7 seater cars under Rs 20 lakh rupees: 6-7 குடும்ப உறுப்பினர்களைக் கொண்டவர்கள் கார் வாங்க நினைத்தால், ஒரு பெரிய குடும்ப காராக வாங்க வேண்டும். அதாவது, 6-7 குடும்ப உறுப்பினர்கள் ஒன்றாக பயணம் செய்யக்கூடிய காரை வாங்க வேண்டும். இதற்கு அதிக செலவாகும் என பொதுவாக ஒரு எண்ணம் உண்டு. ஆனால், உங்கள் பட்ஜெட்டிலேயே இது போன்ற பெரிய கார்கள் கிடைக்கும். அதிக நபர்கள் வசதியாக அமரும் அளவுக்கு, தரமான கார்கள் சந்தையில் அதிகம் உள்ளன. அவற்றைப் பற்றி இந்த பதிவில் காணலாம்.
மாருதி எர்டிகா மாருதி சுசுகியின் மிகவும் பிரபலமான கார் ஆகும். இதை குடும்பக் கார் என்றும் அழைக்கலாம். இதில் 6-7 பேர் அமர்ந்து பயணம் செய்யலாம். அதிகாரப்பூர்வ இணையதளத்தின்படி, அதன் டெல்லி எக்ஸ்-ஷோரூம் விலை ரூ .7,96,500 முதல் ரூ. 10,69,500 வரை இருக்கும். (புகைப்படம் - அதிகாரப்பூர்வ வலைத்தளத்திலிருந்து எடுக்கப்பட்டது)
ஹெக்டர் பிளஸ் எம்ஜி மோட்டார்சின் ஒரு சிறந்த வாகனம் ஆகும். இது உங்கள் தேவையை பூர்த்தி செய்யும். மேலும் இது சிறந்த அம்சங்களின் அனுபவத்தையும் உங்களுக்கு வழங்கும். இது 6 மற்றும் 7 இருக்கை ஆப்ஷன்களில் வருகிறது. இதன் எக்ஸ்-ஷோரூம் ஆரம்ப விலை 13.49 லட்சம் ஆகும். (புகைப்படம் - அதிகாரப்பூர்வ வலைத்தளத்திலிருந்து எடுக்கப்பட்டது)
மஹிந்திரா & மஹிந்திராவின் மஹிந்திரா மராஸ்ஸோ எஸ்யூவி உங்கள் தேவைகளை பூர்த்தி செய்ய ஒரு நல்ல குடும்ப காராக இருக்கும். இதன் புனே எக்ஸ்-ஷோரூம் ஆரம்ப விலை ரூ .12,30,156. (புகைப்படம் - அதிகாரப்பூர்வ வலைத்தளத்திலிருந்து எடுக்கப்பட்டது)
டொயோட்டாவின் மிகவும் பிரபலமான எஸ்யூவி இன்னோவா கிரிஸ்டா ஆகும். இந்த கார் ஒரு நீண்ட பயணத்தில் சிறந்த செயல்திறனை அளிக்கும். இந்த காரில் 7-8 பேர் வரை பயணம் செய்யலாம். அதன் ஆரம்ப எக்ஸ்-ஷோரூம் விலை சற்று அதிகமாக இருந்தாலும், ரூ .16,41,000 என்ற ஆரம்ப விலைக்கு வாங்கலாம். (புகைப்படம் - அதிகாரப்பூர்வ வலைத்தளத்திலிருந்து எடுக்கப்பட்டது)
டாடா சஃபாரி உங்கள் குடும்பத்தின் தேவைகளை பூர்த்தி செய்யும் டாடா மோட்டார்ஸின் சக்திவாய்ந்த எஸ்யூவி ஆகும். இந்த கார் மிகவும் வலிமையானது மற்றும் சக்தி வாய்ந்தது. இதன் ஆரம்ப எக்ஸ்-ஷோரூம் விலை ரூ .14.99 லட்சத்தில் இருந்து தொடங்குகிறது. (புகைப்படம் - அதிகாரப்பூர்வ வலைத்தளத்திலிருந்து எடுக்கப்பட்டது)
