Kochi : ദുൽഖർ സൽമാൻ (Dulquer Salman) കേന്ദ്രകഥപാത്രമായി എത്തുന്ന 'കുറുപ്പ്' (Kurup Movie) എന്ന ചിത്രത്തിൽ പൃഥ്വിരാജ് (Prithviraj) കേമിയോ റോളിൽ എത്തുന്ന വാർത്തകൾ നിഷേധിച്ച താരം. പുറത്തിരിക്കുന്ന വാർത്ത വ്യാജമാണെന്ന് (Fake News) ദുൽഖർ തന്റെ സോഷ്യൽ മീഡിയ പേജിൽ കുറുപ്പിലെ പുതിയ സ്റ്റിൽ പങ്കുവെച്ചുകൊണ്ട് പറഞ്ഞു.
"കുറുപ്പ് സിനിമയെ കുറിച്ചുള്ള ചർച്ചകൾ കാണുന്നത് പ്രോത്സാഹജനകമാണ്, സിനിമ ഉടൻ നിങ്ങളിലേക്ക് എത്തിക്കുന്നതിൽ എനിക്ക് അതിയായ സന്തോഷമുണ്ട്. എന്നിരുന്നാലും, ഇപ്പോൾ ധാരാളം വ്യാജ വിവരങ്ങൾ പ്രചരിക്കുന്നുണ്ട്" ദുൽഖർ തന്റെ സോഷ്യൽ മീഡിയ പേജിൽ കുറിച്ചു.
ALSO READ : Prithviraj in Kurup : ദുൽഖർ സൽമാന്റെ കുറുപ്പിൽ അതിഥി താരമായി പൃഥ്വിരാജ് എത്തുന്നു
സിനിമ ഉടൻ പ്രേക്ഷകരിലേക്കെത്തുമെന്ന് ഇപ്പോൾ പ്രചരിക്കുന്ന വാർത്തകളും വിവരങ്ങളും വ്യജമാണ്. സിനിമ കാണുമ്പോൾ എല്ലാവർക്കും മനസ്സിലാകും ആരൊക്കെയാകും ചിത്രത്തിൽ അതിഥി താരങ്ങളായി എത്തുന്നതെന്ന് ദുൽഖർ പോസ്റ്റലൂടെ അറിയിച്ചു.
"നിലവിൽ പ്രചരിക്കുന്നത് എന്താണോ അത് സത്യമല്ല, കൂടാതെ ഈ വ്യാജമായ വാർത്ത പ്രചരിപ്പിക്കുന്നത് എല്ലാവരും നിർത്തണമെന്ന് ഞാൻ അഭ്യർഥിക്കുന്നു" തന്റെ പോസ്റ്റിൽ കൂട്ടിചേർത്തു.
തെറ്റായ വിവരം പ്രചരിപ്പിക്കുന്നത് എല്ലാവരും അവസാനിപ്പിക്കുണം. നമ്മുടെ താരങ്ങളുടെ ആരാധകർക്ക് പ്രതീക്ഷകൾ ഉണ്ടാകുന്നതും നമ്മൾ അവരെ നിരാശപ്പെടുത്തുന്നതും ശരിയായി നടപടിയല്ലയെന്ന് ദുൽഖർ സൽമാൻ തന്റെ സോഷ്യൽ മീഡിയ പേജിൽ പറഞ്ഞു.
ALSO READ : Kurupp Teaser: നാം ക്യാ ഹേ ആപ്കാ? കുറുപ്പ്, സുകുമാര കുറുപ്പ്; ടീസറെത്തി
പോസ്റ്റിനോടൊപ്പം ദുൽഖർ കുറുപ്പിലെ പുതിയ ചിത്രവും പങ്കുവെക്കുകയും ചെയ്തു. കാറിന്റെ മുൻ സീറ്റിൽ ചുണ്ടത്ത് സിഗരറ്റുമായി നിൽക്കുന്ന ദുൽഖറിന്റെ ചിത്രമാണ് താരം തന്റെ സോഷ്യൽ മീഡിയ പങ്കുവെച്ചിരിക്കുന്നത്.
നടൻ ഭാരത്താണ് ചിത്രത്തിൽ അതിഥി താരമായി പൃഥ്വിരാജ് എത്തുന്ന വിവരം പുറത്ത് വിട്ടത്. ഒരു തമിഴ് ചാനലിന് നൽകിയ ഇന്റർവ്യൂവിലാണ് ചിത്രത്തിൽ പൃഥ്വിരാജ് എത്തുമെന്ന് ഭാരത് പറഞ്ഞത്. റിപ്പോർട്ടുകൾ അനുസരിച്ച് ചിത്രത്തിൽ വളരെ നിര്ണ്ണായകമായ ഒരു കഥാപാത്രമായി തന്നെയായിരിക്കും പൃഥ്വിരാജ് ത്തുന്നത്.
ALSO READ : ''കുറുപ്പ്'' സുകുമാര കുറുപ്പിനൊരു നായക പരിവേഷം നൽകുന്നോ?
സെക്കന്റ് ഷോയ്ക്ക് ശേഷം ദുൽഖറും ശ്രീനാഥ് രാജേന്ദ്രനും ഒന്നിക്കുന്ന ചിത്രമാണ് കുറുപ്പ്. മലയാളം, തമിഴ്, തെലുങ്ക്, ഹിന്ദി, കന്നഡ എന്നീ 5 ഭാഷകളിലാണ് ചിത്രം റിലീസ് ചെയ്യുന്നത്. പിടികിട്ടാപ്പുള്ളി സുകുമാര കുറുപ്പിന്റെ ജീവിതവും പൊലീസിന്റെ അന്വേഷണവുമാണ് ചിത്രത്തിന്റെ പ്രമേയം.
ചിത്രത്തിൽ ശോഭിത ധുലിപാലയാണ് നായികാ കഥാപാത്രത്തെ അവതരിപ്പിക്കുന്നത്. ദുൽഖറിനെയും ശോഭിതയെയും കൂടാതെ ടൊവിനോ തോമസ്, ഇന്ദ്രജിത്ത്, സണ്ണി വെയ്ന്‍, ഭരത്, ഷൈന്‍ ടോം ചാക്കോ, സുരഭി ലക്ഷ്മി, വിജയരാഘവന്‍ തുടങ്ങിയവരും കേന്ദ്ര കഥാപാത്രങ്ങളായി എത്തുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
