കൊച്ചി: വിമാനയാത്രയ്ക്കിടെ യുവനടിയോട് മോശമായി പെരുമാറിയെന്ന കേസിലെ പ്രതി ഒളിവിൽ. പ്രതി തൃശൂർ സ്വദേശി ആന്റോ ഒളിവിലാണെന്ന് പോലീസ് വ്യക്തമാക്കി. സംഭവത്തിൽ പോലീസ് കേസെടുത്തതോടെയാണ് ഇയാള്‍ മുങ്ങിയതെന്ന് പോലീസ് പറയുന്നു. അതിനിടെ ബുധനാഴ്ച രാത്രി പ്രതിയുടെ വീട്ടില്‍ പോലീസ് സംഘം പരിശോധന നടത്തിയെങ്കിലും കണ്ടെത്താൻ സാധിച്ചില്ല.
തൃശ്ശൂര്‍ തലോര്‍ സ്വദേശി ആന്റോയാണ് വിമാനത്തില്‍ യുവനടിയോട് അപമര്യാദയായി പെരുമാറിയതെന്ന് കഴിഞ്ഞദിവസം തന്നെ പോലീസ് സ്ഥിരീകരിച്ചിരുന്നു. തുടര്‍ന്ന് പോലീസ് ഇയാളുടെ തൃശൂരിലെ വീട്ടിലെത്തി പരിശോധന നടത്തുകയായിരുന്നു. എന്നാല്‍, ഇതിനോടകം പ്രതി ഒളിവിൽ പോയിരുന്നു. ആന്റോയ്ക്കായി തൃശൂരും സമീപപ്രദേശങ്ങളും കേന്ദ്രീകരിച്ച് പോലീസ് അന്വേഷണം നടത്തുകയാണ്.
Also Read: എയർ ഇന്ത്യ വിമാനത്തിൽ മലയാള നടിക്ക് നേരെ മദ്യലഹരിയിൽ സഹയാത്രികന്റെ മോശം പെരുമാറ്റം; പോലീസിൽ പരാതി
കഴി‍ഞ്ഞ ദിവസമാണ് എയർ ഇന്ത്യയുടെ മുംബൈയിൽ നിന്നും കൊച്ചിയിലേക്കുള്ള വിമാനത്തിൽവച്ച് മലയാള യുവനടിക്ക് നേരെ സഹയാത്രികന്റെ മോശം പെരുമാറ്റമുണ്ടായത്. മദ്യലഹരിയിൽ ആയിരുന്ന പ്രതി തന്നോട് മോശമായി പെരുമാറിയെന്ന് യുവതി പോലീസിന് പരാതി നൽകുകയായിരുന്നു. യാത്രയ്ക്കിടെയും അതിന് ശേഷവും വിഷയം എയർ ഇന്ത്യ അധികൃതരെ ധരിപ്പിച്ചപ്പോൾ യാതൊരു ഇടപെടലുമുണ്ടായില്ലെന്ന് നടി തന്റെ ഇൻസ്റ്റഗ്രാം പോസ്റ്റിൽ കുറിച്ചിരുന്നു. പോലീസിന് ഇമെയിൽ വഴി നൽകിയ പരാതിയുടെ പകർപ്പും നടി തന്റെ സോഷ്യൽ മീഡിയ പേജിൽ പങ്കുവെച്ചു.
ഒക്ടോബർ പത്തിന് വൈകിട്ട് 5.20ന് മുംബൈയിൽ നിന്നും പുറപ്പെട്ട് രാത്രി 7.25ന് കൊച്ചിയിൽ എത്തിച്ചേർന്ന AI 681 എന്ന വിമാനത്തിൽ വെച്ചാണ് തനിക്ക് മോശം അനുഭവമുണ്ടായതെന്ന് നടി അറിയിച്ചു. ആരോപണവിധേയനായ സഹയാത്രികനും താനും തമ്മിൽ ഒരു സീറ്റിന്റെ വ്യത്യാസ്തിലായിരുന്നു ഇരുന്നത്. പിന്നീട് അയാൾ തന്റെ തൊട്ടടുത്ത സീറ്റിൽ വന്നിരിക്കുകയായിരുന്നു. തുടർന്ന് തന്നോട് സംസാരിക്കുക എന്ന വ്യാജേന ശരീരത്തിൽ സ്പർശിക്കുകയും പ്രതി ചെയ്തുയെന്ന് നടിയുടെ പരാതിയിൽ പറയുന്നു.
ഇക്കാര്യം ക്യാബിൻ ക്രൂവിനെ അറിയിച്ചപ്പോൾ തന്നോട് മറ്റൊരുടത്തേക്ക് മാറി ഇരിക്കാനാണ് നിർദേശിച്ചത്. ശേഷം വിമാനം കൊച്ചിയിൽ എത്തി എയർ ഇന്ത്യ ഉദ്യോഗസ്ഥരോട് കാര്യം പറഞ്ഞപ്പോൾ പോലീസിൽ പരാതി നൽകാൻ പറയുക മാത്രമാണെന്ന് ചെയ്തതെന്ന് നടി തന്റെ ഇൻസ്റ്റഗ്രാം പോസ്റ്റിൽ പറയുന്നു. എയർ ഇന്ത്യയുടെ ക്രാബിൻ ക്രൂവിന്റെയും ഗ്രൗണ്ട് സ്റ്റാഫിന്റെയും പ്രതികരണം തന്നെ നിരാശപ്പെടുത്തി നടി തന്റെ കുറിപ്പിൽ വ്യക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
