Ishtaragam: മ്യൂസിക്കൽ റൊമാന്റിക് ത്രില്ലറുമായി ജയൻ പൊതുവാൾ; 'ഇഷ്ടരാഗം' പോസ്റ്റർ എത്തി

Ishtaragam movie poster: ആകാശ് പ്രകാശ്, പുതുമുഖം ആദിത്യ, കൈലാഷ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നുത്.

Written by - Zee Malayalam News Desk | Last Updated : Jul 3, 2023, 08:43 PM IST
  • അനുവിന്റെയും ശ്രീരാഗിന്റെയും ഗാഢമായ പ്രണയമാണ് ചിത്രത്തിന്റെ ഇതിവൃത്തം.
  • ശ്രീകുമാർ മറിമായം, ഉണ്ണിരാജ്, വിവേക് വിശ്വം, ശ്രീജിത്ത്‌ കൈവേലി എന്നിവരും ചിത്രത്തിലുണ്ട്.
  • ഇരിട്ടി, കാഞ്ഞിരക്കൊല്ലി, വയനാട്, ഗുണ്ടപ്പേട്ട് എന്നിവിടങ്ങളിലായി ചിത്രീകരണം പൂർത്തിയായി.
Ishtaragam: മ്യൂസിക്കൽ റൊമാന്റിക് ത്രില്ലറുമായി ജയൻ പൊതുവാൾ; 'ഇഷ്ടരാഗം' പോസ്റ്റർ എത്തി

ജയൻ പൊതുവാൾ കഥയെഴുതി സംവിധാനം ചെയ്യുന്ന ചിത്രം ഇഷ്ടരാഗം ഉടൻ റിലീസിന് തയ്യാറാകുന്നു. ചിത്രത്തിൻ്റെ പോസ്റ്റർ പുറത്തിറക്കി. സുരേഷ് ഗോപി അടക്കമുള്ള പ്രശസ്ത താരങ്ങളുടെ ഫേസ്ബുക്ക് പേജ് മുഖേനയാണ് പോസ്റ്റർ റിലീസ് ചെയ്തത്. 

മ്യൂസിക്കൽ റൊമാന്റിക് ത്രില്ലർ ചിത്രമായ ഇഷ്ടരാഗത്തിൽ ആകാശ് പ്രകാശ്, പുതുമുഖം ആദിത്യ, കൈലാഷ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ശ്രീകുമാർ മറിമായം, ഉണ്ണിരാജ്, വിവേക് വിശ്വം, ശ്രീജിത്ത്‌ കൈവേലി, അമ്പിളി, സുമിത്ര രാജൻ, വേണു അമ്പലപ്പുഴ, അർജുൻ, ജലജ റാണി, രഘുനാഥ് മടിയൻ, ജീഷിൻ തുടങ്ങിയവരാണ് മറ്റു താരങ്ങൾ.

ALSO READ: ആദിപുരുഷ്: ഓടിടിയിൽ എത്തും മുമ്പ് എച്ച്ഡി പതിപ്പ് ചോര്‍ന്നു

അനുവിന്റെയും ശ്രീരാഗിന്റെയും ഗാഢമായ പ്രണയമാണ് ചിത്രത്തിന്റെ ഇതിവൃത്തം. ഇരുവരുടെയും വാക്കുകൾക്ക് അതീതമായ പ്രണയത്തിന്റെ തീവ്രത കൂടിയപ്പോൾ അനു ശ്രീരാഗിന്റെ അടുത്തേക്ക് പുറപ്പെടുന്നു. ശ്രീരാഗിന്റെ സുഹൃത്തിന്റെ നിർദ്ദേശപ്രകാരം ‌കാഞ്ഞിരക്കൊല്ലി മല നിരകളിലുള്ള ഒരു റിസോർട്ടിൽ കമിതാക്കൾ എത്തുന്നു. അതേസമയം, സ്ഥലം എംഎൽഎ മോനായിയുടെ മകൻ ജഗനും കൂട്ടുകാരും റിസോർട്ടിൽ താമസിക്കുകയായിരുന്നു. അവർ അനുവിനോട്  മോശമായി പെരുമാറുന്നു. ജഗനും ശ്രീരാഗുമായി കയ്യേറ്റം ഉണ്ടാകുന്നു. അവിടേക്ക് എസ്ഐ അനൂപ് ശങ്കർ എത്തുന്നു. അദ്ദേഹത്തിന്റെ ഇടപെടൽ മൂലം ഇവർ അവിടെ നിന്ന് രക്ഷപ്പെടുന്നു. പിന്നീടുള്ള സംഭവബഹുലമായ മുഹൂർത്തങ്ങളാണ് ചിത്രം പറയുന്നത്.

ആകാശ് പ്രകാശ് മ്യൂസിക്ക് ആന്റ് എന്റർടൈൻമെന്റ്സ്, എസ് ആർ ഫിലിംസ് എന്നിവയുടെ ബാനറിൽ പ്രകാശ് നായർ, സുരേഷ് രാമന്തളി എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം ജി കെ രവികുമാർ നിർവ്വഹിക്കുന്നു. തിരക്കഥ, സംഭാഷണം ചന്ദ്രൻ രാമന്തളി എഴുതുന്നു. സുരേഷ് രാമന്തളിയുടെ വരികൾക്ക് വിനീഷ് പണിക്കർ സംഗീതം പകരുന്നു. വിജയ് യേശുദാസ്, വടുകിയമ്മ, അനിത വിനോദ്, ഹരിത ഹരീഷ്, ശിവപ്രിയ എന്നിവരാണ് ഗായകർ. എഡിറ്റർ - വിപിൻ രവി, പ്രൊഡക്ഷൻ കൺട്രോളർ - ഷാജി ഒലവക്കോട്, കല - ബാലകൃഷ്ണൻ കൈതപ്രം. കോസ്റ്റ്യൂംസ് - സുകേഷ് താനൂർ, മേക്കപ്പ് - സുധാകരൻ ചേർത്തല, കൊറിയോഗ്രഫി - ക്ലിന്റ്, ചീഫ് അസോസിയേറ്റ് ഡയറക്ടർ - റിജു നായർ, അസിസ്റ്റന്റ് ഡയറക്ടർ ദീപക് ശങ്കർ, ഷാൻ, ബിജിഎം - പ്രണവ് പ്രദീപ്, കളറിസ്റ്റ് - അലക്സ്‌ വർഗീസ്, സ്റ്റിൽസ് - വിദ്യാധരൻ, ഡിസൈൻ - ദിനേശ് മദനൻ, സ്റ്റിൽസ് - വിദ്യാധരൻ.

ഇരിട്ടി, കാഞ്ഞിരക്കൊല്ലി, വയനാട്, ഗുണ്ടപ്പേട്ട് എന്നിവിടങ്ങളിലായി പൂർത്തിയായ ചിത്രത്തിന്റെ  പോസ്റ്റ് പ്രൊഡക്ഷൻ വർക്കുകൾ പുരോഗമിക്കുന്നു. പി ആർ ഒ - എം കെ ഷെജിൻ.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ TwitterFacebook ലിങ്കുകളിൽ ക്ലിക്കുചെയ്യുക. 
 
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ.

Trending News