நுரையீரலை பாதிக்கும் பயங்கர நோய்... குணப்படுத்த முடியாது - யாருக்கெல்லாம் வரும்?

Lung disease, Zakir Hussain | தபலா வாசிப்பதில் உலகம் முழுவதும் பிரபலமான உஸ்தாத் ஜாகிர் உசேன், தனது 73வது வயதில் மரணமடைந்தார். அவர் கடந்த சில நாட்களாகவே அமெரிக்க மருத்துவமனையில் தீவிர சிகிச்சைப் பிரிவில் அனுமதிக்கப்பட்டிருந்தார். இருப்பினும் டிசம்பர் 15 அன்று சிகிச்சை பலனளிக்காமல் ஜாகீர் உசேன் இறந்தார். அவர் நாள்பட்ட நுரையீரல் நோயால் அவதிப்பட்டு வந்ததாக கூறப்படுகிறது. ஜாகீர் உசேன் மரணத்துக்கு காரணமாக சொல்லப்படும் நுரையீரல் தொற்று (Lung disease) என்ன? அதனால் என்னென்ன பாதிப்புகள் ஏற்படும்? என்பதை தெரிந்து கொண்டு விழிப்புடன் இருப்பது அவசியம். 

மருத்துவ உலக அறிக்கைகளின்படி, ஜாகிர் ஹுசைன் இடியோபாடிக் நுரையீரல் ஃபைப்ரோஸிஸ் (IPF) என்ற நீண்டகால நுரையீரல் நோயால் பாதிக்கப்பட்டுள்ளார், இது குணப்படுத்த முடியாதது. இந்த நோய் மாரடைப்பு, பக்கவாதம் மற்றும் புற்றுநோய் அபாயத்தை அதிகரிக்கும் என்று அறியப்படுகிறது. சில காலங்களுக்கு முன் உஸ்தாத் இதய அடைப்பு காரணமாக அறுவை சிகிச்சை செய்து ஸ்டென்ட பொருத்திக் கொண்டார். இருப்பினும் அவருக்கு ஏற்பட்ட பிரச்சனையை குணப்படுத்த முடியவில்லை.

இடியோபாடிக் நுரையீரல் ஃபைப்ரோஸிஸ் என்றால் என்ன?

இடியோபாடிக் நுரையீரல் ஃபைப்ரோஸிஸ் (Idiopathic Pulmonary Fibrosis) என்பது ஒரு தீவிரமான குணப்படுத்த முடியாத நுரையீரல் நோயாகும். இது நுரையீரலில் படிப்படியாக ஃபைப்ரோஸிஸை ஏற்படுத்துகிறது. இடியோபாடிக் என்ற வார்த்தையின் அர்த்தம் இந்த நோய்க்கான காரணத்தை அறிய முடியாது என்பதே. இதன் காரணமாக நுரையீரல் தடிமனாகவும், கடினமாகவும், காயங்களால் நிறைந்ததாகவும் மாறும்.

மேலும் படிக்க | அவித்த முட்டையா... ஆம்லேட்டா... காலை உணவில் எதை சாப்பிடலாம்? எதில் அதிக நன்மை?

இடியோபாடிக் நுரையீரல் ஃபைப்ரோஸிஸின் அறிகுறிகள்

- நீண்ட நாட்களாகத் தொடரும் தொடர் இருமல்
- சுவாசிப்பதில் சிரமம்
- சோர்வு மற்றும் பலவீனம், குமட்டல்
- எடை இழப்பு
- மார்பில் அழுத்தம் மற்றும் வலி

சிகிச்சை என்னென்ன?

இந்த நோய்க்கு சிகிச்சை இல்லை, ஆனால் அதன் அறிகுறிகளைக் கட்டுப்படுத்த, மருந்துகள், ஆக்ஸிஜன் சிகிச்சை மற்றும் கடுமையான சந்தர்ப்பங்களில், நுரையீரல் மாற்று சிகிச்சை செய்ய வேண்டியிருக்கும்.

IPF ஆபத்து காரணிகள்

இந்த நோய் பொதுவாக 50 வயதுக்கு மேற்பட்டவர்களில் அதிகம் காணப்படுகிறது. மாசு மற்றும் புகையில் வாழ்பவர்களுக்கு IPF ஆபத்து அதிகம். இதனுடன், சில மரபணு மாற்றங்களும் இந்த நோயின் அபாயத்தை அதிகரிக்கின்றன.

இந்த நோயால் பாதிக்கப்பட்ட நோயாளிகள் எவ்வளவு காலம் வாழ்கிறார்கள்?

NIH அறிக்கையின்படி, இந்த நோயால் பாதிக்கப்பட்டவர்கள் 3-5 ஆண்டுகளுக்குள் கடுமையான அறிகுறிகளை எதிர்கொள்கின்றனர். இது மரணத்திற்கு கூட வழிவகுக்கும். இருப்பினும், சில சந்தர்ப்பங்களில், சரியான சிகிச்சை மற்றும் வாழ்க்கை முறை மாற்றங்கள் வழங்கப்பட்டால், ஆயுட்காலம் 10 ஆண்டுகள் வரை நீட்டிக்கப்படலாம்.

மேலும் படிக்க | சுகர் லெவலை கட்டுப்படுத்த உதவும் கற்றாழை சாறு: இப்படி குடித்தால் அதிக பலன்

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்குத் தெரியப்படுத்துவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் எடுத்துள்ளோம். உங்கள் உடல்நலம் தொடர்பான எதையும் நீங்கள் எங்கும் படித்தால், அதை ஏற்றுக்கொள்ளும் முன் கண்டிப்பாக மருத்துவரை அணுகவும்.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ