વડોદરામાં સામાન્ય વરસાદમાં સામે આવી પાલિકાની બેદરકારી, નવા રોડ બેસી ગયા, પાણી ભરાયા

જયંતિ સોલંકી, વડોદરાઃ ગુજરાતમાં બસ હજુ તો વરસાદની શરૂઆત જ થઈ છે.. કેટલાય વિસ્તારો હજુ પણ કોરા ધાકોર છે અને જ્યાં વરસાદ પડ્યો છે ત્યાં સામાન્ય જ પડ્યો છે.. પરંતુ, મહાનગરોના તંત્રનું પાપ અત્યારે જ છાપરે ચઢીને પોકારી રહ્યું છે.. જી હાં, પ્રથમ વરસાદમાં જ ક્યાંક પાલિકાની બેદરકારીના કારણે પાણી ભરાઈ રહ્યા છે તો ક્યાંક કરોડોના ખર્ચે નવા બનેલા રોડ બેસી ગયા છે.. ક્યાં સર્જાયા છે પાલિકાના કારણે બેદરકારીના દ્રશ્યો,, જુઓ આ રિપોર્ટમાં.. 

વડોદરા શહેરમાં નજીવા વરસાદમાં વિકાસ ધોવાય ગયો હોવાના પુરાવા સામે આવ્યા છે.. વડોદરા શહેરના પશ્ચિમ વિસ્તારમાં પ્રથમ વરસાદમાં જ ઠેર ઠેર ખાડા પડ્યા.. ચોંકાવનારી વાત એ છેકે, તાંદલજા વિસ્તારમાં 6 મહિના પહેલાં જ બનાવવામાં આવેલો રસ્તો ધોવાય ગયો.. એટલું જ નહીં ક્યાંક ક્યાંક તો ડ્રેનેજના પાણી ઊભરાવવાની પણ સમસ્યા જોવા મળી.. 

આ પણ વાંચોઃ અગ્નિકાંડની પ્રથમ માસિક પૂણ્યતિથિએ કાલે રાજકોટ બંધ, વિવિધ વર્ગનું મળ્યું સમર્થન

કોન્ટ્રાક્ટર અને પાલિકાના અધિકારીઓના ભ્રષ્ટાચારના કારણે સમસ્યાનો સામનો જનતાએ કરવો પડે છે.. તાંદલજા વિસ્તારમાં પણ કંઈક આવી જ પરિસ્થિતિનું નિર્માણ થયું.. વડોદરા મહાનગર પાલિકા સ્માર્ટ શહેરના નામે કરોડો રૂપિયાનો વેડફાટ કરી રહી છે..

રોજિંદા પસાર થતાં લોકો પાલિકાની બેદરકારીના કારણે હાલાકી ભોગવી રહ્યા છે. હજુ તો પ્રથમ વરસાદ જ પડ્યો છે.. આખું ચોમાસું હજુ બાકી છે.. ત્યારે પાલિકાની કામગીરી પર પ્રથમ વરસાદમાં જ સવાલ ઉઠવા લાગ્યા છે.. જોકે, હવે ફરીથી સમારકામના નામે આ રોડ પર કરોડો રૂપિયાનો વેડફાટ થશે.