மலையாள திரையுலகில் பல பிரபலமான படங்களில் நடித்து வளர்ந்து வரும் நடிகர்களின் பட்டியலில் முதலிடத்தில் இருப்பவர் மாத்யூ தாமஸ். இவர், லியோ படத்தில் நடித்து வருகிறார். சமீபத்தில் நடந்த ஒரு பத்திரிகையாளர்கள் சந்திப்பில் மாத்யூ, லியோ படம் குறித்த தகவல்களை பகிர்ந்துள்ளார்.
லியோ படத்தில் மாத்யூ:
மலையாளத்தில் சமீபத்தில் வெளியான கிரிஸ்டடி படத்தில் மாளவிகா மோகனனுடன் இணைந்து நடித்தவர் மாத்யூ தாமஸ். இதற்கு முன்னரும் மலையாளத்தில் பிரபலமான படங்காக விளங்கும் கும்பளங்கி நைட்ஸ், தண்நீர் மதன் தினங்கள், ஜோ அண்ட் ஜோ போன்ற படங்களில் நடித்து பிரபலமாகியுள்ளார். அது மட்டுமன்றி, திரைத்துறையில் கலக்கி வரும் பல 2கே கிட்ஸ்களுள் இவரும் ஒருவர். மாத்யூ, லியோ படத்தில் விஜய்யுடன் நடிக்கவுள்ளதாக படக்குழு சில நாட்களுக்கு முன்னர் அறிவித்திருந்தது.
Mathew Thomas talks about #Leo
* He will be seen in clean shave look
* He was not comfortable with Tamil, But Lokesh was cool enough to handle it easily.
* Thalapathy Adipoli
* He has a sister (இயல்) in d movie— Christopher Kanagaraj (@Chrissuccess) May 3, 2023
எக்ஸ்க்ளூசில் தகவல்கள்:
லியோ படத்தில் நடித்து வரும் நட்சத்திரங்கள் எங்கு சென்றாலும் ரசிகர்கள் அவர்களிடம் அப்படம் குறித்த அப்டேட்டுகளை கேட்டுவருகின்றனர். லியோவில் நடித்து வரும் மாத்யூவும் இதற்கு விதிவிலக்கல்ல. இவர், சமீபத்தில் மலையாள படம் ஒன்றிற்காக பத்திரிகையாளர்கள் சந்திப்பில் கலந்து கொண்டார். அதில், அவரிடம் லியோ படம் குறித்த பல கேள்விகள் கேட்கப்பட்டன. அப்போது தனது கதாப்பாத்திரம் உள்பட பல எக்ஸ்க்ளூசிவ் தகவல்களை மாத்யூ செய்தியாளர்களிடம் பகிர்ந்து கொண்டார்.
மேலும் படிக்க | தி கேரளா ஸ்டோரி திரைப்படத்துக்கு தடை விதிக்க வழக்கு! அதுவும் இந்த காரணத்திற்காகவா?
“தளபதி அடிபொலி..”
லியோ படத்தின் மாத்யூவின் கதாப்பாத்திரம் குறித்து அவரிடம் கேள்விகள் எழுப்பப்பட்டன. அதற்கு அவர், தான் இந்த படத்தில் க்ளீன் ஷேவ் லுக்கில் வருவதாக தெரிவித்தார். மேலும், மாத்யூவிற்கு சரியாக தமிழ் பேச வராது என்பதை படத்தின் இயக்குநர் லோகேஷ் கனகராஜ்ஜிடம் கூறியதாகவும் அவர் மிகவும் கூலாக சரி செய்ததாகவும் கூறினார். இதையடுத்து, நடிகர் விஜய் குறித்து அவரிடம் கேள்வி எழுப்பப்பட்டது. அதற்கு அவர், “தளபதி அடிபொலி” என கூறினார். மாத்யூவிற்கு இந்த படத்தில் இயல் என்ற தங்கை கதாப்பாத்திரம் இருப்பதாக அவர் தெரிவித்தார்.
லியோ அப்டேட் வருமா?
விஜய்யின் 67ஆவது படமான லியோவில் த்ரிஷா, மன்சூர் அலிகான், கெளதம் வாசுதேவ் மேனன் என பலர் நடித்து வருகின்றனர். இவர்களில் சிலர், தாங்கள் கலந்து கொள்ளும் நிகழ்ச்சிகளில் தெரிந்தோ தெரியாமலோ அவ்வப்போது படம் குறித்த விஷயங்களை ஊடகத்தின் முன்பு கூறி விடுகின்றனர். ஆனால் படக்குழுவோ லியோ குறித்த தகவல்களையும் படப்பிடிப்பி புகைப்படங்களையும் பத்திரமாக பாதுகாத்து வருகின்றனர். இன்று, லியோவில் நாயகியாக நடித்துவரும் த்ரிஷாவிற்கு பிறந்தநாள். படத்தில் நடித்துவரும் முக்கிய நட்சத்திரங்களின் பிறந்தநாளின் போது படம் குறித்த அப்டேட்டுகள் வெளிவருவது வாடிக்கையாகி வருகிறது. த்ரிஷாவின் பிறந்தநாளையொட்டி இன்று லியோவின் அப்டேட் வரும் என எதிர்பார்க்கப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
