Hanuman Jayanti 2023: ഈ വര്‍ഷം ഹനുമാന്‍ ജയന്തി ഏപ്രില്‍ 6 ന് രാജ്യത്തുടനീളം ആഘോഷിക്കും.
ഈ ദിവസം ഹനുമാൻ കീര്‍ത്തനം, സുന്ദരകാണ്ഡം എന്നിവ പാരായണം ചെയ്യുന്നത് ഹനുമാന്‍റെ അനുഗ്രഹം ലഭിക്കാന്‍ ഉപകരിക്കും. ഹനുമാൻ എല്ലാ ദുഷ്ടശക്തികളെയും നശിപ്പിക്കുന്നുവെന്നാണ് വിശ്വാസം.
ഇത്തവണത്തെ ഹനുമാന്‍ ജയന്തിക്ക് ഏറെ പ്രത്യേകതകള്‍ ഉണ്ട്. അതായത്, ഈ ദിവസം ശുക്രന്‍ രാശി മാറി വൃശ്ചിക രാശിയിൽ പ്രവേശിക്കുന്നു. മറുവശത്ത്, വ്യാഴത്തിന്‍റെയും ശുക്രന്‍റെയും സ്ഥാനം കാരണം ലക്ഷ്മിയോഗം രൂപപ്പെടുന്നു. ഇക്കാരണത്താൽ, ഇത്തവണത്തെ ഹനുമാൻ ജയന്തി വളരെ മംഗളകരമായി കണക്കാക്കുന്നു.
ഇത്തവണത്തെ ഹനുമാന്‍ ജയന്തി ചില രാശിക്കാർക്ക് ഏറെ ഗുണകരമാകും എന്നാണ് ജ്യോതിഷികള്‍ പറയുന്നത്. അതായത്, ഈ ഹനുമാന്‍ ജയന്തിയില്‍ ചില രാശിക്കാരുടെ ജീവിതത്തില്‍ വന്നുകൊണ്ടിരിക്കുന്ന പല പ്രശ്നങ്ങളും ഇല്ലാതാകും. ഇത്തവണ ഹനുമാൻ ജയന്തി ദിനത്തിൽ ചില പ്രത്യേക യാദൃശ്ചികതകൾ നടക്കുന്നുണ്ട്. ഏത് രാശിക്കാർക്കാണ് ഇവ ശുഭകരവും ഫലകരവുമാകാൻ പോകുന്നതെന്ന് അറിയാം
മേടം ജ്യോതിഷ പ്രകാരം ഇത്തവണ ഹനുമാൻ ജയന്തി ദിനത്തിൽ മേടം രാശിക്കാർക്ക് ഏറെ നേട്ടങ്ങള്‍ ഉണ്ടാകും. അതായത്, ഈ രാശിക്കാര്‍ സാമ്പത്തിക പ്രശ്‌നങ്ങളിൽ നിന്ന് മുക്തി നേടും. ഇവരുടെ ജീവിതത്തില്‍ പെട്ടെന്ന് സമ്പത്ത് ലഭിക്കും. ഈ രാശിക്കാർക്ക് ബിസിനസിലും ജോലിസ്ഥലത്തും വളരെ ശുഭകരമായ ഫലങ്ങൾ ലഭിക്കും. ഈ സമയത്ത് എല്ലാ പ്രശ്നങ്ങളും ഇല്ലാതാകും. കഠിനാധ്വാനത്തിന് അനുകൂലമായ ഫലങ്ങൾ ദൃശ്യമാകും.
മിഥുനം മിഥുന രാശിക്കാർക്ക് ഹനുമാൻ ജയന്തി ദിനം ഗുണകരമാകും. ഹനുമാന്‍റെ കൃപയാൽ മിഥുന രാശിക്കാർക്ക് ധാരാളം ധനം ലഭിക്കും. അതേസമയം, ഈ സമയത്ത് ഈ രാശിക്കാര്‍ക്ക് കരിയറുമായി ബന്ധപ്പെട്ട നേട്ടങ്ങള്‍ ഉണ്ടാകും. അതായത്, പുതിയ ജോലി, അല്ലെങ്കില്‍ സ്ഥാനക്കയറ്റമോ ലഭിക്കാം. വ്യാപാര മേഖലയുമായി ബന്ധപ്പെട്ട ആളുകൾക്കും ഈ കാലയളവിൽ പ്രത്യേക ആനുകൂല്യങ്ങൾ ലഭിക്കും. പുതിയ ബിസിനസ് തുടങ്ങുന്നവര്‍ക്കും നേട്ടം ഉണ്ടാകും.
ചിങ്ങം ജ്യോതിഷ പ്രകാരം, ചിങ്ങം രാശിക്കാർക്കും ഹനുമാന്‍റെ പ്രത്യേക അനുഗ്രഹം ലഭിക്കും. ഈ രാശിക്കാരുടെ കരിയറിൽ പുരോഗതി ഉണ്ടാകും. സാമ്പത്തിക സ്ഥിതി കൂടുതല്‍ ശക്തമാകും. ധാർമ്മിക കഴിവിൽ പുരോഗതി ദൃശ്യമാകും. സ്ഥാനക്കയറ്റത്തിനും സാധ്യതയുണ്ട്. ഈ കാലയളവിൽ, ഈ രാശിക്കാര്‍ക്ക് പുതിയ ഉത്തരവാദിത്തങ്ങള്‍ ലഭിക്കാം. കുടുംബത്തിന്‍റെ പൂർണ പിന്തുണ ലഭിക്കും. ബിസിനസില്‍ വളർച്ചയുടെ സൂചന.
വൃശ്ചികം ഹനുമാൻജിയുടെ കൃപയാൽ വൃശ്ചിക രാശിക്കാർക്ക് മുടങ്ങിയ പണം തിരികെ ലഭിക്കും. ഈ രാശിക്കാർ വിദ്യാഭ്യാസത്തിൽ വിജയം കൈവരിക്കും. ജോലിയിൽ പുരോഗതിക്ക് പുതിയ അവസരങ്ങൾ ഉണ്ടാകും. ഇത് മാത്രമല്ല, മറ്റ് മേഖലകളിലും നേട്ടമുണ്ടാകും. ജോലിസ്ഥലത്ത് സ്ഥാനക്കയറ്റത്തിന് സാധ്യതയുണ്ട്. കരിയറിൽ നല്ല ഫലങ്ങൾ കാണും. (നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS അത് സ്ഥിരീകരിക്കുന്നില്ല.)
