નવતર પ્રકારનો પ્રયાસ: અહીં બન્યો ભારતનો સૌપ્રથમ સંપૂર્ણ સ્ટીલ સ્લેગ રોડ

First Six - lane Highway Road: કેન્દ્રીય સ્ટીલ મંત્રી રામ ચંદ્ર પ્રસાદ સિંહે બંદરને શહેર સાથે જોડવા માટે સુરત ખાતે સ્ટીલ સ્લેગનો ઉપયોગ કરીને બનાવેલા પ્રથમ 6 લેન હાઇવે રોડનું ઉદ્ઘાટન કર્યું હતું. સ્ટીલ સ્લેગએ આર્સેલરમિત્તલ અને નિપ્પોન સ્ટીલ ઈન્ડીયા નામની વિશ્વની બે અગ્રણી સ્ટીલ ઉત્પાદક કંપનીઓનુ સંયુકત સાહસ (એએમ\એનએસ ઈન્ડીયા) આર્સેલરમિત્તલ નિપ્પોન સ્ટીલ ઈન્ડીયા દ્વારા સ્ટીલના ઉત્પાદન વખતે પ્રાપ્ત થતી પેટાપેદાશ છે. 

રસ્તાનું ઉદ્ઘાટન કરતી વખતે, મંત્રીએ તમામ કચરાને સંપત્તિમાં રૂપાંતરિત કરીને ચક્રીય અર્થતંત્ર અને સંસાધન કાર્યક્ષમતાને પ્રોત્સાહન આપવાની જરૂરિયાત પર ભાર મૂક્યો હતો. તેમણે ઉપસ્થિત લોકોને માહિતી આપી હતી કે પ્રધાનમંત્રીએ તેમના 15મી ઓગસ્ટ 2021ના ભાષણમાં ચક્રીય અર્થતંત્રને પ્રોત્સાહન આપવાની જરૂરિયાત પર વિશેષ ઉલ્લેખ કર્યો હતો, કારણ કે વિશ્વ તમામ પ્રકારના કુદરતી સંસાધનોના ઘટાડાનું સાક્ષી છે. આવા સંજોગોમાં ચક્રીય અર્થતંત્ર એ સમયની માંગ છે અને તેને આપણા જીવનના એક ભાગ તરીકે ફરજિયાત બનાવવાની જરૂર છે. 

સ્ટીલ પ્રોસેસ્ડ સ્લેગના 100% ઉપયોગ દ્વારા બનાવવામાં આવેલો રસ્તો કચરાને સંપત્તિમાં રૂપાંતરિત કરવા અને સ્ટીલ પ્લાન્ટની ટકાઉપણું સુધારવાનું વાસ્તવિક ઉદાહરણ છે. રસ્તાના બાંધકામમાં આવી સામગ્રીનો ઉપયોગ માત્ર જીવન જ નહીં પરંતુ બાંધકામના ખર્ચને ઘટાડવામાં પણ મદદ કરશે કારણ કે સ્લેગ-આધારિત સામગ્રી કુદરતી એકત્રીકરણ કરતાં વધુ સારા ગુણધર્મો ધરાવે છે. આ રોડ પરથી મેળવેલ અનુભવનો ઉપયોગ બાંધકામમાં સ્ટીલ સ્લેગના વ્યાપક ઉપયોગ માટે વિગતવાર માર્ગદર્શિકા વિકસાવવા માટે કરવામાં આવશે.

તેમણે વધુમાં જણાવ્યું હતું કે તેમનું મંત્રાલય માર્ગ નિર્માણ, કૃષિમાં માટીના પોષક તત્ત્વો અને ખાતરોના સ્થાને, રેલ્વે માટે બેલાસ્ટ અને ગ્રીન સિમેન્ટ બનાવવા માટે આવી સામગ્રીનો ઉપયોગ કરવા માટે અન્ય તમામ વિકલ્પોની શોધ કરી રહ્યું છે. સ્ટીલ મંત્રાલયે સ્ટીલના ઉત્પાદન દરમિયાન પેદા થતા વિવિધ પ્રકારના સ્લેગના ઉપયોગ પર પહેલાથી જ ઘણા આરએન્ડડી પ્રોજેક્ટ્સ એનાયત કર્યા છે અને તેમાંથી મોટાભાગનાને જવાબદારી તરીકે ગણવામાં આવે છે. સ્ટીલ સ્લેગનો ઉપયોગ કરીને બનાવવામાં આવેલો રોડ અન્ય મોટા સ્ટીલ ખેલાડીઓ સાથે મંત્રાલય દ્વારા પ્રાયોજિત આર એન્ડ ડી પ્રોજેક્ટનો પણ એક ભાગ છે.

આર્સેલરમિત્તલ અને નિપ્પોન સ્ટીલ ઈન્ડીયાના ચીફ એક્ઝિક્યુટિવ ઓફિસર દિલીપ ઓમ્મેનએ  જણાવ્યુ કે “સીઆરઆરઆઈના સહયોગથી એએમ/એનએસ ઈન્ડીયા માર્ગ નિર્માણમાં નેચરલ એગ્રીગેટસનો વિકલ્પ વિકસાવવાનુ ગૌરવ અનુભવે છે. જે આંતરરાષ્ટ્રીય ગુણવત્તા ધરાવે છે અને ખર્ચમાં સ્પર્ધાત્મક છે તથા કુદરતી સ્ત્રોતો ઉપરનો બોજ ઘટાડે છે. વેસ્ટ ટુ વેલ્થ અને ક્લિન ઈન્ડીયા ઝુંબેશના ભાગ તરીકે હાથ ધરાયેલો આ નવતર પ્રકારનો પ્રયાસ સરક્યુલર ઈકોનોમિમાં યોગદાન સાકાર કરે છે અને સાથે સાથે અન્ય લોકો અપનાવી શકે તેવુ ઉદાહરણ પણ પૂરૂ પાડે છે.”

રસ્તાના નિર્માણમાં સ્ટીલ સ્લેગનો ઉપયોગ દેશમાં કુદરતી એકત્રીકરણની અછતને દૂર કરશે કારણ કે દેશમાં વિવિધ પ્રક્રિયા માર્ગોમાંથી સ્ટીલ સ્લેગનું ઉત્પાદન 2030 સુધીમાં વર્તમાનથી વધવાની સંભાવના છે. સુરતમાં 1 કિ.મીનો 6 લેનના રોડનું નિર્માણ એએમ/એનએસ ઈન્ડીયાના હજીરા પ્લાન્ટમાંથી આશરે 1 લાખ ટન પ્રોસેસ્ડ સ્ટીલ સ્લેગનો ઉપયોગ કરીને કરવામાં આવ્યુ છે. જેને સેન્ટ્રલ રોડ રિસર્ચ ઈન્સ્ટિટયુટ (CRRI) - કાઉન્સિલ ઓફ સાયન્ટિફિક એન્ડ ઈન્ડસ્ટ્રીયલ રિસર્ચ (CSIR) ની લોબોરેટરીના  સહયોગથી  વિકસાવવામાં આવ્યો છે.

નવો તૈયાર કરાયેલો રોડ સુરત જીલ્લા માટે મહત્વનો ટ્રાન્સપોર્ટ કોરિડોર બની રહેશ કારણકે દૈનિક અંદાજિત 1000 થી 1200 ભારે વાહનો આ રોડ પરથી અવર-જવર કરે છે. આ રોડની મજબૂતાઈ દેશના માર્ગ નિર્માણ ક્ષેત્રે રિસાયકલ કરેલી સામગ્રીના ઉપયોગ અને ભારતમાં હાઈવે નિર્માણમાં નવતર પ્રકારના પ્રયત્નની સંભાવના પૂરવાર કરે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube