લાખોના પગારની નોકરીની ઓફર, અમદાવાદની સૌથી મોટી હોસ્પિટલમાં નીકળી નોકરી

Jobs In Ahmedabad : જો તમે નોકરીની શોધમાં છો અને તમારા હાથમાં ડોક્ટરની ડિગ્રી છે તો આ તક તમારા માટે છે. અમાદવાદની સૌથી મોટી હોસ્પિટલમાં નોકરીની ઓફર આવી છે. અમદાવાદની વીએસ હોસ્પિટલમાં વિવિધ તબીબી નિષ્ણાતોની જગ્યા ખાલી પડી છે. તે માટે 22 માર્ચે ભરતી થવાની છે. જો તમે આ તક ગુમાવવા માંગતા ન હોવ તો તમે અરજી કરી શકો છો. 

વી. એસ. હોસ્પિટલ અને શેઠ ચિનાઈ પ્રસૂતિ હોસ્પિટલમાં કરાર આધારિત ફુલ ટાઇમ કન્સલ્ટન્ટ તથા વિઝિટિંગ સુપર સ્પેશિયાલિટી કન્સલ્ટન્ટ ડોક્ટર્સની નિમણૂક કરાશે. તમામ ભરતી વોક ઇન ઇન્ટરવ્યૂના માધ્યમથી કરાશે. ભરતીની માન્ય લાયકાત ધરાવતા ઉમેદવારોએ તેમનાં નામ, સરનામાં, ઉંમર, શૈક્ષણિક લાયકાત તથા જરૂરી તમામ દસ્તાવેજો સાથે 22 માર્ચે બપોરે 2 વાગ્યે વી. એસ. હોસ્પિટલમાં હાજર થવાનું રહેશે.

એક એપ્રિલથી મોંઘી થશે તમારા કામની 800 દવા, આ રહ્યું આખું લિસ્ટ

જાણો કેટલી વેકેન્સી છે અને કેટલો પગાર મળશે 

• બોયોકેમિસ્ટ્રી - 2
• મેડિસિન - 5
• રેડિયોલોજી - 5
• માઇક્રોબાયોલોજી - 1
• ગાયનેકોલોજિસ્ટ - 2
• સાઇકિયાટ્રીક - 1
• નેફ્રોલોજી - 1
• પિડિયાટ્રિક સર્જરી - 1
• પેઈન ફિઝિશિયન - 1
• રૂમેટોલોજી - 2
• ઓડિયોલોજિસ્ટ & સ્પીચ એન્ડ લેંગ્વેજ પેર્થોલોજિસ્ટ - 1

આ ઉપરાંત મેડિસિન, બોયોકેમિસ્ટ્રી, રેડિયોલોજી, માઇક્રોબાયોલોજી, ગાયનેકોલોજીમાં ફુલટાઇમ જોબ હશે, જેમાં 1.10 લાખ વેતન મળશે. જ્યારે બાકીની બ્રાન્ચમાં વિઝિટિંગ કન્સલ્ટન્ટ તરીકે પ્રતિ યુનિટ 15 હજાર મળશે.

ચૂંટણીમાં મેવાણીનો કાતિલ અંદાજ : જેને જવું હતું એ તો ગયા, આ વખતે 26-0 નહીં થવા દઈએ