તેમને ભાજપના સ્ટાર પ્રચારક બનાવીને તમામ રાજ્યોમાં મોકલવામાં આવી રહ્યા છે. મોદીની જેમ યોગી પર ક્યારેય એવો આરોપ ન લગાવી શકાય કે તેઓ પોતાના પરિવાર અને અંગત સ્વાર્થ માટે રાજકારણમાં આવ્યા છે. બંને નેતાઓની રાજનીતિ સંપૂર્ણ રીતે દેશને સમર્પિત છે. એટલે કે મોદી માટે તેમનો પરિવાર, તેમની મૂડી અને તેમનું જીવન, માત્ર આ દેશ છે. એ જ રીતે યોગી પણ એવા જ દેખાઈ રહ્યા છે.

રાજકીય કદ ઉંમર કરતાં પણ મોટું
યોગી આદિત્યનાથની ઉંમર 49 વર્ષની છે. તેઓ કોંગ્રેસના સૌથી યુવા નેતા કહેવાતા રાહુલ ગાંધી કરતા પણ બે વર્ષ નાના છે. રાહુલ ગાંધી 51 વર્ષના છે. જ્યારે બીજેપીમાં નંબર 1, વડાપ્રધાન મોદી 71 વર્ષના અને નંબર 2 અમિત શાહ 57 વર્ષના છે. બીજી બાબત એ છે કે કોઈપણ પક્ષમાં નેતાનું કદ તેના અનુભવ અને તેના કાર્યક્ષમ નેતૃત્વથી જાણી શકાય છે. 2017 પહેલા યોગી આદિત્યનાથની છબી હિન્દુત્વના ફાયરબ્રાન્ડ નેતાની હતી. પરંતુ ઉત્તર પ્રદેશમાં 5 વર્ષ સુધી સરકાર ચલાવીને અને પછી ફરીથી આવી અદ્ભુત રીતે પરત ફરીને તેમણે પોતાની જાતને એક સક્ષમ પ્રશાસક તરીકે પણ સ્થાપિત કરી છે. આ છબી વડાપ્રધાન મોદી દ્વારા એક સમયે બનાવવામાં આવી હતી, જ્યારે તેઓ ગુજરાતના મુખ્યમંત્રી બન્યા હતા અને તેમના નેતૃત્વમાં ભાજપે 3 વિધાનસભાની ચૂંટણીઓ જીતી હતી.

માયાવતીએ કરી હાર અંગે સ્પષ્ટતા
આ ચૂંટણીઓમાં હાર બાદ માયાવતીએ ઉત્તર પ્રદેશમાં બસપાની હાર પર પત્ર લખીને ખુલાસો પણ કર્યો છે અને આ પત્ર ઘણો રસપ્રદ છે. લખવામાં આવ્યું છે કે ભાજપના મુસ્લિમ વિરોધી ચૂંટણી અભિયાનને કારણે 20 ટકા મુસ્લિમ મતો સમાજવાદી પાર્ટીની તરફેણમાં થયા અને મુસ્લિમ સમુદાયને એકજૂથ જોઈને હિન્દુ મતદારોએ પણ સંગઠિત થઈને ભાજપને મત આપ્યો. જેના કારણે ભાજપની જીત થઈ અને અન્ય પક્ષોની હાર થઈ.

માયાવતી ફરી એ જ કરી રહી છે ભૂલનું પુનરાવર્તન 
ઉત્તર પ્રદેશમાં માત્ર એક સીટ મળવા છતાં માયાવતી એ જ ભૂલનું પુનરાવર્તન કરી રહી છે, જેના કારણે તેમની પાર્ટીની આ હાલત થઈ છે. હવે સ્પષ્ટ છે કે વડાપ્રધાન મોદીએ જ્ઞાતિની રાજનીતિના બંધનો તોડી નાખ્યા છે અને તેથી જ ચૂંટણીમાં એક નવી વોટબેંક જોવા મળી હતી, જે ડબલ વી એટલે કે વિકાસની વોટબેંક છે. પરંતુ માયાવતી હજી પણ વિકાસ અને અન્ય મુદ્દાઓને છોડીને તેમની હાર માટે જાતિઓની વોટબેંકને જવાબદાર ઠેરવી રહી છે.

2 પ્રકારના હોય છે નેતાઓ
તમને જણાવી દઈએ કે રાજનીતિમાં 2 પ્રકારના નેતાઓ હોય છે, પ્રથમ Grassrooters અને બીજા છે Parachuters. Grassrooters માત્ર ઉપર જઈ શકે છે અને Parachuters નીચે આવી શકે છે અને આ ચૂંટણીઓમાં લોકોએ પારિવારિક રાજનીતિ કરનારા રાજકારણીઓને નીચે ઉતાર્યા છે અને તમે આને કેટલાક આંકડાઓથી સમજી શકો છો.

- 1980ની ઉત્તર પ્રદેશની ચૂંટણીમાં કોંગ્રેસ પાર્ટીએ 309 બેઠકો જીતી હતી. એટલે કે, તે સમયે તેઓ એક પેરાશૂટની જેમ આકાશમાં હતી. પરંતુ ત્યારબાદ તેઓ ધીરે ધીરે નીચે આવ્યા અને આજે ઉત્તર પ્રદેશમાં તેમની પાસે માત્ર 2 સીટો બચી છે.

- વર્ષ 1993માં સમાજવાદી પાર્ટીએ પણ પેરાશૂટની જેમ 109 બેઠકો સાથે તેની પ્રથમ ઉડાન ભરી હતી. પરંતુ વર્ષ 2012માં જ્યારે મુલાયમ સિંહ યાદવે અખિલેશ યાદવને ઉત્તર પ્રદેશના મુખ્યમંત્રી બનાવ્યા, ત્યારબાદ સમાજવાદી પાર્ટી પણ નીચે આવી ગઈ.

- બસપા સાથે પણ આવું જ થયું. જે માત્ર માયાવતી ચલાવે છે. રાષ્ટ્રીય લોકદળ કે જે એક પારિવારિક પક્ષ છે તેની સાથે પણ આવી જ સ્થિતિ થઈ હતી અને પંજાબમાં અકાલી દળ સાથે પણ એવું જ થયું હતું, જે એક પારિવારિક પક્ષ છે.

- જ્યારે ભાજપ Grassrooters ની જેમ નીચેથી ઉપર સુધી ગઈ. 1980ની ચૂંટણીમાં ભાજપે ઉત્તર પ્રદેશમાં 11 બેઠકો જીતી હતી. પરંતુ આજે તે 11 બેઠકોમાંથી 255 બેઠકો પર પહોંચી ગઈ છે.