அடுத்த 5 ஆண்டுகளில் சுமார் 2700 டீசல் என்ஜின்களை அதன் நெட்வொர்க்கிலிருந்து அகற்ற உள்ளதாக ரயில்வே அறிவித்துள்ளது..!
டீசலை சார்ந்திருப்பதைக் குறைக்க, இந்தியன் ரயில்வே (INDIAN RAILWAYS) முழு ரயில் வலையமைப்பையும் மின்மயமாக்க திட்டமிட்டுள்ளது. 100% மின்மயமாக்கல் திசையில் ரயில்வே ஒரு பெரிய நடவடிக்கை எடுத்துள்ளது. அடுத்த 5 ஆண்டுகளில் சுமார் 2700 டீசல் என்ஜின்களை அதன் நெட்வொர்க்கிலிருந்து அகற்றுவதாக ரயில்வே அறிவித்துள்ளது. இந்த டீசல் என்ஜின்கள் அனைத்தும் மின்சார என்ஜின்களாக மாற்றப்படும்.
இது குறித்து மாசு கட்டுப்பாட்டு வாரியம் CPCB-க்கு எழுதிய கடிதத்தில் அடுத்த 5 ஆண்டுகளுக்கான பாதை வரைபடத்தை ரயில்வே அமைச்சகம் பகிர்ந்துள்ளது. இந்த நடவடிக்கையிலிருந்து ரயில்வே ஒவ்வொரு ஆண்டும் சுமார் 2000 கோடி ரூபாய் மிச்சப்படுத்தும் என்று மதிப்பிடப்பட்டுள்ளது. ரயில்வே அமைச்சர் பியூஷ் கோயல் டிசம்பர் 2022-க்குள் 100% மின்மயமாக்கலை அடைய இலக்கு நிர்ணயித்துள்ளார்.
Alstom, BHEL போன்ற நிறுவனங்கள் ரயில்வே மிஷன் மின்மயமாக்கலுக்கு முக்கியத்துவம் கொடுப்பதால் பயனடைகின்றன. அதே நேரத்தில், மின்சார ரயில்களை இயக்குவதன் மூலமும் ரயில்களை இயக்குவதற்கான செலவும் குறைக்கப்படும்.
மாசு வாரியம் CPCB-க்கு சமர்ப்பிக்கப்பட்ட சாலை வரைபடத்தின் கீழ், ரயில்வே 2024 க்குள் ஒவ்வொரு ஆண்டும் பல என்ஜின் டீசல் என்ஜின்களை அகற்றும்.
2020 - 21 970
2021 - 22 360
2022 - 23 365
2023 - 24 505
2024 - 25 49
READ ALSO | Facebook இந்தியாவின் கொள்கை பிரிவு தலைவர் அங்கி தாஸ் ராஜினாமா...!!!
ரயில்வேயில் மின்மயமாக்கல் என்பது அரசு நிறுவனமான BHEL-க்கு பெரும் வாய்ப்புகளை உருவாக்கியுள்ளது. இந்த நிறுவனம் வரும் நாட்களில் 32000 முதல் 35000 கோடி வரை இயந்திரங்களை உருவாக்கும் வாய்ப்புகளைப் பெறலாம்.
இந்திய ரயில்வே 2030 ஆம் ஆண்டளவில் பசுமை ரயில்வேக்கு மாற்ற இலக்கு வைத்துள்ளது. இதுபோன்ற வாய்ப்பை அடைந்த உலகின் முதல் ரயில்வே இந்திய ரயில்வே ஆகும். புவி வெப்பமடைதலைக் குறைக்கவும், காலநிலை மாற்றத்தை சமாளிக்கவும் ரயில்வே அமைச்சகம் பல முக்கிய முயற்சிகளை எடுத்துள்ளது. ரயில்வே 40,000-க்கும் மேற்பட்ட ரூட் கிமீ (ஆர்.கே.எம்) மின்மயமாக்கலை முடித்துள்ளது, 2014-20 ஆம் ஆண்டில் 18,605 கி.மீ மின்மயமாக்கல் பணிகள் செய்யப்பட்டுள்ளன. முன்னதாக, 2009-14 காலகட்டத்தில் 3,835 கி.மீ மின்மயமாக்கல் மட்டுமே முடிக்கப்பட்டது.
இந்திய ரயில்வே 2020-21ஆம் ஆண்டிற்கான 7,000 ஆர்.கே.எம் மின்மயமாக்க இலக்கு நிர்ணயித்துள்ளது. டிசம்பர் 2023-க்குள் பிராட் கேஜ் (பிஜி) நெட்வொர்க்கில் உள்ள அனைத்து வழிகளையும் மின்மயமாக்க திட்டமிடப்பட்டுள்ளது. கடைசி மைல் இணைப்பின் மின்மயமாக்கலில் ரயில்வே கவனம் செலுத்துகிறது. இதைக் கருத்தில் கொண்டு, கொரோனா வைரஸின் காலத்தில் 365 கி.மீ தூரமுள்ள முக்கிய இணைப்பு பணிகள் தொடங்கப்பட்டுள்ளன.
