FIFA World Cup 2022 Quarter Lineup : നെതർലാൻഡ്സ്, അർജന്റീന, ക്രൊയേഷ്യ. ബ്രസീൽ, ഇംഗ്ലണ്ട്, ഫ്രാൻസ്, മൊറോക്കോ, പോർച്ചുഗൽ തുടങ്ങിയ ടീമുകളാണ് ഖത്തർ ലോകകപ്പിന്റെ ക്വാർട്ടറിൽ ഇടം നേടിയിരിക്കുന്നത്.
നാല് മത്സരങ്ങളാണ് ക്വാർട്ടറിലുള്ളത്. നാളെ കഴിഞ്ഞ് ഡിസംബർ ഒമ്പത്, പത്ത് ദിവസങ്ങളിലായിട്ടാണ് മത്സരങ്ങൾ സംഘടിപ്പിക്കുക
ഡിസംബർ ഒമ്പത് രാത്രി 8.30നാണ് ക്രൊയേഷ്യ- ബ്രസീൽ മത്സരം. ജപ്പാനെ പെനാൽറ്റിയിൽ തോൽപ്പിച്ചാണ് ക്രൊയേഷ്യ ക്വാർട്ടറിലെത്തിയത്. ദക്ഷിണ കൊറിയെ തകർത്താണ് ബ്രസീലിന്റെ ക്വാർട്ടർ പ്രവേശനം
ഡിസംബർ 10 അർധ രാത്രി 12.30നാണ് നെതർലാൻഡ്സ് - അർജന്റീന മത്സരം. അമേരിക്കയെ തകർത്താണ് ഡച്ച് ടീം ക്വാർട്ടർ പ്രവേശനം നേടിയെടുത്തത്. ഓസ്ട്രേലിയയെ മറികടന്നാണ് ലയണൽ മെസിയുടെ അർജന്റീന അവസാന എട്ടിൽ ഇടം നേടിയത്.
ഡിസംബർ 10 രാത്രി 8.30നാണ് മൊറോക്കോ- പോർച്ചുഗൽ മത്സരം. മുൻ സ്പെയിനെ പെനാൽറ്റിയിൽ അട്ടിമറിച്ചാണ് മൊറോക്കോ ചരിത്രത്തിൽ ആദ്യ ഫിഫ ലോകകപ്പിന്റെ ക്വാർട്ടറിൽ പ്രവേശിക്കുന്നത്. സ്വിറ്റ്സർലാൻഡിനെ തകർത്താണ് ക്രിസ്റ്റ്യാനോ റൊണാൾഡോയുടെ പോർച്ചുഗലിന്റെ ക്വാർട്ടർ പ്രവേശനം.
ഡിസംബർ 11 അർധ രാത്രി 12.30നാണ് ഇംഗ്ലണ്ട്-ഫ്രാൻസ് മത്സരം. പോളണ്ടിനെ തോൽപ്പിച്ചാണ് ഫ്രഞ്ച് ടീം തുടർച്ചയായി ലോകകപ്പിന്റെ ക്വാർട്ടറിൽ എത്തുന്നത്. ഇംഗ്ലണ്ടാകട്ടെ സെനെഗലിനെതിരെ എതിരില്ലാത്ത പ്രകടനം കാഴ്ചവെച്ചാണ് അവസാന എട്ടിൽ എത്തിയത്.
