Video: વેપારીએ માત્ર 100 રૂપિયા આપતા નારાજ કિન્નરે દુકાનમાં કપડા કાઢી નાખ્યા અને પછી......

અમદાવાદઃ કિન્નરો અનેક જગ્યાએ પૈસા માંગીને લોકોને આશીર્વાદ આપતા હોય છે. કોઈ જગ્યાએ સારો પ્રસંગ હોય તો કિન્નરો પહોંચી જતા હોય છે અને આશીર્વાદ આપી પૈસા લેતા હોય છે. પરંતુ ક્યારેક કિન્નરોની દાદાગીરીની ઘટનાઓ પણ સામે આવતી હોય છે. આવી એક ઘટના અમદાવાદમાં સામે આવી છે. આ સમાચાર એટલા ચોંકાવનારા છે કે તમે કિન્નરને જોઈને જ દૂર ભાગી જશો. અમદાવાદમાં બનેલી આ ઘટના સમાજ માટે ચેતવણીરૂપ છે. 

શું છે સમગ્ર ઘટના
અમદાવાદમાં કિન્નરની દાદાગીરીનો વીડિયો સામે આવ્યો છે. કિન્નરના આશીર્વાદમાં માનતા લોકો માટે આ કિસ્સો ચેતવણી સમાન છે. અમદાવાદમાં એક ફરસાણની દુકાનમાં કિન્નર પહોંચી હતી. ત્યારે વેપારીએ દક્ષિણાના રૂપમાં 100 રૂપિયા આપ્યા હતા. પરંતુ 100 રૂપિયાની નોટ જોતા કિન્નર એટલો ગુસ્સે થઈ ગયો હતો. કિન્નરે દુકાનમાં વેપારી અને ગ્રાહકોની સામે પોતાના કપડા કાઢી નાખ્યા હતા. આ સમગ્ર ઘટના સીસીટીવી કેમેરામાં કેદ થઈ ગઈ છે. 

દુકાનદારે આપેલા 100 રૂપિયા લેવાનો ઇનકાર કર્યા બાદ કિન્નરે પોતાના કપડા કાઢી નાખ્યા હતા. ત્યારબાદ આ કિન્નર પોલીસ સ્ટેશન પહોંચી હતી. તેણે દુકાન માલિકે માર માર્યાનો આક્ષેપ કર્યો હતો. પરંતુ સીસીટીવી હોવાને કારણે કિન્નરનો ભાંડો ફૂટી ગયો હતો. દુકાન માલિકના સીસીટીવીમાં કિન્નર બળજબરીપૂર્વક દક્ષિણા માંગતી અને બિભત્સ હરકત કરતી કેદ થઈ છે. ગ્રાહકની હાજરીમાં કિન્નરે કપડા કાઢી નાખતા વેપારી પણ ક્ષોભજનક સ્થિતિમાં મુકાયા હતા. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube