Bengaluru : ഫ്ലിപ്പ്കാർട്ട് പുതിയ സെൽ ബാക്ക് പ്രോഗ്രാം പ്രഖ്യാപിച്ചു. ഉപഭോക്താക്കൾക്ക് പഴയ സ്മാർട്ട്ഫോണുകൾ വിൽക്കാനുള്ള സൗകര്യവുമായി ആണ് ഫ്ലിപ്പ്കാർട്ട് ഇപ്പോൾ എത്തിയിരിക്കുന്നത്. ഫോൺ വിറ്റാൽ പണം ഫ്ലിപ്പ്കാർട്ട് ഇലക്ട്രോണിക്സ് ഗിഫ്റ്റ് വൗച്ചറായി ആണ് ഉപഭോക്താക്കൾക്ക് ലഭിക്കുന്നത്. ഡൽഹി, കൊൽക്കത്ത, പാറ്റ്ന തുടങ്ങി 1700 - ഓളം സ്ഥലങ്ങളിൽ ഇപ്പോൾ ഈ സൗകര്യം ലഭ്യമാണ്.
ഫ്ലിപ്പ്കാർട്ട് പുറത്ത് വിടുന്ന വിവരം അനുസരിച്ച് നിലവിൽ ഫോണുകൾക്ക് മാത്രമാണ് ഈ സൗകര്യം ഇപ്പോഴുള്ളത്. എന്നാൽ ഉടൻ തന്നെ കൂടുതൽ സാധനങ്ങൾക്ക് കൂടി ഈ സൗകര്യം ഒരുക്കുമെന്ന് അറിയിച്ചിട്ടുണ്ട്. ദിവസങ്ങൾക്ക് മുമ്പ് പഴയ സാധനങ്ങൾ വിൽക്കാൻ ഉപയോഗിക്കുന്ന റീ കോമേഴ്‌സ് പ്ലാറ്റ്‌ഫോമായ യാന്ത്ര ഏറ്റെടുത്തതിനെ തുടർന്നാണ് പുതിയ പ്രഖ്യാപനവുമായി ഫ്ലിപ്പ്ക്കാർട്ട് രംഗത്തെത്തിയിരിക്കുന്നത്.
ALSO READ: Instagram|നേരിട്ട് മെസ്സേജ് അയക്കേണ്ട; ഇൻസ്റ്റഗ്രാം സ്റ്റോറിയോട് ഇങ്ങിനെയും പ്രതികരിക്കാം
ഐഡിസിയുടെ റിപ്പോർട്ടുകൾ പ്രകാരം എല്ലാ വർഷവും ഏകദേശം 125 മില്യൺ ഉപയോഗം കഴിഞ്ഞ ഫോണുകളാണ് ഇന്ത്യയിൽ ഉള്ളത്. എന്നാൽ ഇതിൽ 20 മില്യൺ ഫോണുകൾ മാത്രമാണ് വിപണിയിൽ എത്തുന്നത്. ബാക്കിയെല്ലാം ഇ വേസ്റ്റ് ആയി മാറുകയാണ് പതിവ്. ഇത്തരത്തിൽ വൻ തോതിൽ ഉണ്ടാകുന്ന ഇ വേസ്റ്റുകളുടെ അളവ് കുറയ്ക്കാനാണ് ഫ്ലിപ്പ്കാർട്ട് പുതിയ പദ്ധതിയുമായി എത്തിയിരിക്കുന്നത്.
ഫ്ലിപ്പ്കാർട്ടിന്റെ പുതിയ പ്രോഗ്രാം അനുസരിച്ച് ഉപഭോക്താക്കൾക്ക് പഴയ ഫോണുകൾ വിറ്റ് ആ പണം കൊണ്ട് പുതിയ ഉപകരണങ്ങൾ വാങ്ങാം. എന്നാൽ നിങ്ങൾക്ക് ഈ തുക പണമായി ലഭിക്കുകയില്ല. ഈ സൗകര്യം ഇതിനോട് അകം തന്നെ ആരംഭിച്ചിട്ടുണ്ട്. ഇത് ഉപയോഗിക്കാനായി ഫ്ലിപ്പ്ക്കാർട്ട് ആപ്പിൽ ഉള്ള സെൽ ബാക്കെന്ന ഓപ്ഷനിൽ ക്ലിക്ക് ചെയ്യുക. നിങ്ങളുടെ ഫോണുകളെ കുറിച്ചുള്ള വിവരങ്ങൾ പങ്ക് വെച്ചാൽ നിങ്ങളുടെ ഫോണിന് എത്ര രൂപ ലഭിക്കുമെന്ന് ഫ്ലിപ്പ്ക്കാർട്ട് അറിയിക്കും.
ALSO READ: WhatsApp Web : വാട്ട്സ്ആപ്പ് വെബിൽ ഉടൻ കാളുകൾ വിളിക്കാനുള്ള സൗകര്യം എത്തുന്നു; അറിയേണ്ടതെല്ലാം
ഇതിന് ശേഷം 48 മണിക്കൂറിനുള്ളിൽ നിങ്ങളുടെ ഫോണുകൾ വാങ്ങാനായി ഫ്ലിപ്പ്ക്കാർട്ട് എക്സിക്യുട്ടീവ് എത്തും. നിങ്ങൾ ഫോണിനെ കുറിച്ച് നൽകിയ വിവരങ്ങൾ ശരിയാണെന്ന് സ്ഥിരീകരിച്ചാൽ ഉടൻ തന്നെ നിങ്ങളുടെ അക്കൗണ്ടിലേക്ക് ഫ്ലിപ്പ്ക്കാർട്ട് ഇലക്ട്രോണിക്സ് വൗച്ചർ ലഭിക്കും. ഈ വൗച്ചർ നിങ്ങൾക്ക് എപ്പോൾ വേണമെങ്കിലും ഫ്ലിപ്പ്കാർട്ടിൽ ഉപയോഗിക്കാം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
