கேமிங் இயங்குதளமான OKIE கேமிங்கில் 15% பங்குகளை வாங்கியுள்ள நடிகை காஜல் அகர்வால், மும்பையைச் சேர்ந்த அந்த கேமிங் நிறுவனத்தில் ஒரு மூலோபாய பங்காளராக சேர வெளியிடப்படாத தொகையை முதலீடு செய்துள்ளார்.
காஜல் அகர்வால் தனது முதலீட்டைப் பற்றி கூறுகையில், கேமிங் தொழில் வேகமாக வளர்ந்து வருகிறது என்றும் இதில் பங்கு வகிக்க இதுதான் சரியான வாய்ப்பு என்றும் கூறினார். நானும் ஒரு கேமராக இருந்தேன். பெண் கேமர்சை ஊக்கப்படுத்தி அவர்களுக்கு ஒரு புதிய வழியை திறக்க விரும்புகிறேன் என்றார் அவர். நிறுவனம் இந்த தொகையை கேம்களின் எண்ணிக்கையை அதிகரிக்க பயன்படுத்தும். இந்த நிதியாண்டின் இறுதிக்குள் 50 கோடி வருவாய் என்ற அளவை நிறுவனம் இலக்காகக் கொண்டுள்ளது.
பாலிவுட்-கோலிவுட்-டோலிவுட் நடிகை காஜல் அகர்வால் கடந்த வாரம் தொழிலதிபர் கௌதம் கிச்லுவை மணந்தார். திருமணமான உடனேயே, காஜல் ஒரு இல்லத்தரசி ஆவதற்குப் பதிலாக ஒரு வணிகப் பெண்ணாக மாறிவிட்டார். காஜல் அகர்வால் OKIE கேமிங் என்ற நிறுவனத்தில் 15% பங்குகளை வாங்கியுள்ளார். OKIE கேமிங் என்பது மும்பையைச் சேர்ந்த கேமிங் நிறுவனமாகும்.
OKIE கேமிங் ஒரு சுய நிதியளிக்கும் நிறுவனம். இதில் பிரதமர் மோடியின் வேண்டுகோளுக்குப் பிறகு இந்திய கலாச்சாரத்தை பிரதிபலிக்கும் கேம்கள் உருவாக்கப்பட்டுள்ளன. இந்த தளம் முதல் முறையாக 'தேசி ஸ்போர்ட்ஸ் லீக்'-ஐ தொடங்கியுள்ளது. கேரளாவில் வல்லம் கல்லி எனப்படும் படகு பந்தயம் போன்ற பிரபலமான பிராந்திய விளையாட்டுகளும் இதில் அடங்கும். மேலும், மகாராஷ்டிராவில் நடைபெறும் தஹி ஹண்டி விளையாட்டும் இதில் உள்ளது.
நீங்கள் ஸ்மார்ட் ஹவுசி, பேண்டஸி கிரிக்கெட், ஸ்மார்ட் நம்பர் வினாடி வினா, லுடோ, கிரிக்கெட், ரம்மி மற்றும் ஸ்மார்ட் வேர்ட்ஸ் போன்ற விளையாட்டுகளை விளையாடியிருந்தால், OKIE கேமிங்கும் உங்களுக்கு ஏற்ற விளையாட்டாகும். இப்போதைக்கு, இதற்கு ஒரு செயலி இல்லை. டிசம்பர் மத்தியில் இது வந்துவிடும் என நிறுவனம் தெரிவித்துள்ளது.
காஜல் அகர்வால் ஒரு அனுபவமிக்க முதலீட்டாளர் என்றும் OKIE கேமிங்கிற்கு புதிய யோசனைகளைக் கொண்டுவருவார் என்றும் ஓக்கி வென்ச்சர்ஸ் நிறுவனத்தின் தலைமை நிர்வாக அதிகாரி ஜிடின் மசந்த் கூறுகிறார். அவரது தனிப்பட்ட ஆர்வமும் மக்களுடனான இணைப்பும் இந்த பிராண்டை புதிய உயரத்திற்கு கொண்டு செல்லும். OKIE கேமிங்கில், பயனர்கள் ரூ .10-25க்கு விளையாடலாம் மற்றும் ரூ .5000 வரை பரிசுகளை வெல்லலாம் என்று அவர் கூறினார். இருப்பினும் சூதாட்டம் போன்ற விளையாட்டுகளிலிருந்து இந்த தளம் விலகி இருக்கும் என்று அவர் தெளிவுபடுத்தினார்.
