પૈસા માટે ભટકવું ના હોય તો નોંધી લો તારીખો! ઓક્ટોબરમાં 15-15 દિવસ બંધ રહેશે બેંકો

Bank Holidays Octobel List: ઓક્ટોબર મહિનામાં ઘણા મોટા તહેવારો આવી રહ્યા છે. ગાંધી જયંતિથી લઈને દશેરા સુધી આ મહિનામાં અનેક મોટા તહેવારો આવશે. આવી સ્થિતિમાં બેંકોમાં પણ રજા રહેશે. આરબીઆઈના હોલિડે કેલેન્ડર અનુસાર ઓક્ટોબર મહિનામાં લગભગ 15 દિવસ બેંકો બંધ રહેશે. આવી સ્થિતિમાં, જો તમારી પાસે બેંક સંબંધિત કોઈ કામ છે, તો આ તારીખો ક્યાંક નોંધી લો અને તે મુજબ તમારું કામ સમયસર પૂર્ણ કરો. અહીં જાણો ઓક્ટોબરમાં કયા દિવસે કઇ જગ્યાએ બેંક હોલીડે રહેશે.

કયા રાજ્યની બેંકો ક્યારે બંધ રહેશે?

ઓક્ટોબર 1 (મંગળવાર): જમ્મુ અને કાશ્મીરમાં વિધાનસભાની ચૂંટણી
2 ઓક્ટોબર (બુધવાર): ગાંધી જયંતિ
3 ઓક્ટોબર (ગુરુવાર): શારદીય નવરાત્રિ અને મહારાજા અગ્રસેન જયંતિની શરૂઆત.
6 ઓક્ટોબર (રવિવાર): સાપ્તાહિક રજા
10 ઓક્ટોબર (ગુરુવાર): મહાસપ્તમી
11 ઓક્ટોબર (શુક્રવાર): મહાનવમી
12 ઓક્ટોબર (શનિવાર): દશેરા અને બીજો શનિવાર
ઑક્ટોબર 13 (રવિવાર): સાપ્તાહિક રજા
14 ઓક્ટોબર (સોમવાર): દુર્ગા પૂજા (દસૈન), ગંગટોક (સિક્કિમ)
16 ઓક્ટોબર (બુધવાર): લક્ષ્મી પૂજા (અગરતલા, કોલકાતા)
17 ઓક્ટોબર (ગુરુવાર): વાલ્મીકિ જયંતિ
ઑક્ટોબર 20 (રવિવાર): સાપ્તાહિક રજા
26 ઓક્ટોબર (શનિવાર): જોડાણ દિવસ (જમ્મુ અને કાશ્મીર) અને ચોથો શનિવાર
ઓક્ટોબર 27 (રવિવાર): સાપ્તાહિક રજા
31 ઓક્ટોબર (ગુરુવાર): નરક ચતુર્દશી, સરદાર વલ્લભભાઈ પટેલનો જન્મદિવસ અને દિવાળી.

રાજ્યો અનુસાર નક્કી કરાય છે રજાઓ-
તમને જણાવી દઈએ કે તમામ રાજ્યોમાં બેંકોની રજાઓની યાદી એક સરખી નથી. અલગ-અલગ રાજ્યો મુજબ બેંકની રજાઓ નક્કી કરવામાં આવતી હોય છે. રિઝર્વ બેંક ઓફ ઈન્ડિયા (RBI) અનુસાર, તમામ રાજ્યોની રજાઓની યાદી અલગ-અલગ છે. આ રજાઓની સંપૂર્ણ સૂચિ આરબીઆઈની સત્તાવાર વેબસાઇટ પર આપવામાં આવી છે, જેમાં રાજ્યો અનુસાર વિવિધ તહેવારો અને રજાઓની સંપૂર્ણ વિગતો આપવામાં આવી છે. જો કે, બેંકો બંધ હોવા છતાં, ગ્રાહકોને કોઈ સમસ્યાનો સામનો કરવો પડશે નહીં કારણ કે રજાના દિવસોમાં પણ, લોકો તેમના તમામ કામ ઓનલાઈન બેંકિંગની મદદથી પૂર્ણ કરી શકે છે. આજના સમયમાં બેંકની મોટાભાગની સેવાઓ ઓનલાઈન ઉપલબ્ધ છે. તેથી, રજાના દિવસે પણ, તમે ઘરે બેઠા બેઠા ઘણા બેંકિંગ કાર્યો પૂર્ણ કરી શકો છો. પરંતુ જો તમારી પાસે કોઈ કામ હોય જેમાં બેંકમાં જવું જરૂરી હોય તો તમારે તેને સમયસર પૂર્ણ કરવું જોઈએ.