കോട്ടയം: പ്രതിശ്രുത വരനുമായി ബൈക്കിൽ യാത്ര ചെയ്യുന്നതിനിടെ കെഎസ്ആർടിസി ബസിനടിയിൽപ്പെട്ട് യുവതിക്ക് ദാരുണാന്ത്യം. മാമ്മൂട് കരിങ്ങണാമറ്റം സ്വദേശിയായ സുബി ജോസഫാണ് മരിച്ചത്. അപകടം നടന്നത് കോട്ടയം (Kottayam) വാഴൂർ റോഡിൽ വച്ചായിരുന്നു.
കെഎസ്ആർടിസി ബസും സ്കൂട്ടറും സഞ്ചരിച്ചത് ഒരേ ദിശയിലാണ്. പ്രതിശ്രുത വരനൊപ്പം സ്കൂട്ടറിന്റെ പിന്നിൽ ഇരുന്നാണ് സുബി യാത്ര ചെയ്തിരുന്നത്. കുമളിയിൽനിന്നും കായംകുളത്തേക്ക് പോവുകയായിരുന്നു ബസ്. ബസ് സ്കൂട്ടറിനെ ഓവർടേക്ക് ചെയ്യുന്നതിനിടെ സ്കൂട്ടർ തെന്നിമാറുകയും (Road Accident) സുബി ബസിനടിയിൽപ്പെടുകയുമായിരുന്നു.
എന്നാൽ വണ്ടിയിൽ ഉണ്ടായിരുന്ന യുവാവ് അദ്‌ഭുതകരമായി രക്ഷപെടുകയായിരുന്നു. മാമ്മൂട് വളവുകുഴി കരിങ്ങണാമറ്റത്തെ സണ്ണി-ബിജി ദമ്പതികളുടെ ഏകമകളാണ് സുബി ജോസഫ്. അപകടത്തിന് ശേഷം മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംസ്ക്കാരം ഇന്നുണ്ടാകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
