રનવે પાસે ભોજન કરવાના મામલામાં મોટી કાર્યવાહી, ઈન્ડિગો અને મુંબઈ એરપોર્ટને ફટકારાયો દંડ

મુંબઈઃ Mumbai Airport:મુંબઈ એરપોર્ટના ટરમેક (જમીન) પર બેસી યાત્રીકો દ્વારા ભોજન કરવાના મામલામાં ઉડ્ડયન સુરક્ષા વોચડોગ હીસીએએસ (BCAS)એ ઈન્ડિગો પર 1.20 કરોડ રૂપિયાનો દંડ ફટકાર્યો છે. ન્યૂઝ એજન્સી પીટીઆઈએ બુધવારે આ જાણકારી આપી છે.

આ સાથે જ BCASએ મુંબઈ ઈન્ટરનેશનલ એરપોર્ટ લિમિટેડને એરસ્ટ્રીપ પાસે યાત્રીઓ દ્વારા ભોજન ખાવાની ઘટના અંગે જાણ કરી છે. (MIAL)એ રૂ. 60 લાખનો દંડ ફટકાર્યો છે. જ્યારે DGCAએ આ મામલામાં મુંબઈ એરપોર્ટ ઓપરેટર MIL પર 30 લાખ રૂપિયાનો દંડ લગાવ્યો છે.

કારણ દર્શાવો નોટિસ ફટકારી હતી
આ પહેલા બીસીએએસે ઈન્ડિગો અને એરપોર્ટ સંચાલક એમઆઈએએલને કારણ દર્શાવો નોટિસ ફટકારી હતી. હકીકતમાં રવિવાર (14 જાન્યુઆરી) એ લાંબા વિલંબ બાદ જ્યારે ઈન્ડિગોની ગોવા-દિલ્હી ઉડાન મુંબઈ એરપોર્ટ પર ઉતરી, ઘણા યાત્રીકો વિમાનમાંથી બહાર નિકળ્યા અને ટરમેક પર બેસી ગયા હતા. આ દરમિયાન કેટલાક યાત્રીકો ભોજન કરવા લાગ્યા હતા. તેનો વીડિયો પણ વાયરલ થયો હતો.

આ પણ વાંચોઃ વિપક્ષના નેતાઓને તોડી પોતાનું ઘર મજબૂત કરશે ભાજપ! લોકસભા ચૂંટણી પહેલા પાર્ટીનો પ્લાન

બ્યુરો ઓફ સિવિલ એવિએશન સિક્યોરિટી (BCAS) દ્વારા જારી કરાયેલી નોટિસ અનુસાર, IndiGo અને MIAL બંને પરિસ્થિતિની અપેક્ષા રાખવામાં અને એરપોર્ટ પર મુસાફરો માટે યોગ્ય વ્યવસ્થા કરવામાં સક્રિય ન હતા.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube