കൊച്ചി : സുരാജ് വെഞ്ഞാറമൂട് കേന്ദ്രകഥാപത്രമായി നവാഗതനായ ഉണ്ണി ഗോവിന്ദ് രാജ് ഒരുക്കുന്ന ഹെവൻ സിനിമയുടെ ടീസർ പുറത്ത്. കോമഡി വേഷങ്ങളിൽ മാറി മുഴുവൻ സീരിയസ് വേഷത്തിലേക്കെത്തിച്ചേർന്നിരുക്കുകയാണ് സുരാജ്. താരം വീണ്ടും പോലീസ് വേഷത്തിലാണ് ഹെവനിൽ എത്തിയിരിക്കുന്നത്. അതും ഒരു കേസ് അന്വേഷകനായിട്ടാണ് എത്തിയിരിക്കുന്നത്.
ചിത്രം ജൂൺ മാസത്തിൽ തിയറ്ററുകളിൽ റിലീസ് ചെയ്യും. കട്ട് 2 ക്രിയേറ്റ് പിക്ച്ചേഴ്സിന്റെ ബാനറിൽ എഡി ശ്രീകുമാർ, റെമ ശ്രീകുമാർ, കെ കൃഷ്ണൻ, ടിആർ രഘുരാജ് എന്നിവർ ചേർന്നാണ് ചിത്രം നിർമിച്ചിരിക്കുന്നത്. സംവിധായകൻ ഉണ്ണി ഗോവിന്ദ് രാജും പി എസ് സുബ്രഹ്മണ്യനും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ALSO READ : 12Th Man Movie : ആരാണ് ആ കൊലപാതകി? 12ത് മാൻ സിനിമയുടെ ടൈറ്റിൽ ഗാനം പുറത്ത്
ചിത്രത്തിൽ സുരജിനെ കൂടാതെ ജാഫർ ഇടുക്കി, ശ്രുതി ജയൻ, വിനയപ്രസാദ്, സുധീഷ്, അഭിജ ശിവകല, സുദേവ് നായർ, അലൻസിയർ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അൻവർ അലിയുടെ വരികൾക്ക് ഗോപി സുന്ദറാണ് സംഗീതം നൽകിയിരിക്കുന്നത്.
വിനോദ് ഇല്ലമ്പളിയാണ് ക്യാമറ കൈകാര്യം ചെയ്തിരിക്കുന്നത്. ടോബി ജോണാണ് എഡിറ്റർ. മാഫിയ ശശിയാണ് ചിത്രത്തിലെ സംഘട്ടനങ്ങൾ ഒരുക്കിയിരിക്കുന്നത്.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
