35 રૂપિયાનો આ સસ્તો શેર 11 મહિનામાં પહોંચ્યા 800 રૂપિયાને પાર, 2300% ની તોફાની તેજી

Stock Market: એક નાની કંપની ટ્રાઇડેન્ટ ટેકલેબ્સના શેરમાં જોરદાર ઉછાળો જોવા મળ્યો છે. કંપનીના શેરે છેલ્લા 11 મહિનામાં જબરદસ્ત વળતર આપ્યું છે. 14 નવેમ્બર, ગુરુવારે ટ્રાઇડેન્ટ ટેકલેબ્સનો શેર રૂ. 860 પર બંધ થયો હતો. કંપનીનો IPO ગયા વર્ષે ડિસેમ્બરમાં આવ્યો હતો. આઈપીઓમાં કંપનીના શેરનો ભાવ રૂ. 35 હતો. ટ્રાઇડેન્ટ ટેકલેબ્સના શેર રૂ. 35ની ઇશ્યૂ કિંમતથી 2300%થી વધુ ઉછળ્યા છે. કંપનીના શેરનું 52 સપ્તાહનું ઉચ્ચ સ્તર રૂ. 998 છે. તે જ સમયે, કંપનીના શેરનું 52 સપ્તાહનું નીચલું સ્તર 93.25 રૂપિયા છે.

પ્રથમ દિવસે 194% નો થયો ફાયદો
ટ્રાઇડેન્ટ ટેકલેબ્સનો IPO 21 ડિસેમ્બર 2023ના રોજ ઓપન થયો હતો અને તે 26 ડિસેમ્બર સુધી ખુલ્લો રહ્યો હતો. આઈપીઓમાં કંપનીના શેરનો ભાવ રૂ. 35 હતો. 29 ડિસેમ્બર, 2023ના રોજ 180%ના વધારા સાથે ટ્રાઇડેન્ટ ટેકલેબ્સના શેર રૂ. 98.15 પર લિસ્ટ થયા હતા. જબરદસ્ત લિસ્ટિંગ પછી, ટ્રાઇડેન્ટ ટેકલેબ્સના શેરમાં વધુ તેજી જોવા મળી હતી. લિસ્ટિંગના દિવસે કંપનીના શેર રૂ.103.05 પર બંધ થયા હતા. એટલે કે રૂ. 35ની ઈશ્યુ પ્રાઈસ સામે કંપનીના શેર પહેલા જ દિવસે 194%ના નફા પર પહોંચી ગયા હતા.

આ પણ વાંચોઃ જો તમારી પાસે છે આ કંપનીના 5 શેર તો તમને ફ્રી મળશે 2 શેર, 36 રૂપિયા છે ભાવ

763 ગણો સબ્સક્રાઇબ થયો હતો કંપનીનો આઈપીઓ
ટ્રાઇડેન્ટ ટેકલેબ્સ (Trident Techlabs)નો આઈપીઓ ટોટલ 763.30 ગણો સબ્સક્રાઇબ થયો હતો. કંપનીના IPOમાં રિટેલ રોકાણકારોનો ક્વોટા 1059.43 ગણો સબસ્ક્રાઇબ થયો હતો. તે જ સમયે, બિન-સંસ્થાકીય રોકાણકારો (NII) શ્રેણીમાં 854.37 ગણું સબ્સક્રિપ્શન થયું હતું. IPOમાં લાયક સંસ્થાકીય ખરીદદારોનો ક્વોટા 117.91 ગણો સબસ્ક્રાઇબ થયો હતો. રિટેલ રોકાણકારો કંપનીના IPOમાં માત્ર 1 લોટ માટે દાવ લગાવી શકે છે. IPOના એક લોટમાં 4000 શેર હતા. એટલે કે રિટેલ રોકાણકારોએ કંપનીના IPOમાં રૂ. 1.40 લાખનું રોકાણ કરવાનું હતું. ટ્રાઇડેન્ટ ટેકલેબની શરૂઆત વર્ષ 2000માં કરવામાં આવી હતી. કંપની એરોસ્પેસ, ડિફેન્સ, ઓટોમોટિવ, ટેલિકોમ્યુનિકેશન, સેમિકન્ડક્ટર અને પાવર ડિસ્ટ્રિબ્યુશન ઇન્ડસ્ટ્રીઝને ટેક્નોલોજી આધારિત સોલ્યુશન્સ પૂરા પાડે છે.",