ഫുട്ബോൾ സൂപ്പർതാരം ക്രിസ്റ്റ്യാനോ റൊണാൾഡോയുടെ പങ്കാളിയും അടിവസ്ത്ര മോഡലുമായ ജോർജിന റോഡ്രിഗസ് അടുത്തിടെ നടത്തിയ വെളിപ്പെടുത്തലുകള്‍ ആരാധകരെ അമ്പരപ്പി ച്ചിരിയ്ക്കുകയാണ്.
കൗമാരപ്രായത്തിൽ അർജന്റീനയിൽ നിന്ന് സ്‌പെയിനിൽ എത്തിയതിന് ശേഷം തന്‍റെ ജീവിതം എത്രമാത്രം ദുഷ്‌കരമായിരുന്നു വെന്ന് അവര്‍ അടുത്തിടെ ഒരു ഡോക്യുമെന്ററി മീറ്റിംഗിൽ വെളിപ്പെടുത്തി. കൂടാതെ, മാഞ്ചസ്റ്റർ യുണൈറ്റഡ് സ്‌ട്രൈക്കര്‍ ക്രിസ്റ്റ്യാനോ റൊണാൾഡോ തന്‍റെ ജീവിതം എങ്ങിനെ മാറ്റിമറിച്ചുവെന്നും അവര്‍ ഈ പ്രോഗ്രാമില്‍ വെളിപ്പെടുത്തി.
"ഞാൻ എവിടെ നിന്നാണ് വന്നതെന്ന് മറക്കാതിരിക്കുക എന്നത് വളരെ പ്രധാനമാണ്. കുട്ടികളെക്കുറിച്ചോർക്കുമ്പോഴെല്ലാം ഞാൻ വികാരാധീനയാകും", തന്‍റെ ജീവിത യാത്രയെ പ്രതിഫലിപ്പിച്ചുകൊണ്ട് ജോർജിന പറഞ്ഞു,
ഡോക്യുമെന്ററി ജനുവരി 28 ന് റിലീസ് ചെയ്യും, അർജന്റീന മോഡലിന്‍റെ 28-ാം ജന്മദിനം കൂടിയാണിത്. ജോർജിനയ്ക്ക് ഇൻസ്റ്റാഗ്രാമിൽ 29.2 ദശലക്ഷം ഫോളോവേഴ്‌സ് ഉണ്ട്.
റൊണാൾഡോയുടെ മൂന്ന് വയസ്സുള്ള മകൾ അലന മാർട്ടിന ഡോസ് സാന്റോസ് അവീറോയുടെ അമ്മയാണ് റോഡ്രിഗസ്, ഇപ്പോൾ ഇരട്ടക്കുട്ടികളെ പ്രതീക്ഷിക്കുന്നതായി ദമ്പതികൾ കഴിഞ്ഞ ഒക്ടോബറിൽ പ്രഖ്യാപിച്ചിരുന്നു.
ജോർജിനയെക്കുറിച്ച് നിങ്ങൾക്ക് അറിയില്ലാത്ത ചില കാര്യങ്ങള്‍ ഇതാ:
റിപ്പോർട്ടുകൾ പ്രകാരം, ജോർജിന ഒരു പരിശീലനം ലഭിച്ച നർത്തകിയാണ്, മോഡലിംഗ് ജീവിതം തുടരുന്നതിന് മുമ്പ് അവൾ ലണ്ടനിൽ ഇംഗ്ലീഷ് പഠിച്ചു. കൗമാരപ്രായത്തിൽ അർജന്റീനയിൽ നിന്ന് സ്‌പെയിനിലേയ്ക്ക് കുടിയേറിയതാണ് ഈ സുന്ദരി.
റൊണാൾഡോയും ജോർജിനയും ആദ്യമായി കണ്ടുമുട്ടിയത് ഗൂച്ചി സ്റ്റോറിൽ വച്ചാണ്. റിപ്പോർട്ടുകൾ പ്രകാരം, ജോർജിന സെയിൽസ് അസിസ്റ്റന്റായി ജോലി ചെയ്ത സ്റ്റോറിൽ വച്ചായിരുന്നു ആദ്യ കൂടിക്കാഴ്ച.
റൊണാൾഡോയെപ്പോലെ, ജോർജിന ഒരു ഫിറ്റ്നസ് ഫ്രീക്ക് ആണ്, അവൾ ജിമ്മിൽ ധാരാളം സമയം ചെലവഴിക്കുന്നു. ജിമ്മിൽ വിയർക്കുന്ന ചിത്രങ്ങൾ ജോർജിന സോഷ്യൽ മീഡിയയിൽ പോസ്റ്റ് ചെയ്യാറുണ്ട്.
റൊണാൾഡോയും ജോർജിനയും കഴിഞ്ഞ അഞ്ച് വർഷമായി ഒരുമിച്ചാണ്. 2016 ജൂണിലാണ് ഇരുവരും പ്രണയത്തിലായത്. ഇരട്ടക്കുട്ടികളെ പ്രതീക്ഷിക്കുന്നതായി ദമ്പതികൾ കഴിഞ്ഞ ഒക്ടോബറിൽ പ്രഖ്യാപിച്ചിരുന്നു. ക്രിസ്റ്റ്യാനോ റൊണാൾഡോ ഇതിനകം നാല് കുട്ടികളുടെ പിതാവാണ്.
റൊണാള്‍ഡോയ്ക്ക് ആകെ നാലു കുട്ടികളാണ് ഉള്ളത്. ക്രിസ്റ്റ്യാനോ ജൂനിയര്‍ എന്ന് പേരുള്ള 11 വയസുള്ള മകനും നാല് വയസുള്ള ഇരട്ടകളായ ഇവാ, മാറ്റിയോഎന്നിവരും മൂന്ന് വയസുള്ള അലന എന്ന മകളും. 2017 നവംബറിൽ ജനിച്ച അലാന മാർട്ടിനയ്ക് ജന്മം നല്‍കിയത് ജോർജിനയാണ്. ഇരട്ട കുട്ടികള്‍ സാരോഗസിയിലൂടെയാണ് ജനിച്ചത്‌. 2010 ജൂണിൽ ജനിച്ച മൂത്ത കുട്ടിയായ ക്രിസ്റ്റ്യാനോ ജൂനിയറിന്‍റെ അമ്മ ആരെന്ന വിവരം ഇതുവരെ രഹസ്യമാണ്. കുട്ടിയുടെ മേലുള്ള അവകാശം ഒരിക്കലും പ്രഖ്യാപിക്കില്ല എന്ന കരാറിൽ ഒപ്പുവെച്ചതിനാൽ അവന്‍റെ അമ്മ ആരെന്ന കാര്യം ലോകത്തോട് വെളിപ്പെടുത്താതെ തുടരുകയാണ് താരം.
