ક્યારેક સ્ત્રી વેશ તો ક્યારેક સાધુવેશ ધારણ કરતી ઇરાની ગેંગથી થઇ જશો સાવધાન, નજર હટી દુર્ઘટના ઘટી

મૌલિક ધામેચા, અમદાવાદ: અલગ અલગ મોડસ ઓપરેન્ડીથી લોકો પાસેથી સોના ચાંદીના દાગીનાની ચોરી અને ઠગાઈ કરતી ઈરાની ગેંગના 2 શખ્સોની ધરપકડ ક્રાઇમ બ્રાન્ચે કરી છે.  સ્ત્રી વેશ, સાધુ વેશ, વૃદ્ધનો વેશ એમ અલગ અલગ વેશ ધારણ કરીને લોકોને વાતોમાં ફસાવીને લોકો પાસેથી સોના ચાંદીના દાગીના પડાવતા હતા.

ભાજપને ઉપદેશ આપતા કોંગ્રેસના નેતાઓએ ઉડાવ્યા સોશિયલ ડિસ્ટન્સના ધજાગરા

અમદાવાદના અલગ અલગ વિસ્તારોમાં સોનીની દુકાનમાં મહિલા અથવા વૃદ્ધનું વેશ ધારણ કરીને જતા હતા અને દુકાનદારોને વાતોમાં ભોળવીને નજર ચૂકવીને ઘરેણાંની ચોરી કરતા હતા. મંદિરોમાં પૂજા કરવા આવેલા લોકોને સાધુવેશ ધારણ કરીને ઘરેણાં પડાવતા હતા. ક્રાઇમ બ્રાન્ચે જાફર સૈયદ અને વસીમઅબ્બાસ સીરાજ નામના 2 શખ્સો ની કરી ધરપકડ કરીને વટવા પોલીસને સોંપ્યા છે. આ સાથે રૂ. સાડા 6 લાખ સુધીનો મુદ્દામાલ પણ કબજે કર્યો હતો. 

દારૂની હેરફેરના નવા કીમિયાનો પર્દાફાશ, તમે સપનેય નહી વિચાર્યું હોય

બંને મૂળ મહારાષ્ટ્ર ના રહેવાસી છે અને અમદાવાદના પૂર્વ વિસ્તારમાં લોકો સાથે ઠગાઈ કરતા હતા. અમદાવાદમાં સરખેજ ખાતે રહેતા હતા. જાફર સૈયદ સામે અગાઉ કોઈ ગુનો નથી પણ વસીમઅબ્બાસ સીરાજ ચોરીના ગુનાના અગાઉ મુંબઇમાં ધરપકડ થયેલ છે. પકડાયેલ આરોપીએ તાજેતરમાં ખોખરામાં વૃદ્ધ મહિલાને પોતાની જાળમાં ફસાવી સોનાના દાગીના ઉતરાવી લીધા હતા.

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube