വിശ്വാസത്തിനുമപ്പുറം കണ്ണൂരുകാരുടെ വികാരമാണ് പറശ്ശിനിക്കടവ് മുത്തപ്പൻ. കുഞ്ഞുകുഞ്ഞു പ്രാർത്ഥനകളിൽ തുടങ്ങി വലിയ വലിയ നേർച്ചകളിൽ വരെ മുത്തപ്പനുണ്ടാകും. കാൽപന്തുകളിയുടെ ആവേശം സിരകളിൽ പടർന്ന കുഞ്ഞിമംഗലം കുതിരുമ്മൽ അർജന്‍റീന ഫാൻസിന്‍റെ വിജയാഹ്ളാദത്തിലും അതുകൊണ്ടു തന്നെ മുത്തപ്പനെ മാറ്റി നിർത്താനായില്ല.
കർക്കിടകമാസത്തിൽ കോലത്തുനാട്ടിലെങ്ങും ഗൃഹസന്ദർശനം നടത്തി ഭക്തർക്ക് കുഞ്ഞിത്തെയ്യങ്ങൾ അനുഗ്രഹം ചൊരിയുന്നു. ചുവപ്പും ഓറഞ്ചും വെള്ളയും കറുപ്പും ചായില്യങ്ങളാണ് കുഞ്ഞിത്തെയ്യങ്ങൾ മുഖത്തെഴുതുന്നത്. ചുവന്ന പട്ടുടുത്ത്, മെയ്യാഭരണങ്ങളണിഞ്ഞു, തിരുമുടിയിൽ നാഗബിംബവുമാണിഞ്ഞ് വലതു കൈയ്യിൽ ഓട്ടുമണിയുമായി കുഞ്ഞിത്തെയ്യം നടന്നു നീങ്ങും.
സംഗീതപാരമ്പര്യവും സാംസ്കാരികത്തനിമയും ഉള്ള കൂട്ടായ്മയാണ് കോലത്തുനാട്ടിലെ പുലയര്‍. പുലയരുടെയിടയില്‍ പ്രചാരത്തിലുള്ള ആകര്‍ഷകമായ തെയ്യക്കോലമാണ് മാരിത്തെയ്യം. വർഷങ്ങളായി മാട്ടൂലിലെ കുമാരനും സംഘവുമാണ് മാടായിക്കാവിലെ മാരിത്തെയ്യങ്ങൾ കെട്ടി വരുന്നത്. കോവിഡിനെ തുടർന്ന് ഇടവേളക്ക് ശേഷമാണ് മാടായിക്കാവിൽ മാരി തെയ്യം അരങ്ങേറിയത്.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
