Nagpur: സർക്കാർ ഫണ്ട് ഉപയോഗിച്ച് പ്രതിമകള്‍ സ്ഥാപിക്കുന്നതിന് താന്‍ എതിരാണെന്ന് കേന്ദ്രമന്ത്രി നിതിൻ ഗഡ്കരി. നാഗ്പൂരിൽ രാഷ്ട്രസന്ത് തുക്കാഡോജി മഹാരാജ് നാഗ്പൂർ സർവകലാശാലയുടെ (Rashtrasant Tukadoji Maharaj Nagpur University - RTMNU)) വളപ്പിൽ ഛത്രപതി ശിവജി മഹാരാജിന്‍റെ പ്രതിമയുടെ തറക്കല്ലിടൽ ചടങ്ങിൽ സംസാരിക്കുകയായിരുന്നു ഗഡ്കരി.
Also Read: Eid Al Adha 2023: കേരളത്തിൽ ബലി പെരുന്നാൾ ജൂൺ 29 ന്, അറഫാ ദിനം ജൂൺ 28ന്
"ജനങ്ങൾ നൽകുന്ന സംഭാവനയിൽ നിന്ന് പ്രതിമ നിർമിക്കുന്ന സമിതിയുടെ നീക്കത്തെ സ്വാഗതം ചെയ്യുന്നു. പ്രതിമ സ്ഥാപിക്കാൻ സർക്കാർ ഫണ്ട് ഉപയോഗിക്കേണ്ടതില്ലെന്നാണ് തന്‍റെ അഭിപ്രായം. സൗജന്യമായി നൽകുന്ന കാര്യങ്ങൾക്ക് ആളുകൾ വില കല്പിക്കില്ല", ഗഡ്കരി പറഞ്ഞു.
2015ൽ നാഗ്പൂരിൽ ഛത്രപതി ശിവാജി മഹാരാജ് സ്മാരക സമിതി രൂപീകരിക്കുകയും ആവശ്യമായ അനുമതികളും അനുമതികളും നേടുന്നതുൾപ്പെടെയുള്ള പ്രവർത്തനങ്ങൾ നടന്നുവരികയാണ്. ഈ സമിതിയുടെ പ്രവർത്തനങ്ങൾക്ക് അഞ്ച് ലക്ഷം രൂപ സംഭാവന നൽകുമെന്നും ഗഡ്കരി അറിയിച്ചു. ആരെങ്കിലും ഈ നല്ല കാര്യത്തിന് 11 രൂപയോ 51 രൂപയോ സംഭാവന നൽകിയാലും അത് ഛത്രപതി ശിവാജി മഹാരാജിന്‍റെ പ്രവർത്തനങ്ങളോടും ഉപദേശങ്ങളോടുമുള്ള ആ വ്യക്തിയുടെ അടുപ്പമായി കാണണം, അദ്ദേഹം പറഞ്ഞു. ഛത്രപതി ശിവജി മഹാരാജിന്‍റെ പ്രതിമ സ്ഥാപിക്കാന്‍ നാഗ്പൂർ മുനിസിപ്പൽ കോർപ്പറേഷനിൽ നിന്നോ നാഗ്പൂർ ഇംപ്രൂവ്‌മെന്‍ ട്രസ്റ്റിൽ നിന്നോ മഹാരാഷ്ട്ര സർക്കാരിൽ നിന്നോ ആർടിഎംഎൻയുവിൽ നിന്നോ സാമ്പത്തിക സഹായം തേടേണ്ട ആവശ്യമില്ല എന്നും അദ്ദേഹം പറഞ്ഞു.
ലക്ഷക്കണക്കിന് ആളുകൾ മുന്നോട്ട് വന്ന് സമിതിയ്ക്ക് പണം സംഭാവന നൽകിയത് നല്ല കാര്യമാണെന്നും ശിവാജി മഹാരാജിന്‍റെ ചിന്തകളും ആശയങ്ങളും കാശ്മീർ മുതൽ കന്യാകുമാരി വരെ വ്യാപിപ്പിക്കണമെന്നും ഗഡ്കരി പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
