Covid-19 Updates: કોરોના ચકમો આપી રહ્યો છે! છેલ્લા 24 કલાકમાં 3800થી વધુ દર્દીના મોત, આટલા નવા કેસ

નવી દિલ્હી: ભારતમાં કોરોના વાયરસ (Corona Virus) ના નવા કેસ અને મોતના આંકડામાં ઉતાર ચઢાવ ચાલુ છે. દેશભરમાં એકવાર ફરીથી 2 લાખથી વધુ કોવિડ-19ના કેસ નોંધાયા છે. જ્યારે 3800થી વધુ લોકોના મોત થયા છે. આ અગાઉ બુધવારે બહાર પડેલા આંકડા મુજબ 2.08 લાખ નવા કેસ નોંધાયા હતા અને 4100થી વધુ લોકોના મોત થયા હતા. 

દેશભરમાંથી 24 કલાકમાં 2 લાખથી વધુ કેસ
કેન્દ્રીય આરોગ્ય મંત્રાલયે આજે સવારે બહાર પાડેલા આંકડા મુજબ છેલ્લા 24 કલાકમાં દેશભરમાંથી કોરોના વાયરસ (Corona Virus) ના નવા 2,11,298 દર્દીઓ નોંધાયા છે. આ સાથે કુલ કોરોના સંક્રમિતોનો આંકડો 2,73,69,093 પર પહોંચી ગયો છે. જો કે એક દિવસમાં 2,83,135 દર્દીઓ કોરોનાથી રિકવર પણ થયા છે. અત્યાર સુધીમાં 2,46,33,951 દર્દીઓએ કોરોનાને માત આપવામાં સફળતા મેળવી છે. હાલ દેશમાં 24,19,907 કોરોના દર્દીઓ સારવાર હેઠળ છે. દેશમાં ચાલી રહેલા રસીકરણ અભિયાન હેઠળ 20,26,95,874 રસીના ડોઝ અપાયા છે.

India reports 2,11,298 new #COVID19 cases, 2,83,135 discharges & 3,847 deaths in last 24 hrs, as per Health Ministry

Total cases: 2,73,69,093
Total discharges: 2,46,33,951
Death toll: 3,15,235
Active cases: 24,19,907
Total vaccination: 20,26,95,874 pic.twitter.com/C7OxNW18fA

— ANI (@ANI) May 27, 2021

એક દિવસમાં 21 લાખથી વધુ કોરોના ટેસ્ટ
ઈન્ડિયન કાઉન્સિલ ઓફ મેડિકલ રિસર્ચ (ICMR) ના જણાવ્યાં મુજબ ગઈ કાલે દેશભરમાંથી 21,57,857 કોરોના ટેસ્ટ કરવામાં આવ્યા હતા. આ સાથે અત્યાર સુધી હાથ ધરાયેલા કોરોના ટેસ્ટનો આંકડો 33,69,69,352 પર પહોંચી ગયો છે.  

દિલ્હી-મહારાષ્ટ્રમાં ઓછો થયો કોરોનાનો પ્રકોપ
કોરોના વાયરસની બીજી લહેરમાં સૌથી વધુ પ્રભાવિત દિલ્હી અને મહારાષ્ટ્રમાં હવે ધીરે ધીરે કોરોનાનો કહેર ઓછો થઈ રહ્યો છે. મહારાષ્ટ્રમાં છેલ્લા 24 કલાકમાં કોરોનાના 24,752 નવા કેસ સામે આવ્યા છે. જ્યારે 453 દર્દીઓના મોત થયા છે. આ બાજુ દિલ્હીમાં પોઝિટિવિટી રેટ 2 ટકાથી ઓછો થયો છે. છેલ્લા 24 કલાકમાં કોરોનાના 1491 નવા કેસ નોંધાયા છે. જ્યારે 130 લોકોના મોત થયા છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube