പലർക്കും പലവിധത്തിലുള്ള ഹോബികളാണ്. സ്റ്റാമ്പ് കളക്ഷൻ, കോയിൻ കളക്ഷൻ, മറ്റ് ആന്റിക്ക് പീസുകൾ എന്നിങ്ങനെ ആളുകൾക്ക് ആശ്ചര്യം തോന്നുന്ന പലതും അതിൽ ഉൾപ്പെടും. അത്തരത്തിൽ ക്രിക്കറ്റ് താരം ധോണിയുടെ ഹോബി കണ്ട ഞെട്ടലിലാണ് മുന്‍ അന്താരാഷ്ട്ര ക്രിക്കറ്റ് താരങ്ങളായ വെങ്കിടേഷ് പ്രസാദും സുനില്‍ ജോഷിയും. ധോണിയുടെ വാഹനപ്രേമവും വാഹനങ്ങളുടെ ശേഖരത്തെക്കുറിച്ചും ഇതിന് മുന്നേയും ചർച്ചകൾ വന്നിട്ടുണ്ട്.
ഇപ്പോഴിതാ ധോണിയെ കാണാനെത്തിയപ്പോൾ അവിടെ കണ്ട വാഹനശേഖരത്തിന്റെ വീഡിയോ ആണ് ശ്രദ്ധയാകുന്നത്. റാഞ്ചിയിലെ അദ്ദേഹത്തിന്റെ ഫാം ഹൗസിലാണ് ഇങ്ങനെയൊരു ഗാരിജ് ധോണി നിര്‍മിച്ചിരിക്കുന്നത്. ഇങ്ങനെയൊരു വാഹന ഭ്രാന്ത് കണ്ട് അമ്പരന്നു നില്‍ക്കുന്ന വെങ്കിടേഷ് പ്രസാദിന്റേയും സുനില്‍ ജോഷിയുടേയും വിഡിയോ ചിത്രീകരിച്ചത് സാക്ഷി ധോണിയാണ്.
'നല്ല ഭ്രാന്തുള്ള ഒരാള്‍ക്ക് മാത്രമേ ഇങ്ങനെയൊക്കെ ചെയ്യാൻ സാധിക്കൂ' എന്നാണ് പ്രസാദിന് ഈ ശേഖരം കണ്ടപ്പോഴുള്ള പ്രതികരണം. കണ്‍ മുന്നില്‍ കാണുന്നതിനെ ''വിവരിക്കാനാവില്ല'' എന്നാണ് സുനില്‍ ജോഷി ഇതിനെക്കുറിച്ച് പറയുന്നത്. 1.49 മിനുറ്റ് ദൈര്‍ഘ്യമുള്ള വിഡിയോ വെങ്കി തന്നെ ട്വിറ്ററില്‍ പങ്കുവെച്ചിട്ടുമുണ്ട്. 14 മണിക്കൂറുകൊണ്ട് 14 ലക്ഷത്തിലേറെ കാഴ്ച്ചക്കാരെ ആകര്‍ഷിച്ച് വിഡിയോ വൈറലാവുകയും ചെയ്തു.
One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
Just blown away by the man and his passion @msdhoni pic.twitter.com/avtYwVNNOz— Venkatesh Prasad (@venkateshprasad) July 17, 2023
വിഡിയോയില്‍ വെങ്കിടേഷ് പ്രസാദിനും സുനില്‍ ജോഷിക്കുമൊപ്പം എം.എസ് ധോണിയും നിൽക്കുന്നതായി കാണാം. പലരും ഈ ഗാരിജ് വളരെ വലുതാണെന്ന് നിര്‍മിക്കുമ്പോള്‍ അഭിപ്രായപ്പെട്ടിരുന്നു. എന്നാല്‍ ഇപ്പോള്‍ വാഹനങ്ങളെകൊണ്ട് ഗാരിജ് നിറഞ്ഞു കഴിഞ്ഞെന്നും ധോണി പറയുന്നു. സുനില്‍ ജോഷിയും വെങ്കിടേഷ് പ്രസാദും മാത്രമല്ല ഈ വിഡിയോ കാണുന്ന ആരും ധോണിയുടെ വാഹന പ്രേമം കണ്ട് അന്തം വിട്ടു പോകും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
