Rahu Fav Zodiac Signs: രാഹുവിനെ നിഴൽ ഗ്രഹമായിട്ടാണ് ജ്യോതിഷത്തിൽ കണക്കാക്കുന്നത്. ഒരു വ്യക്തിയുടെ ജാതകത്തിൽ രാഹുവിന്റെ സ്ഥാനം അശുഭമായാൽ അവർക്ക് ശാരീരികവും മാനസികവും സാമ്പത്തികവുമായ പ്രശ്നങ്ങൾ നേരിടേണ്ടിവന്നേക്കും.
Lucky Zodiac Signs: ജ്യോതിഷം അനുസരിച്ച് ഒരു വ്യക്തിയുടെ ജീവിതത്തിലെ പെട്ടെന്നുള്ള സംഭവങ്ങൾ രാഹുവിന്റെ സ്ഥാനത്തെ ആശ്രയിച്ചിരിക്കും എന്നാണ് പറയുന്നത്.
രാഹു നിഴൽ ഗ്രഹമാണെന്നാണ് വേദങ്ങളിൽ പറയുന്നത്. രാഹു ഒരു ഗ്രഹങ്ങളുടേയും അധിപനാല്ല. ഒൻപത് ഗ്രഹങ്ങളിൽ രാഹുവിന്റെ യഥാർത്ഥ അസ്തിത്വം പരിഗണിക്കപ്പെട്ടിട്ടില്ലെങ്കിലും ഒരു വ്യക്തി ശനിയുടെ കോപത്തെ എപ്രകാരം ഭയപ്പെടുന്നുവോ അപ്രകാരം ജാതകത്തിൽ രാഹുവിന്റെ സ്ഥാനഫലങ്ങളെയും ഒരു ഭയപ്പെടണം.
ഒരു വ്യക്തിയുടെ ജാതകത്തിൽ രാഹു അശുഭകരമായ ഫലങ്ങൾ നൽകുമ്പോൾ അവർക്ക് ഉറക്കമില്ലായ്‌മ, ഉദര സംബന്ധമായ അസുഖങ്ങൾ, സമ്മർദ്ദം തുടങ്ങിയ പ്രശ്നങ്ങൾ ഉണ്ടാകാം. രാഹു ഒരു വ്യക്തിയെ മോശമായ കാര്യങ്ങൾ ചെയ്യാൻ പ്രേരിപ്പിക്കുന്നു. ഇവർക്ക് മറ്റുള്ളവർ അസ്വസ്ഥരാകുന്നത് കാണുന്നതിൽ സന്തോഷം തോന്നുന്നു.
രാഹുവിന്റെ സ്വാധീനത്താൽ ദാമ്പത്യജീവിതം ദുസ്സഹമാകും, ബന്ധങ്ങളിൽ വിള്ളലുണ്ടാകും. എന്നാൽ ജാതകത്തിൽ രാഹു ശുഭസ്ഥാനത്താണെങ്കിൽ ആ വ്യക്തിക്ക് എല്ലാ മേഖലകളിലും വിജയം ലഭിക്കും. അയാൾക്ക് എപ്പോഴും പണം സമ്പാദിക്കാനുള്ള അവസരങ്ങൾ ലഭിക്കും.
ജാതകത്തിൽ രാഹുവിന്റെ ശുഭസ്ഥാനം നിമിത്തം ഒരു വ്യക്തിക്ക് ജീവിതത്തിൽ ഉയർന്ന സ്ഥാനവും ബഹുമാനവും സ്ഥാനമാനങ്ങളും ലഭിക്കുന്നു. ജ്യോതിഷത്തിൽ രാഹു ഒരിക്കലും ശല്യപ്പെടുത്താത്ത അത്തരം ചില രാശിക്കാരെക്കുറിച്ച് പറഞ്ഞിട്ടുണ്ട്. അവ ഏതെന്ന് നോക്കാം..
വൃശ്ചികം (Scorpio): ശാസ്ത്രം അനുസരിച്ച് വൃശ്ചികത്തെ രാഹുവിന്റെ പ്രിയപ്പെട്ട രാശിയായിട്ടാണ് കണക്കാക്കുന്നത്. ഒരു വ്യക്തിയുടെ രാശി വൃശ്ചിക രാശിയാണെങ്കിൽ രാഹു ഒരിക്കലും അവരെ ശല്യപ്പെടുത്തില്ല. ഈ രാശിക്കാർക്ക് രാഹു ശുഭ ഫലങ്ങൾ നൽകുന്നു. ഇത്തരക്കാർക്ക് ബിസിനസിൽ പെട്ടെന്ന് ലാഭവും ജോലിയിൽ സ്ഥാനക്കയറ്റവും ലഭിക്കും. അതുകൊണ്ടാണ് അവരുടെ വരുമാന സ്രോതസ്സുകൾ വർദ്ധിക്കുന്നത്. അത്തരം ആളുകൾ ജീവിതത്തിൽ ധാരാളം പണം സമ്പാദിക്കുന്നു. ഇവർക്ക് ഒരിക്കലും പണത്തിന് കുറവുണ്ടാകില്ല.
ചിങ്ങം (Leo): ജ്യോതിഷമനുസരിച്ച് രാഹുവിന്റെ പ്രിയ രാശിയാണ് ചിങ്ങം. ചിങ്ങത്തിൽ രാഹു വന്നാൽ അവർക്ക് വളരെയധികം നേട്ടങ്ങൾ ലഭിക്കും എന്നാണ് പറയപ്പെടുന്നത്. ജ്യോതിഷ പ്രകാരം ചിങ്ങം രാശിയിൽ രാഹു വരുന്നത് ധനത്തിന്റെ പെട്ടെന്നുള്ള ആഗമനത്തിന് കാരണമാകുന്നു. അതുമൂലം ഒരു വ്യക്തി എല്ലാ ഭൗതിക സൗകര്യങ്ങളോടും കൂടി ജീവിക്കാനും പ്രാപ്തനാകുന്നു. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
