கெளதம் வாசுதேவ் மேனன் இயக்கத்தில் விக்ரம் நடிப்பில் நீண்ட நாள் கிடப்பில் போடப்பட்டுள்ள 'துருவ நட்சத்திரம்' படத்தை விரைவில் வெளியிட படக்குழு திட்டமிட்டுள்ளது.
விக்ரம் நடிப்பில் நீண்ட நாள் கிடப்பில் போடப்பட்டுள்ள ஸ்பை த்ரில்லர் 'துருவ நட்சத்திரம்' படம், விக்ரமின் சமீபத்திய படமான 'தங்கலான்' படத்திற்கு முன்னதாகவே வெளியாகவிருப்பதாக செய்திகள் வெளியாகியுள்ளது.
'துருவ நட்சத்திரம்' படத்தின் போஸ்ட் ப்ரொடக்ஷன் பணிகள் நடைபெற்று வருவதாகவும், தற்போது சீயான் விக்ரம் டப்பிங் பேசி முடித்துவிட்டதாகவும் செய்திகள் வெளியாகியுள்ளது.
'துருவ நட்சத்திரம்' படத்தை ஜூலை 14-ம் தேதி வெளியிட திட்டமிட்டு இருக்கும் நிலையில், அதே தினத்தில் சிவகார்த்திகேயனின் 'மாவீரன்' படமும் வெளியாகி பாக்ஸ் ஆபிசில் மோதலை ஏற்படுத்துப்போவதாக கூறப்படுகிறது.
'துருவ நட்சத்திரம்' படத்தின் திரையரங்கு வெளியீட்டு உரிமையை ரெட் ஜெயண்ட் மூவிஸ் நிறுவனம் வாங்கியிருப்பதாக செய்திகள் வெளியாகியுள்ளது.
'துருவ நட்சத்திரம்' படத்தில் விக்ரம், ஐஸ்வர்யா ராஜேஷ், ரிது வர்மா, சிம்ரன், பார்த்திபன், டிடி, அர்ஜுன் தாஸ், வம்சி கிருஷ்ணா, ராதிகா சரத்குமார், அபிராமி மற்றும் பலர் நடித்துள்ளனர்.
