മമ്മൂട്ടിയുടെ ഗംഭീര ഡയലോഗ് ഇൻട്രോയുമായി ഭീഷ്മ പർവ്വത്തിൻറെ ട്രെയിലർ റിലീസായി. മാസ് ആക്ഷ്ൻ സീക്വസുകളടക്കം 1.54 സെക്കൻറാണ് ട്രെയിലർ വീഡിയോയുടെ ദൈർഘ്യം. കഴിഞ്ഞ ദിവസം റിലീസായ ട്രെയിലർ ഇതിനോടകം 1 മില്യൺ ആളുകൾ കണ്ട് കഴിഞ്ഞു.
മമ്മൂട്ടിയെ നായകനാക്കി അമൽ നീരദ് സംവിധാനം ചെയ്യുന്ന ചിത്രമാണ് ഭീഷ്മ പർവ്വം. രവി ശങ്കർ, ദേവദത്ത് ഷാജി, ആർ ജെ മുരുകൻ എന്നിവർ ചേർന്ന് ഒരുക്കുന്ന തിരക്കഥയിൽ സംഗീതം നൽകിയിരിക്കുന്നത് സുശിൻ ശ്യാമാണ്. അമൽ നീരദ് പ്രൊഡക്ഷൻസിൻറെ ബാനറിൽ അമൽ നീരദ് തന്നെയാണ് ചിത്രം നിർമ്മിക്കുന്നത്..
മമ്മൂട്ടിയെ കൂടാതെ നാദിയ മൊയ്തു, സൌബിൻ ഷാഹിർ, ശ്രീനാഥ് ഭാസി,ഫർഹാൻ ഫാസിൽ,ഷൈൻ ടോം ചാക്കോ, ദിലീഷ് പോത്തൻ, നെടുമുടി വേണു, ജിനു ജോസഫ്,സുദേവ് നായർ,മാല പാർവ്വതി തുടങ്ങി വമ്പൻ താരനിരയാണ് ചിത്രത്തിൽ അണി നിരക്കുന്നത്.
14 വർഷങ്ങൾക്ക് ശേഷമുള്ള അമൽ നീരദ്-മമ്മൂട്ടി കൂട്ടുകെട്ട് എന്ന പ്രത്യേകതയും ചിത്രത്തിനുണ്ട്. കൊച്ചി ആലപ്പുഴ എന്നിവിടങ്ങളിലാണ് ഭീഷ്മ പർവ്വത്തിൻറെ ചിത്രീകരണം പൂർത്തിയാക്കിയത്. മാർച്ച് മൂന്നിനാണ് ചിത്രം റിലീസിനെത്തുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
