PF New Rules: 1 એપ્રિલથી PF એકાઉન્ટ્સ પર પણ લાગશે ટેક્સ, જાણ તમારા પર પડશે અસર

નવી દિલ્હીઃ નોકરી કરનારાઓ માટે મહત્વના સમાચાર છે. જો તમે પણ કર્મચારી છો, તો તમારું એમ્પ્લોઇ પ્રોવિડેન્ટ ફન્ડ ઓર્ગેનાઇઝેશન અથવા EPFO ​​માં તમારું ખાતું હશે. તમારી જાણકારી માટે તમને જણાવી દઈએ કે હવે પીએફ એકાઉન્ટ પર પણ ટેક્સ લાગશે. તમારા પગારનો અમુક હિસ્સો પીએફ ખાતામાં જમા થાય છે. પરંતુ હવે પીએફના નિયમોમાં કેટલાક નવા ફેરફાર થવા જઈ રહ્યા છે. 1 એપ્રિલ, 2022થી હાલના પીએફ ખાતાઓને બે ભાગમાં વહેંચી શકાય છે.

આ પીએફ ખાતાઓ પર લાગશે ટેક્સ
નોંધનીય છે કે ગયા વર્ષે સરકારે આવકવેરાના નવા નિયમો જાહેર કર્યા હતા. હવે આ અંતર્ગત પીએફ ખાતાઓને બે ભાગમાં વહેંચવામાં આવશે. આમાં, કેન્દ્રને વાર્ષિક 2.5 લાખ રૂપિયાથી વધુના કર્મચારીના યોગદાનના કિસ્સામાં પીએફની આવક પર ટેક્સ વસૂલવામાં આવશે. જોકે હાઇ ઇનકમવાળા લોકોને સરકારી વેલફેર સ્કીમનો ફાયદો લેતા અટકાવવાનો આ ઉદ્દેશ્ય છે.

જાણો નવા PF નિયમોની મુખ્ય બાબતો
-  હાલના પીએફ ખાતાઓને ટેક્સેબલ અને નોન-ટેક્સેબલ યોગદાન ખાતામાં વિભાજિત કરવામાં આવશે.
-  નોન-ટેક્સેબલ ખાતાઓમાં તેમના બંધ ક્લોઝિંગ એકાઉન્ટ પણ સામેલ થશે કારણ કે તેની તારીખ 31 માર્ચ, 2021 હોય છે.
-  નવા PF નિયમો આગામી નાણાકીય વર્ષ એટલે કે 1 એપ્રિલ, 2022થી લાગુ થઈ શકે છે.
-  વાર્ષિક ₹2.5 લાખથી વધુના કર્મચારીના યોગદાનમાંથી PF આવક પર નવો કર લાગુ કરવા માટે IT નિયમો હેઠળ એક નવી કલમ 9D દાખલ કરવામાં આવી છે.
-  ટેક્સેબલ વ્યાજની ગણતરી માટે હાલના પીએફ ખાતામાં બે અલગ ખાતા પણ બનાવવામાં આવશે.

આ ટેક્સપેયર્સને ફરક નહી પડે
તમને જણાવી દઈએ કે આ નવા નિયમના અમલ બાદ મોટાભાગના પીએફ સબસ્ક્રાઈબર્સને 2.5 લાખ રૂપિયાની લિમિટનો ફાયદો થશે. પરંતુ નવા નિયમથી નાના અને મધ્યમ વર્ગના કરદાતાઓને કોઈ અસર થશે નહીં. આ મુખ્યત્વે હાઇ ઇનકમ ધરાવતા કર્મચારીઓને અસર કરશે. એટલે કે, જો તમારો પગાર ઓછો અથવા સરેરાશ છે, તો તમને આ નવા નિયમથી કોઈ ફરક પડશે નહીં.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube