ബർമിംഗ്ഹാം: CWG 2022: കോമൺവെൽത്ത് ഗയിംസിൽ പതിനെട്ടാം സ്വർണവുമായി കുതിച്ചുയരുകയാണ് ഇന്ത്യ. ടേബിൽ ടെന്നീസ് മിക്‌സഡ് ഡബിൾസിൽ സ്വർണം നേടിയിരിക്കുകയാണ് ഇന്ത്യ. ശരത് കമൽ-അകുല ശ്രീജ സഖ്യമാണ് സ്വർണം നേടിയിരിക്കുന്നത്. ഫൈനലിൽ മലേഷ്യൻ ജോഡിയെ തോൽപ്പിച്ചാണ് സ്വർണം നേടിയത്. മിക്‌സഡ് ഡബിൾസ് വിഭാഗത്തിൽ ഇതാദ്യമായാണ് ഇന്ത്യ സ്വർണം നേടുന്നത്. ഫൈനലിൽ മലേഷ്യൻ താരങ്ങളായ ജാവേൻ ചൂംഗ്-കാരേൻ ലൈൻ സഖ്യത്തെ 3-1 നാണ് ഇവർ തോൽപ്പിച്ചത്.
CWG 2022: Indian paddlers Sharath Kamal-Sreeja Akula clinch gold in mixed doubles final
Read @ANI Story |https://t.co/udxeeLU3as#CWG22 #CommonwealthGames2022 #TableTenis pic.twitter.com/aFTnfywAcA
— ANI Digital (@ani_digital) August 7, 2022
Also Read: CWG 2022 : ട്രിപ്പിൾ ജംപിൽ സ്വർണവും വെള്ളിയും നേടി മലയാളി തിളക്കം; ഇടിക്കൂട്ടിൽ നിന്നും രണ്ട് സ്വർണം
കോമൺവെൽത്ത് ഗയിംസ് പുരുഷ ഡബിൾസ് വിഭാഗത്തിൽ ശരത് കമൽ-സത്യൻ സഖ്യം വെള്ളി നേടിയിരുന്നു. ഇതിനു പിന്നാലെയാണ് ശരത് കമലിന്റെ ഈ നേട്ടവും. ഇംഗ്ലണ്ടിന്റെ പോൾ ഡ്രിങ്ക്ഹാൾ-ലിയാം പിച്ച്ഫോർഡ് കൂട്ടുകെട്ടിനോടാണ് ഇന്ത്യൻ സഖ്യം പരാജയപ്പെട്ടത്. 3-2 നായിരുന്നു ഇംഗ്ലണ്ടിന്റെ വിജയം. ആദ്യ സെറ്റില്‍ 11-8 ന് നേടിയ ഇന്ത്യന്‍ സഖ്യം രണ്ടാം സെറ്റ് 8-11ന് പരാജയപ്പെടുകയായിരുന്നു. മൂന്നാം സെറ്റില്‍ തിരിച്ചെത്താന്‍ ശ്രമിച്ചെങ്കിലും ഫലമുണ്ടായില്ല. ശേഷം നാലാം സെറ്റ് 11-7 നേടി മത്സരത്തിലേക്ക് തിരിച്ചെത്താന്‍ ഇന്ത്യന്‍ സഖ്യത്തിനായി. എന്നാല്‍ നാലാം സെറ്റില്‍ 4-11 ന് പരാജയപ്പെട്ടതോടെ സ്വര്‍ണ്ണം നഷ്ടമായത്.
ശ്രീജ അകുല വനിതാ സിംഗിൾസിൽ വെങ്കലം നേടിയിരുന്നു. ഓസ്‌ട്രേലിയയുടെ യാങ്‌സി ലിയുനോട് 3-4 നായിരുന്നു ശ്രീജയുടെ പരാജയം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
