Jaya Bachchan એ લખેલી આ ફિલ્મે અમિતાભને બનાવ્યા બોલીવુડના શહેનશાહ! બની ગઈ લાઈફ

Jaya Bachchan wrote script of movie: પીઢ અભિનેત્રી જયા બચ્ચનનું નામ ઈન્ડસ્ટ્રીની જાણીતી અભિનેત્રીઓમાં સામેલ છે. જયા બચ્ચને 70-80ના દાયકામાં ઘણી લોકપ્રિય ફિલ્મોમાં કામ કર્યું હતું. જેમાં ગુડ્ડી, અનામિકા, મિલી, શોલે અને જંઝીર જેવી ફિલ્મોનો સમાવેશ થાય છે. જો કે, શું તમે વિશ્વાસ કરશો જો અમે તમને કહીએ કે જયા બચ્ચન માત્ર એક સારી અભિનેત્રી જ નથી પરંતુ એક તેજસ્વી લેખિકા પણ છે? હા, આ વાત સાચી છે. મીડિયા રિપોર્ટ્સ અનુસાર, જયા બચ્ચને બોલિવૂડની ખૂબ જ લોકપ્રિય ફિલ્મની વાર્તા લખી હતી. તે કઈ ફિલ્મ હતી અને આ ફિલ્મમાં મુખ્ય ભૂમિકા કોણે ભજવી હતી, તે જ આજે અમે તમને જણાવવા જઈ રહ્યા છીએ.

જયાએ ફિલ્મ 'શહેનશાહ'ની કહાની લખી હતી-
જયા બચ્ચને વર્ષ 1988માં રિલીઝ થયેલી સુપરહિટ ફિલ્મ 'શહેનશાહ'ની સ્ટોરી લખી હતી. આ ફિલ્મમાં અમિતાભ બચ્ચન લીડ રોલમાં જોવા મળ્યા હતા. ટીનુ આનંદના નિર્દેશનમાં બનેલી આ ફિલ્મમાં અમિતાભની વિરુદ્ધ મીનાક્ષી શેષાદ્રી મુખ્ય ભૂમિકામાં હતી. આ ફિલ્મ તેના સમયની સુપરહિટ ફિલ્મોમાંની એક હતી અને આ ફિલ્મની રજૂઆતે અમિતાભ બચ્ચનની કારકિર્દીને એક નવી ઊંચાઈ પર લઈ ગઈ હતી. ફિલ્મ 'શહેનશાહ'માં અમિતાભ બચ્ચનનો એક ડાયલોગ ઘણો લોકપ્રિય થયો હતો, જે કંઈક આવો હતો - 'રિશ્તે મેં તો હમ તુમ્હારે બાપ લગતે હૈ નામ હૈ શહેનશાહ'.

જયાને ખાસ ફાયદો ન થયો-
મીડિયા રિપોર્ટ્સનું માનીએ તો જ્યાં ફિલ્મ 'શહેનશાહ' રિલીઝ થયા બાદ અમિતાભ બચ્ચનને ઘણો ફાયદો થયો હતો, ત્યાં આ ફિલ્મની સ્ટોરી લખનાર જયા બચ્ચનને બહુ ફાયદો નથી થયો. કહેવાય છે કે ફિલ્મ 'શહેનશાહ' રીલિઝ થયા બાદ જયાએ ફરી ક્યારેય કોઈ ફિલ્મની વાર્તા લખી નથી.