வளைகுடாவில் உள்ள தி இண்டியன் ஹை ஸ்கூல் (IHS) ஜூலை 17, ஞாயிற்றுக்கிழமை நடைபெறவுள்ள இந்தியாவின் நீட் (தேசிய தகுதி நுழைவுத் தேர்வு) 2022 தேர்வுகளுக்கான மிகப்பெரிய மையமாகவும் முதன்மை மையங்களில் ஒன்றாகவும் உள்ளது.
கடந்த ஆண்டு ஐக்கிய அரபு அமீரகத்தில் இருந்து 1,843 மாணவர்கள் இந்த மருத்துவ நுழைவுத் தேர்வு எழுத இந்த மையத்திற்குச் சென்றனர்.
இந்திய உயர்நிலைப் பள்ளிகளின் தலைமை நிர்வாக அதிகாரி புனித் எம்.கே.வாசு கூறுகையில், “இந்த ஆண்டும் தேசிய தேர்வு முகைமையான எண்டிஏ தி இண்டியன் ஹை ஸ்கூலை 650 மாணவர்களுக்கான தேர்வு மையமாகத் தேர்ந்தெடுத்தது. தி இண்டியன் ஹை ஸ்கூல் மூன்றாவது முறையாக இந்தத் தேர்வை நடத்துகிறது. கோடை விடுமுறைக்கு நடுவே நீட் தேர்வு நடத்தப்பட்டாலும், பள்ளி ஊழியர்களும் நிர்வாகக் குழுவும் இதற்காக தயாராகிவிட்டன.” என்றார்.
மேலும் படிக்க | JEE தேர்வில் பிராந்திய அளவில் முதலிடம் பிடித்த துபாய் NRI மாணவர்
இந்த தொழில்முறை தேர்வை நடத்துவதற்கு தேவையான அனைத்து உள்கட்டமைப்புகள், தளவாடங்கள் மற்றும் பயிற்சி பெற்ற ஆசிரியர்கள் பள்ளியில் இருப்பதாக வாசு கருத்து தெரிவித்தார். இந்த மூன்று மணிநேர தொழில்முறை மருத்துவ நுழைவுத் தேர்வை வெற்றிகரமாக நடத்துவதற்கு தேர்ந்தெடுக்கப்பட்ட ஆசிரியர் மற்றும் நிர்வாக ஊழியர்கள் நன்கு பயிற்சி பெற்றவர்கள் என்பது குறிப்பிடத்தக்கது.
மருத்துவம் மற்றும் பராமரிப்புத் துறையானது, சுகாதாரம் மற்றும் பாதுகாப்பு நெறிமுறைகளைக் கடைப்பிடிக்கும் ஏற்பாடுகளை உன்னிப்பாகக் கண்காணிக்கும். அதே நேரத்தில் நிர்வாகம் மற்றும் போக்குவரத்து ஆதரவுக் குழு அனைத்து தளவாடங்கள், ஆதரவு மற்றும் அனைத்து கோவிட் தொடர்பான நெறிமுறைகள் மற்றும் கண்காணிப்பாளர்களுக்கான போக்குவரத்து ஆகியவற்றை ஒருங்கிணைக்கும்.
அனைத்து முக்கிய பேருந்து வழித்தடங்களையும் ஆதரிக்கும் அதன் மூலோபாய இருப்பிடம் காரணமாக இந்த மையம் தேர்வுக்கான சிறந்த இடமாக உள்ளது. மேலும் இந்த பள்ளி துபாய் மெட்ரோ அவுட் மெத்தா நிலையத்திற்கு மிக அருகில் உள்ளது.
இந்த ஆண்டு தேசிய தகுதி மற்றும் நுழைவுத் தேர்வுக்கு (NEET) 1,872,000 மாணவர்கள் பதிவு செய்துள்ளனர். அவர்களில் 1,064,000 பேர் பெண்கள், 807,000 பேர் ஆண்கள்.
சமீப ஆண்டுகளில் மருத்துவ நுழைவுத்தேர்வில் பெண்களின் எண்ணிக்கை 1,000,000 ஐ தாண்டியது இதுவே முதல் முறையாகும். இந்த ஆண்டு மேலும் சுமார் 250,000 பேர் நீட் தேர்வுக்கு பதிவு செய்துள்ளனர்.
கடந்த ஆண்டு தி இண்டியன் ஹை ஸ்கூல் தேர்வு மையத்தில் மாணவர்களை விட மாணவிகளின் எண்ணிக்கை 40 சதவீதம் அதிகமாக இருந்தது. வளைகுடா நாடுகள் முழுவதிலும் இருந்து பல மாணவ மாணவிகள் தேர்வில் கலந்துகொண்டனர்.
தேர்வு எழுதும் மாணவர்கள் நினைவில் கொள்ள வேண்டிய விஷயங்கள்
- தேர்வு எழுத வரும் மாணவர்கள், தங்களின் அட்மிட் கார்டுகளை பதிவிறக்கம் செய்து, அதன் பிரிண்ட் எடுத்து வர வேண்டும்.
- தேர்வுக் கூடத்தில், மாணவர்கள் நுழைவுச் சீட்டில் குறிப்பிடப்பட்டுள்ள அனைத்து சமூக இடைவெளி வழிகாட்டுதல்களையும் கடைப்பிடிக்க வேண்டும்.
- தேர்வு எழுதும் மாணவர்கள் சானிடைசர் மற்றும் டிரான்ஸ்பரண்ட் தண்ணீர் பாட்டில் கொண்டு செல்ல அனுமதிக்கப்படுகிறார்கள்.
- அனைத்து மாணவர்களும் உள்ளூர் சுகாதார அதிகாரிகளின் சுகாதார மற்றும் பாதுகாப்பு வழிகாட்டுதல்களை முழுமையாக பின்பற்ற வேண்டும்.
- தேர்வு மையத்தில் மருத்துவக் குழு மற்றும் செவிலியர்கள் பணியில் இருப்பார்கள்.
- உடல் வெப்பநிலையை சரிபார்க்க பணியாளர்கள் ஈடுபடுத்தப்பட்டுள்ளனர்.
- அனைத்து மாணவர்களையும் திரையிட மெட்டல் டிடெக்டர் சிசிடிவி கேமராக்கள் பயன்படுத்தப்படும்.
மேலும் படிக்க | UAE Jobs: துபாய், அபுதாபியில் Apple நிறுவனத்தில் பணியாற்ற மிகச்சிறந்த வாய்ப்பு
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
