VIDEO : એક બે નહીં પરંતુ 16,000 કલાકમાં બનીને તૈયાર થઈ છે દીપિકાની આ લહેંગા-સાડી
મુંબઈમાં તાજેતરમાં જ અંગત મિત્રો માટે રાખવામાં આવેલા રિસેપ્શનમાં દીપિકા પાદુકોણે અત્યંત સુંદર સફેદ અને ગોલ્ડન રંગની લહેંગા-સાડી પહેરી હતી. હસ્તકળાથી બનેલી આ લહેંગા-સાડીને બનવામાં ઘણી મહેનત લાગી છે
Trending Photos
- 5
- 5
- 9
- 5
)
નવી દિલ્હીઃ દીપિકા અને રણવીર સિંહના લગ્નની ઉજવણી હજુ પણ ધામ-ધૂમથી ચાલી રહી છે. દરરોજ બોલિવૂડનું આ હોટ કપલ એક-પછી એક અંદાજમાં જાહેરમાં આવીને સૌના આકર્ષણનું કેન્દ્ર બની રહ્યું છે. તેમની તસવીરો પણ સોશિયલ મીડિયામાં ધૂમ મચાવી રહી છે. તાજેતરમાં જ આ કપલે તેમનાં અંગત મિત્રો, પરિજનો અને મીડિયા માટે મુંબઈમાં એક ધમાકેદાર રિસેપ્શનનું આયોજન કર્યું હતું. આ રિસેપ્શનમાં દીપિકાએ ફેશન ડિઝાઈનર અબુ જાની-સંદીપ ખોસલાની ડિઝાઈનર લહેંગા-સાડીમાં જોવા મળી હતી.
હવે આ ડિઝાઈનર્સ દ્વારા આ લહેંગા-સાડીના નિર્માણનો એક વીડિયો શેર કરવામાં આવ્યો છે. હાથની કારીગરીથી બનેલી આ લહેંગા-સાડીને બનાવવામાં તમે કલ્પના ન કરી શકો એટલો સમય લાગ્યો હતો. દીપિકાની આ લહેંગા-સાડી બનાવવામાં એક-બે કલાક નહીં પરંતુ પૂરા 16,000 કલાકનો સમય લાગ્યો હતો.
મુંબઈમાં તાજેતરના રિસેપ્શનમાં દીપિકા પાદુકોણ અત્યંત સુંદર સફેદ અને ગોલ્ડન રંગની લહેંગા-સાડીમાં આવી હતી. ચીકન કલાકારીથી બનેલા આ લહેંગાનો ડિઝાઈનર દ્વારા વીડિયો શેર કરાયો છે, જેમાં ડિઝાઈનર દીપિકાને તેને પહેરવાની રીત શીખવાડી રહ્યા છે. આ લહેગા સાડી એવી રીતે પહેરવાની છે, જેથી તેમાં અનેક પાટલી પડે. દીપિકાના લૂકને સ્પેશિયલ બનાવવા માટે સ્પેશિયલ જ્વેલરી પણ ડિઝાઈન કરાઈ હતી.
પોતાના બોલિવૂડ રિસેપ્શનથી બરાબર એક દિવસ પહેલા આ હોટ કપલ શુક્રવારે પોતાના પરિવાર સાથે ગણપતી બપ્પાના આશિર્વાદ લેવા માટે સિદ્ધિવિનાયકના મંદિરે પહોંચ્યા હતા. દીપિકા પાદુકોણ, રણવીર સિંહ, બંનેના માતા-પિતા અને બહેનો પણ તેમની સાથે હતી.
ઉલ્લેખનીય છે કે, આ જોડી શનિવાર (1 ડિસેમ્બર)ના રોજ બોલિવૂડનાં કલાકારો માટે એક ગ્રાન્ડ રિસેપ્શન આપવા જઈ રહ્યું છે. જેમાં બોલિવૂડનાં લગભગ તમામ સ્ટાર્સની હાજરીનું અનુમાન લગાવાઈ રહ્યું છે. આ રિસેપ્શનમાં કેટરિના કૈફ, સલમાન ખાન, આલિયા ભટ્ટ, શાહરૂખ ખાન, રણબીર કપૂર, સૈફ અલી ખાન સહિત બોલિવૂડના દિગ્દર્શકો, સંગીતકારો સહિતની તમામ સેલિબ્રિટી હાજર રહે એવી શક્યતા છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
