അല്ലു അർജുൻ ചിത്രം പുഷ്പ ഏറെ പ്രേക്ഷക സ്വീകാര്യത നേടിയ ചിത്രമാണ്. ചിത്രത്തിലെ ഡയലോഗുകളും പാട്ടുകളും ഏറെ ശ്രദ്ധ നേടിയിരുന്നു. ഏറ്റവുമധികം ട്രെൻഡിങ് ആയത് ശ്രീവല്ലി എന്ന ഗാനമാണ്. ലോകമെമ്പാടും ശ്രീവല്ലി ഹിറ്റ് ആകുകയും സാധാരണക്കാർ തുടങ്ങി പ്രമുഖർ വരെ പാട്ടിന് ചുവടുവയ്ക്കുകയും ചെയ്തിരുന്നു. ഇപ്പോഴും ഇത് ട്രെൻഡിങ് തന്നെയാണ്. ശ്രീവല്ലി മനുഷ്യർ കളിക്കുന്നത് നമ്മൾ കുറെ കണ്ട് കഴിഞ്ഞു. ഇനി ഒരു കുരങ്ങ് ആ ഗാനത്തിന് ചുവട് വയ്ക്കുന്നത് ഒന്ന് കണ്ട് നോക്കാം.
അല്ലു അർജുനും രശ്മിക മന്ദാനയും ഒരുമിച്ചുള്ള ഈ പാട്ടിന് ഒരു ചിംപാൻസി ചുവടുവച്ചാൽ എങ്ങനെയിരിക്കും? ഗാനത്തിന് ചുവടുവച്ച് കൊണ്ട് സോഷ്യൽ മീഡിയയെ ആകെ അമ്പരപ്പിച്ചിരിക്കുകയാണ് ഈ ചിംപാൻസി. ചിംപാൻസിയുടെ വീഡിയോ ഇന്റർനെറ്റിൽ വൈറലായിക്കൊണ്ടിരിക്കുകയാണ്. മൃഗശാലയിൽ ചിംപാൻസി നടക്കുന്നത് നമുക്ക് വീഡിയോയിൽ കാണാം. ശ്രീവല്ലി ഗാനത്തിൽ അല്ലു അർജുന്റെ സ്റ്റെപ്പ് പോലെ തോന്നിയത് കൊണ്ടാകാം ചിംപാൻസിയുടെ ആ നടത്തത്തിനൊപ്പം ആ പാട്ട് പ്ലേ ചെയ്തത്.
രസകരമായ ഈ വീഡിയോ dinesh_adhi എന്ന പേരിലുള്ള ഇൻസ്റ്റാഗ്രാം അക്കൗണ്ടിൽ നിന്നാണ് പങ്കുവച്ചിരിക്കുന്നത്. നിരവധി പേർ ഈ വീഡിയോ കാണുകയും ലൈക്ക് ചെയ്യുകയും ചെയ്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
