10 ഭാഗങ്ങളുള്ള ഹിന്ദി ഒറിജിനൽ സീരീസ് പ്രൈം വീഡിയോയിൽ ഇന്ത്യയിലും 240 രാജ്യങ്ങളിലുമായി സെപ്റ്റംബർ 14ന് തമിഴ്, തെലുങ്ക്, മലയാളം, കന്നഡ, ഇംഗ്ലീഷ് എന്നീ ഭാഷകളിൽ പ്രദർശിപ്പിക്കും.
അമൈര ദസ്തൂരി, കേ കേ മേനോൻ, അവിനാഷ് തിവാരി, കൃതിക കംര, നിവേദിത ഭട്ടാചാര്യ തുടങ്ങിയ അഭിനേതാക്കളെ ഒരു കുടക്കീഴിൽ കൊണ്ടുവരുന്നു എന്ന പ്രതേകതയും ഈ സീരിസിനുണ്ട്.
റെൻസിൽ ഡി സിൽവയും ഷുജാത് സൗദാഗറും ചേർന്ന് ഒരുക്കിയ ബംബൈ മേരി ജാൻ സംവിധാനം ചെയ്തിരിക്കുന്നത് ഷുജാത് സൗദാഗറാണ്.
എക്സൽ മീഡിയ ആൻഡ് എന്റർടൈൻമെന്റ്സിന്റെ റിതേഷ് സിധ്വാനി, കാസിം ജഗ്മഗിയ, ഫർഹാൻ അക്തർ എന്നിവർ ചേർന്ന് നിർമ്മിച്ചിരിക്കുന്ന സീരിസിന്റെ കഥ എസ് ഹുസൈൻ സെയ്ദിയുടേതാണ്.
