തിരുവനന്തപുരം: പ്ലസ് വണ്‍ മാതൃകാ പരീക്ഷകള്‍ ഇന്ന് തുടങ്ങും. കൊവിഡ് മഹാമരിക്കിടയിൽ വീടുകളില്‍ ഇരുന്നാണ് കുട്ടികള്‍ പരീക്ഷ എഴുതുന്നത്. ഏതാണ്ട് 4.35 ലക്ഷം കുട്ടികളാണ് പ്ലസ് വണ്‍ പരീക്ഷയെഴുതുന്നത്.
ഇന്നുമുതൽ സെപ്റ്റംബർ 4 വരെയാണ് പരീക്ഷകൾ നടത്തുന്നത്. സെപ്റ്റംബര്‍ 6 മുതലാണ് പ്ലസ് വണ്‍ പരീക്ഷകള്‍ (Plus One Exam) ആരംഭിക്കുന്നത്. ഇതോടനുബന്ധിച്ച്‌ 2,3,4 തീയതികളില്‍ പൊതുജനങ്ങളുടെ പങ്കാളിത്തത്തോടെ ക്ലാസ് മുറികളും സ്‌കൂളുകളും ശുചീകരിക്കുമെന്നും അറിയിച്ചിട്ടുണ്ട്.
പരീക്ഷാ കേന്ദ്രങ്ങളില്‍ തെര്‍മല്‍ സ്‌കാനറും സാനിറ്റൈസറും ഉറപ്പു വരുത്തുമെന്നും പരീക്ഷയ്‌ക്കെത്തുന്ന വിദ്യാര്‍ഥികള്‍ക്ക് യൂണിഫോം നിര്‍ബന്ധമാക്കരുതെന്നും മന്ത്രി വി ശിവന്‍കുട്ടി (V Shivankutty) നേരത്തെ നിര്‍ദേശം നല്‍കിയിട്ടുണ്ട്.
പരീക്ഷയ്ക്ക് 1 മണിക്കൂര്‍ മുന്‍പ് www.dhsekerala.gov.in എന്ന സൈറ്റില്‍ നിന്നു ചോദ്യ പേപ്പര്‍ ലഭിക്കും മാത്രമല്ല പരീക്ഷ സംബന്ധിച്ച മറ്റു വിശദാംശങ്ങളും ഈ സൈറ്റില്‍ ലഭ്യമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
