J-K: મહેબૂબા મુફ્તીની ગૃહ ધરપકડ સમાપ્ત થઈ, કલમ 370 હટ્યાના 434 દિવસ બાદ મુક્ત કરાયા
મહેબૂબા મુફ્તીને આર્ટિકલ 370 હટાવતા પહેલા કસ્ટડીમાં લેવામાં આવ્યા હતા. એક વર્ષ કરતા વધુ સમય કસ્ટડીમાં પસાર કર્યા બાદ મહબૂબા મુફ્તીને છોડી દેવામાં આવ્યા છે.
Trending Photos
- 9
- 5
- 6
- 9
)
જમ્મૂ-કાશ્મીરઃ જમ્મૂ-કાશ્મીરના પૂર્વ મુખ્યમંત્રી અને પીપુલ્સ ડેમોક્રેટિક પાર્ટી (PDP)ના અધ્યક્ષ મહેબૂબા મુફ્તીને આર્ટિકલ 370 હટાવતા પહેલા કસ્ટડીમાં લેવામાં આવ્યા હતા. એક વર્ષ કરતા વધુ સમય કસ્ટડીમાં પસાર કર્યા બાદ મહેબૂબા મુફ્તીને છોડી દેવામાં આવ્યા છે. કેન્દ્ર શાસિત પ્રદેશ જમ્મૂ-કાશ્મીરના વહીવટી તંત્રએ આજે મહેબૂબા મુફ્તીને છોડવાનો નિર્ણય લીધો છે.
જમ્મૂ-કાશ્મીરમાંથી 5 ઓગસ્ટ 2019ના આર્ટિકલ 370ની જોગવાઈઓને હટાવવાની સાથે મુફ્તીને પીએસએ હેઠળ કસ્ટડીમાં લેવામાં આવ્યા હતા. ત્યારથી તેમના કસ્ટડીની અવધી વધારવામાં આવી હતી. આખરે 14 મહિના અને આઠ દિવસ બાદ જમ્મૂ-કાશ્મીર તંત્રએ તેમના છોડવાનો નિર્ણય કર્યો છે. જમ્મૂ-કાશ્મીરના મુખ્ય સચિવ સૂચના રોહિત કંસલે તેની જાણકારી આપી છે.
પુત્રી ઇલ્તજાએ બધાનો માન્યો આભાર
મહેબૂબાની ગેજહાજરીમાં તેમનું ટ્વિટર એકાઉન્ટ તેમની પુત્રી ઇલ્તિજા મુફ્તી ઉપયોગ કરી રહી હતી. ઇલ્તિજાએ ટ્વીટ કર્યું- મહેબૂબા મુફ્તીની ગેરકાયદેસર કસ્ટડીનો સમય પૂરો થવાની સાથે હું તે બધાનો આભાર વ્યક્ત કરવા ઈચ્છીશ જેણે આ દરમિયાન મારો સાથ આપ્યો. મેં તમારા બધાની આભારી છું. હવે હું ઇલ્તિજા આ એકાઉન્ટને સાઇન ઓફ કરી રહી છું.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
