ഡോൺ എന്ന ചിത്രത്തിന് ശേഷം ശിവകാർത്തികേയൻ നായകനാകുന്ന പുതിയ ചിത്രമാണ് പ്രിൻസ്. ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പുറത്തുവിട്ടു. ശിവകാർത്തികേയനും പോസ്റ്റർ സോഷ്യൽ മീഡിയ അക്കൗണ്ടുകളിൽ പങ്കുവച്ചിട്ടുണ്ട്. കെ.വി അനുദീപ് ആണ് ചിത്രത്തിന്റെ സംവിധായകൻ. കയ്യിലൊരു ഗ്ലോബും പിടിച്ചിരിക്കുന്ന ശിവകാർത്തികേയനാമ് പോസ്റ്ററിലുള്ളത്.
തമിഴിനൊപ്പം തന്നെ തെലുങ്കിലും പ്രിൻസ് സിനിമ ഷൂട്ട് ചെയ്യുന്നുണ്ട്. ഇതാദ്യമായാണ് ശിവകാർത്തികേയന്റേതായി ഒരു തെലുങ്ക് ചിത്രം ഒരുങ്ങുന്നത്. ഒരു റൊമാന്റിക് കോമഡി ചിത്രമായിരിക്കും പ്രിൻസ് എന്നാണ് സൂചന. ശിവകാർത്തികേയന്റെ മറ്റ് ചിത്രങ്ങൾ പോലെ തന്നെ ഇതും പ്രേക്ഷക സ്വീകാര്യത നേടുമെന്നാണ് പ്രതീക്ഷ.
Here's the first look of #PRINCE #PrinceFirstLook@anudeepfilm #MariaRyaboshapka #Sathyaraj sir @MusicThaman @manojdft @premji @Cinemainmygenes @SVCLLP @SureshProdns @ShanthiTalkies @Gopuram_Cinemas #NarayandasNarang @AsianSuniel @SBDaggubati @puskurrammohan @iamarunviswa pic.twitter.com/NbLSADkdv8
— Sivakarthikeyan (@Siva_Kartikeyan) June 9, 2022
ശ്രീ വെങ്കടേശ്വരൻ സിനിമാസ് എല്‍എല്‍പിയാണ് പ്രിൻസിന്റെ നിർമാണം. ഒരു ടൂറിസ്റ്റ് ഗൈഡായിട്ടാണ് ശിവകാർത്തികേയൻ ചിത്രത്തിലെത്തുന്നത്. വിദേശ യുവതിയുമായി ടൂറിസ്റ്റ് ഗൈഡായ ശിവകാർത്തികേയൻ പ്രണയത്തിലാകുന്നതാണ് കഥ. യുക്രൈൻ താരം മറിയ റ്യബോഷ്‍പ്‍കയാണ് നായിക. ചിത്രത്തില്‍ സത്യരാജും ഒരു പ്രധാന കഥാപാത്രമായി എത്തുന്നു. പ്രേംഗി അമരെൻ, പ്രാങ്ക്‍സ്റ്റെര്‍ രാഹുല്‍ തുടങ്ങിയവരും ചിത്രത്തിൽ അഭിനയിക്കുന്നുണ്ട്.
പ്രിൻസിന്റെ ഛായാഗ്രാഹണം മനോജ് പരമഹംസയാണ് നിർവഹിച്ചിരിക്കുന്നത്. തമൻ ആണ് സംഗീത സംവിധാനം നിര്‍വഹിക്കുന്നത്. കരൈക്കുടിയിലാണ് ഷൂട്ടിങ് നടക്കുന്നത്. ചിത്രത്തിന്റെ വിതരണാവകാശം തമിഴ്‍നാട്ടിലെ പ്രമുഖ ബാനറായ ഗോപുരം സിനിമാസ് സ്വന്തമാക്കിയെന്ന് റിപ്പോർട്ട് ഉണ്ടായിരുന്നു. ഓഗസ്റ്റ് 31ന് ആണ് ചിത്രം പ്രേക്ഷകർക്ക് മുന്നിൽ എത്തുക.
