Reliance Jio 5G Data Plan : റിലയൻസ് ജിയോ തങ്ങളുടെ 5ജി സേവനം ഉപയോഗിക്കുന്നതിനായി ഡാറ്റ പ്ലാൻ അവതരിപ്പിച്ചു. 61 രൂപയുടെ ഡാറ്റ ആഡ് ഓൺ പ്ലാനാണ് ജിയോ തങ്ങളുടെ ഉപയോക്താക്കൾക്കായി അവതരിപ്പിച്ചിരിക്കുന്നത്. നിലവിലെ ഡേറ്റ പ്ലാനിനോടൊപ്പം ആഡ് ഓൺ റീച്ചാർജ് നടത്തി 5ജി സേവനം ഉപയോഗപ്പെടുത്താവുന്നതാണ്. 5ജി സ്മാർട്ട് ഫോൺ ഉപയോക്തക്കൾക്ക് മാത്രമെ 5ജി സേവനം ലഭ്യമാകൂ.
ജിയോ ഔദ്യോഗിക വെബ്സൈറ്റിലൂടെയോ മൈ ജിയോ ആപ്പിലൂടെ മാത്രമെ ഡാറ്റ പ്ലാൻ റീച്ചാർജ് ചെയ്യാൻ സാധിക്കൂ. മൈ ജിയോ ആപ്പിൽ സേവനദാതക്കൾ 5ജി അപ്ഗ്രേഡ് സേവനം ഉറപ്പാക്കിട്ടുണ്ട്. ആഡ് റീച്ചാർജായി 61 രൂപ ചെയ്താൽ 5ജി സേവനം ആസ്വദിക്കാനാകും.
5ജി സേവനത്തിന് പുറമെ 6 ജിബി അധിക ഡാറ്റ ലഭിക്കുന്നതാണ്. നിലവിലെ പ്രീപേയ്ഡ് സേവനങ്ങൾക്കൊപ്പം ആഡ് ഓണായിട്ടാണ് ഈ ഡാറ്റ പ്ലാൻ ലഭിക്കുക
ദിനംപ്രതിയുള്ള ഡാറ്റയ്ക്ക് ശേഷം ലഭിക്കുന്ന 6 ജിബി ഉപയോഗിക്കാവുന്നതാണ്.
ജിയോ ട്രൂ 5ജി സേവനം ഉറപ്പാക്കിട്ടുള്ള ഇടങ്ങളിൽ മാത്രമെ ഈ സേവനം ലഭ്യമാകൂ.
