Almora Accident: 200 મીટર ઉંડી ખીણમાં પડી 40 મુસાફરો ભરેલી બસ, 36 થી વધુ ના મોત

Almora Accident: સોમવારની સવાર ઉત્તરાખંડથી એક ગોજારા સમાચાર લઈને આવી. ઉત્તરાખંડના અલમોડા જિલ્લામાં સોમવારે એક બસ ઊંડી ખીણમાં પડી જતાં ઓછામાં ઓછા 36થી વધુ લોકોના મોત નિપજ્યા હોવાના સમાચાર સામે આવી રહ્યાં છે. એટલું જ નહીં આ ઘટનામાં હજુ પણ કેટલાંય લોકોને ગંભીર ઈજાઓ થઈ છે. ઘાયલોને સારવાર માટે નજીકની હોસ્પિટલમાં લઈ જવાયા છે. 

ઉલ્લેખનીય છેકે, બસ ગઢવાલથી કુમાઉ જઈ રહી હતી ત્યારે અલ્મોડાના મર્ચુલા ખાતે આ અકસ્માત થયો હતો. જિલ્લા મેજિસ્ટ્રેટ આલોક કુમાર પાંડેએ જણાવ્યું કે અત્યાર સુધીમાં 36 થી વધુ લોકોના મોત થયા છે. મૃતકોની સંખ્યા વધી શકે છે કારણ કે જ્યારે બસ 200 મીટર ઊંડી ખીણમાં પડી ત્યારે તેમાં 40 જેટલા મુસાફરો સવાર હતા. પોલીસ અને SDRF (સ્ટેટ ડિઝાસ્ટર રિસ્પોન્સ ફોર્સ)ના જવાનો શોધ અને બચાવ કામગીરી શરૂ કરવા માટે ઘટનાસ્થળે પહોંચી ગયા છે.
 

उत्तराखंड के अल्मोड़ा में बड़ा सड़क हादसा हुआ है। मार्चुला के पास एक बस खाई में गिर गई है. हादसे में कई लोगों की मौत की खबर है. जबकि कई लोग घायल हुए हैं. बस में कुल 40 यात्री सवार थे। पुलिस, प्रशासन ने रेस्क्यू का काम तेज कर दिया है. रामनगर और अल्मोड़ा से एंबुलेंस मौके पर रवाना… pic.twitter.com/3OmfHfmR87

— Zee News (@ZeeNews) November 4, 2024

મુસાફરો વેરવિખેર થઈ ગયા અને અહીં અને ત્યાં પડ્યા:
જણાવવામાં આવી રહ્યું છે કે અકસ્માત બાદ કેટલાક મુસાફરો પોતાનો જીવ બચાવવા બસમાંથી બહાર નીકળવાનો પ્રયાસ કરતા જોવા મળ્યા હતા. અકસ્માત એટલો ભયંકર હતો કે કેટલાક લોકો વેરવિખેર થઈ ગયા હતા અને પડતી વખતે અહી-ત્યાં પડી ગયા હતા. ઘટનાસ્થળે પહોંચેલી રાહત ટીમે મુસાફરોની મદદ કરવાનું શરૂ કરી દીધું છે. તેમજ ઘાયલોને હોસ્પિટલ લઈ જવાની શરૂઆત કરી દીધી છે. એવી પણ માહિતી છે કે અકસ્માત પછી ઘાયલ લોકોએ જ અન્ય લોકોને માહિતી આપી હતી, જેથી મદદ તેમના સુધી પહોંચી શકે.

મુખ્યમંત્રી ધામીએ શું કહ્યું:
મુખ્યમંત્રી પુષ્કર સિંહ ધામીએ દુર્ઘટનામાં જાનહાનિ પર શોક વ્યક્ત કર્યો છે. તેણે સોશિયલ મીડિયા પ્લેટફોર્મ પર પોસ્ટ કર્યું જિલ્લા વહીવટીતંત્રને રાહત અને બચાવ કામગીરી ઝડપથી હાથ ધરવા સૂચના આપવામાં આવી છે. ધામીએ વધુમાં જણાવ્યું હતું કે, 'સ્થાનિક વહીવટીતંત્ર અને SDRFની ટીમો ઘાયલોને બચાવવા અને નજીકના આરોગ્ય કેન્દ્રમાં લઈ જવા માટે ઝડપથી કામ કરી રહી છે. જો જરૂરી હોય તો ગંભીર રીતે ઘાયલ મુસાફરોને એરલિફ્ટ કરવાની સૂચના પણ આપવામાં આવી છે.