തിരുവനന്തപുരം: ഉയർന്ന പ്രദർശന നിരക്കിനെതിരെ സംസ്ഥാനത്ത് തീയറ്ററുകള്‍ അടച്ചിട്ട് പ്രതിഷേധം. ഫിലിം ചേംബറിന്‍റെ നേതൃത്വത്തിലാണ് സമര പരിപാടി. ക്യൂബ്, യുഎഫ്ഒ അടക്കമുള്ള ഡിജിറ്റൽ സേവനദാതാക്കളുടെ ഉയർന്ന പ്രദർശന നിരക്കിനെതിരെയാണ് പ്രതിഷേധം.
കേരളത്തിന് പുറമെ തമിഴ്നാട്, കർണാടക എന്നീ സംസ്ഥാനങ്ങളിലും തീയറ്ററുകള്‍ അടച്ചിടും. മാർച്ച് രണ്ടു മുതൽ ആന്ധ്ര, തെലങ്കാന തുടങ്ങിയ സംസ്ഥാനങ്ങളിൽ അനിശ്ചിതകാലത്തേക്കു തിയറ്ററുകൾ അടച്ചിടാനാണു തീരുമാനം. ഇതിനെ പിന്തുണച്ചാണ് കേരളം ഉൾപ്പെടെയുള്ള സംസ്ഥാനങ്ങളിൽ തിയറ്ററുകൾ അടച്ചിടുന്നത്.
