കൊച്ചി : ശ്രീനിവാസനും, രജീഷ് വിജയനും കേന്ദ്ര കഥാപാത്രങ്ങളായി എത്തുന്ന ചിത്രം കീടം ഒടിടിയിൽ റിലീസ് ചെയ്യാൻ ഒരുങ്ങുകയാണ്. സീ 5 ലാണ് ചിത്രം റിലീസ് ചെയ്യുന്നത്. ജൂലൈ 1 നാണ് ചിത്രം സീ 5 ൽ റിലീസ് ചെയ്യുന്നത്. മെയ് 20 ന് തീയേറ്ററുകളിൽ റിലീസ് ചെയ്ത ചിത്രമാണ് കീടം. ത്രില്ലർ വിഭാഗത്തിൽപ്പെട്ട ഈ ചിത്രത്തിന് തീയേറ്ററുകളിൽ മിശ്ര പ്രതികരണമാണ് നേടാൻ കഴിഞ്ഞത്.
ഹാക്കിങ്ങും ആളുകളുടെ പ്രൈവസിയും ഒക്കെ ചർച്ച ചെയ്ത കൊണ്ടായിരുന്നു ചിത്രമെത്തിയത്. ചിത്രം സംവിധാനം ചെയ്യുന്നത് രാഹുല്‍ റിജി നായർ ആണ്. ചിത്രത്തിന്റെ രചന നിർവ്വഹിച്ചിരിക്കുന്നതും സംവിധായകനായ രാഹുൽ റിജി രാജ് തന്നെയാണ്. ചിത്രത്തിൽ വിജയ് ബാബുവും പ്രധാന കഥാപാത്രമായി എത്തിയിരുന്നു. ചിത്രത്തിൽ രജീഷ വിജയൻ ഒരു ഹാക്കറായി ആണ് എത്തിയത്.
രജിഷയുടെ അച്ഛനായി ആണ് ശ്രീനിവാസൻ എത്തിയത്. രജീഷ വിജയൻ കേന്ദ്ര കഥാപാത്രമായി എത്തിയ ചിത്രം ഖോ ഖോയ്ക്ക് ശേഷം രാഹുൽ സംവിധാനം ചെയ്ത ചിത്രമാണ് കീടം. സുജിത്ത് വാരിയര്‍, ലിജോ ജോസഫ്, രഞ്ജന്‍ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഫസ്റ്റ് പ്രിന്‍റ് സ്റ്റുഡിയോസിന്‍റെ ബാനറിലാണ് ചിത്രം തീയേറ്ററുകളിൽ എത്തിയത്. ചിത്രത്തിൻറെ സാറ്റ്‌ലൈറ്റ് അവകാശങ്ങളും സീ ആണ് നേടിയിരിക്കുന്നത്.
ശ്രീനിവാസൻ, രജീഷ വിജയൻ, വിജയ് ബാബു എന്നിവരെ കൂടാതെ രഞ്ജിത് ശേഖർ നായർ, മണികണ്ഠൻ പട്ടാമ്പി, ആനന്ദ് മൻമഥൻ, മഹേഷ്‌ എം നായർ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. ചിത്രത്തിൻറെ ഛായാഗ്രഹണം നിർവ്വഹിച്ചിരിക്കുന്നത് രാകേഷ് ധരനാണ്. സംഗീത സംവിധായകൻ സിദ്ധാർഥ്‌ പ്രതീപാണ്.
വിനീത് വേണു, ജോം ജോയ്, ഷിന്‍റോ കെ എസ് എന്നിവരാണ് ചിത്രത്തിൻറെ സഹനിർമ്മാതാക്കൾ. പ്രണവ് പി പിള്ള ചിത്രത്തിൻറെ എക്സിക്യൂട്ടീവ് പ്രൊഡ്യുസറാണ്. എഡിറ്റിംഗ് ക്രിസ്റ്റി സെബാസ്റ്റ്യന്‍, പോസ്റ്റ്‌ പ്രൊഡക്ഷൻ സൂപ്പർവൈസർ അപ്പു എൻ ഭട്ടതിരി, പ്രൊഡക്ഷൻ ഡിസൈൻ പ്രതാപ് രവീന്ദ്രൻ, സൗണ്ട് മിക്സ്‌ വിഷ്ണു പി സി, സൗണ്ട് ഡിസൈൻ സന്ദീപ് കുരിശേരി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
