પાદરાની પીપી શ્રોફ સ્કૂલનું નવું નામકરણ, હવે પ્રમુખ સ્વામી મહારાજ હાઈસ્કૂલ તરીકે ઓળખાશે

મિતેષ માલી, વડોદરાઃ BAPS સ્વામિનારાયણ સંપ્રદાયના વિશ્વ વંદનીય પ્રમુખ સ્વામી મહારાજની આજે જન્મજયંતિ છે. આ પ્રસંગે પાદરાની જાણીતી પીપી શ્રોફ હાઈસ્કૂલમાં વિવિધ કાર્યક્રમનું આયોજન કરવામાં આવ્યું હતું. આ હાઈસ્કૂલમાં પ્રમુખ સ્વામી મહારાજે અભ્યાસ કર્યો હતો. હવે પાદરા નગર પાલિકાએ આ શાળાનું નામનું નવુ નામકરણ કર્યુ છે. હવેથી આ શાળા પીપી શ્રોફ હાઈસ્કૂલને બદલે પ્રમુખ સ્વામી મહારાજ હાઈસ્કૂલ કરવામાં આવ્યું છે. બીએપીએસ સંસ્થાના સંતોની હાજરીમાં આ નામકરણ વિધિ કરવામાં આવી છે. 

પ્રમુખસ્વામી મહારાજે ૧૯૪૦માં બીએપીએસના સ્થાપક શાસ્ત્રીજી મહારાજ પાસેથી હિન્દુ સ્વામી તરીકે દીક્ષા લીધી, જેમણે પછીથી તેમને ૧૯૫૦માં બીએપીએસના પ્રમુખ તરીકે નિયુક્ત કર્યા. યોગીજી મહારાજે પ્રમુખસ્વામી મહારાજને તેમના આધ્યાત્મિક અનુગામી અને બીએપીએસના ગુરુ તરીકે ઘોષણા કર્યા, જેની ભૂમિકા તેમણે ૧૯૭૧માં શરૂ કરી હતી.

આ પણ વાંચોઃ વડોદરામાં કોરોના વેક્સિનના નામે આંતરરાષ્ટ્રીય કૌભાંડનો પર્દાફાશ

બીએપીએસ પ્રમુખ તરીકે પ્રમુખ સ્વામી મહારાજે ગુજરાત કેન્દ્રીત સંસ્થાને વિશ્વ ફલક પર ફેલાવી હતી. તેમણે નવી દિલ્હી અને ગુજરાતના ગાંધીનગરમાં સ્વામિનારાયણ અક્ષરધામ મંદિરો સહિત ૧૧૦૦ થી વધુ હિન્દુ મંદિરો બનાવ્યા હતા. તેમણે બીએપીએસ દાનના પ્રયત્નોને પણ આગળ ધપાવ્યા હતા. જે બીએપીએસ સાથે સંકળાયેલ સેવાભાવી સેવા સંસ્થા છે. મહંત સ્વામી મહારાજએ પ્રમુખ સ્વામી મહારાજ દ્વારા બીએપીએસ સ્વામિનારાયણ સંસ્થાના ગુરુ અને પ્રમુખ તરીકે મુકવામાં આવ્યા છે.

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube