સરકાર બની તો સરકારી કર્મચારીઓ માટે શરૂ કરશે જૂની પેન્શન યોજના: અખિલેશ યાદવ

લખનઉ: ઉત્તર પ્રદેશ વિધાનસભા ચૂંટણી (UP Assembly Election) ને લઈને રાજકીય ગરમાવો વધી ગયો છે અને તેને લઈને સપાના રાષ્ટ્રીય અધ્યક્ષ અખિલેશ યાદવે (Akhilesh Yadav) ગુરુવારે લખનઉમાં પ્રેસ કોન્ફરન્સ કરીને મોટી જાહેરાત કરી છે. અખિલેશે કહ્યું કે જો અમારી સરકાર બનશે તો અમે જૂની પેન્શન સિસ્ટમ શરૂ કરીશું.

કર્મચારીઓ માટે જૂની પેન્શન સિસ્ટમ
અખિલેશ યાદવે (Akhilesh Yadav) લખનઉમાં પ્રેસ કોન્ફરન્સને સંબોધતા કહ્યું કે જો સમાજવાદી પાર્ટી (Samajwadi Party) ની સરકાર બનશે તો કર્મચારીઓ માટે 2005 પહેલાની જૂની પેન્શન સિસ્ટમ પુનઃસ્થાપિત કરવામાં આવશે. અમે આ માટે જરૂરી ભંડોળની પણ વ્યવસ્થા કરીશું. લગભગ 12 લાખ લોકોને તેનો લાભ મળશે.

કર્મચારીઓને ગૃહ જિલ્લાઓમાં આપીશું પોસ્ટીંગ
સપા પ્રમુખે જાહેરાત કરી કે, 'જો સરકાર બનશે તો અમે કર્મચારીઓ માટે કેશલેસ ટ્રીટમેન્ટની સિસ્ટમ પણ શરૂ કરીશું. આ સિવાય વર્ગ ત્રણ અને ચારના કર્મચારીઓને તેમના ગૃહ જિલ્લામાં પોસ્ટ કરવામાં આવશે. તમને જણાવી દઈએ કે ચૂંટણી પહેલા અખિલેશ યાદવ દરરોજ પ્રેસ કોન્ફરન્સ કરીને સપાના મેનિફેસ્ટોની મોટી જાહેરાત કરી રહ્યા છે.

સપાના ઘરમાં BJP ની એન્ટ્રી, મુલાયમના સંબંધી પ્રમોદ ગુપ્તા ભાજપમાં જોડાયા

ફરી શરૂ થશે યશ ભારતી સન્માન
અખિલેશ યાદવે કહ્યું કે યશ ભારતી સન્માનને સમાજવાદી પાર્ટીના ઢંઢેરામાં સામેલ કરવામાં આવશે અને જ્યારે અમારી સરકાર આવશે ત્યારે ફરીથી યશ ભારતી સન્માન શરૂ કરશે. આ સાથે જિલ્લા કક્ષાએ નગર ભારતી સન્માન પણ શરૂ કરવામાં આવશે. સામાજિક કાર્યકરો, સાહિત્યકારો, પત્રકારો, ઉદ્યોગપતિઓ, ડોકટરો, એન્જીનીયર વગેરે જેઓ રોજગારી અને રોજગારનું સર્જન કરે છે તેમને પણ રાજ્ય અને શહેર કક્ષાએ આ સન્માન પત્રો આપવામાં આવશે.

અખિલેશ પહેલા જ આ જાહેરાત કરી ચૂક્યા છે
અખિલેશ યાદવ (Akhilesh Yadav) દરરોજ એક જાહેરાત કરી રહ્યા છે અને આ પહેલા બુધવારે તેમણે જરૂરિયાતમંદ પરિવારોને 18 હજાર રૂપિયા વાર્ષિક સમાજવાદી પેન્શન આપવાની જાહેરાત કરી હતી. આ સિવાય અખિલેશ યાદવે સપાની સરકાર બનશે તો 300 યુનિટ મફત વીજળી આપવાની પણ જાહેરાત કરી છે.

યુપીમાં સાત તબક્કામાં યોજાશે  વિધાનસભા ચૂંટણી
જણાવી દઈએ કે ઉત્તર પ્રદેશમાં આ વખતે સાત તબક્કામાં 403 વિધાનસભા બેઠકો પર ચૂંટણી થશે અને મતગણતરી 10 માર્ચે થશે. યુપીમાં વિધાનસભા ચૂંટણીની શરૂઆત 10 ફેબ્રુઆરીએ રાજ્યના પશ્ચિમ ભાગના 11 જિલ્લાની 58 બેઠકો પર મતદાન સાથે થશે. ત્યારબાદ 14 ફેબ્રુઆરીએ બીજા તબક્કામાં 55 બેઠકો, 20 ફેબ્રુઆરીએ ત્રીજા તબક્કામાં 59 બેઠકો, 23 ફેબ્રુઆરીએ ચોથા તબક્કામાં 60 બેઠકો, 27 ફેબ્રુઆરીએ પાંચમા તબક્કામાં 60 બેઠકો, છઠ્ઠા તબક્કામાં 57 બેઠકો પર અને 7 માર્ચે સાતમા અને અંતિમ તબક્કામાં 54 બેઠકો પર મતદાન થશે.
 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube