Health Tips: ગેસની સમસ્યાથી પરેશાન છો, આ 4 વસ્તુનું સેવન કરવાથી થશે સમસ્યાનું સમાધાન

નવી દિલ્લીઃ સમગ્ર ભારતના મોટાભાગના વિસ્તારોમાં મસાલેદાર અને વધુ તેલયુક્ત ખોરાક ખાવામાં આવે છે. જેને કારણે અહીંના લોકો પેટમાં દુખાવો, ગેસ, એસિડિટી, ખાટા ઓડકાર અથવા પેટમાં ગડબડની ફરિયાદ કરે છે. આજની વ્યસ્ત જીવનશૈલી પણ આ રોગોનું મૂળ છે.

આ 4 વસ્તુઓ ખાવાથી પેટની સમસ્યાઓથી છુટકારો મેળવો-

વધતી જતી ઉંમર સાથે પેટને લગતી બીમારીઓ વધવા લાગે છે કારણ કે પાચનતંત્ર પહેલા કરતા નબળું પડવા લાગે છે. નિષ્ણાતોના મતે, જો તમે તમારા આહારમાં 4 કુદરતી આહારનો સમાવેશ કરો છો, તો તમે આવી બધી સમસ્યાઓથી છુટકારો મેળવી શકો છો.

1) આદુ-

શરદી થવા પર આપણે ઘણીવાર આદુ ખાઈએ છીએ, પરંતુ શું તમે જાણો છો કે તેમાં જોવા મળતા જિંજરોલ અને અન્ય એન્ટીઓક્સીડેન્ટ તત્વો પેટની સમસ્યાઓને દૂર કરી શકે છે. આદુને ગરમ પાણીમાં ઉકાળીને ચા પીવીએ પેટ માટે ફાયદાકારક સાબિત થાય છે.

2) નારંગી-

નારંગી એક એવું ફળ છે જેમાં ભરપૂર પ્રમાણમાં ફાઈબર હોય છે, તેનો રસ કાઢવાને બદલે તેને આખું ખાવું વધુ સારું છે. તેમાં રહેલું લેક્સેટિવ પેટને સાફ કરવામાં મદદ કરે છે. આ ફળ કબજિયાતની સમસ્યાને પણ દૂર કરે છે. જો તેનો જ્યુસ પીવામાં આવે તો પેટની સમસ્યા જલ્દી દૂર થઈ જાય છે.

3) સરસવ-

સરસવના બીજમાં ફાઈબર વધુ માત્રામાં જોવા મળે છે. જેને કારણે પાચનતંત્ર સારું રહે છે. તે આંતરડાની હિલચાલથી થતા ગેસ અને પેટનો દુખાવો પણ મટાડે છે.

4) લીંબુ-

લીંબુને અનેક રોગોનો ઈલાજ માનવામાં આવે છે. તમે લીંબુ પાણી અથવા તેનો રસ સલાડમાં નિચોવીને ખાઈ શકો છો. તેમાં કેલ્શિયમ, આયર્ન, પોટેશિયમ, મેગ્નેશિયમ અને ફોસ્ફરસ મળી આવે છે. સાથે જ પેટની સમસ્યાઓને દૂર કરનાર પેક્ટીન ફાઈબર પણ તેમાં જોવા મળે છે.


(Disclaimer: અહીં આપવામાં આવેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. કૃપા કરીને તેને અપનાવતા પહેલા તબીબી સલાહ લો. ZEE ન્યૂઝ આની પુષ્ટિ કરતું નથી.)