Covid19: രാജ്യത്തെ ഈ രണ്ട് സംസ്ഥാനങ്ങളിലാണ് ഏറ്റവും ഉയർന്ന കൊറോണ കേസ്, ആശങ്ക പ്രകടിപ്പിച്ച് സർക്കാർ

ന്യുഡൽഹി: കഴിഞ്ഞ രണ്ടാഴ്ചയ്ക്കുശേഷം ഏറ്റവും കൂടുതൽ കൊറോണ വൈറസ് റിപ്പോർട്ട് ചെയ്ത രാജ്യത്തെ രണ്ട് സംസ്ഥാനങ്ങളാണ് മഹാരാഷ്ട്രയും പഞ്ചാബും. എല്ലാ സംസ്ഥാനങ്ങളും കേന്ദ്രഭരണ പ്രദേശങ്ങളുമുൾപ്പെടുത്തിയുള്ള  മന്ത്രിസഭാ സെക്രട്ടറിയുടെ യോഗത്തിൽ കേന്ദ്ര ആരോഗ്യ മന്ത്രാലയം അവതരിപ്പിച്ച രേഖകളിൽ ഈ രണ്ട് സംസ്ഥാനങ്ങളെയും ഏറ്റവും കൂടുതൽ കൊറോണ കേസുകളുള്ള ആ അഞ്ച് സംസ്ഥാനങ്ങളോട് ചേർത്ത്  ഉൾപ്പെടുത്തിയിട്ടുണ്ട്.  ഈ പ്രദേശങ്ങളിൽ  ചണ്ഡിഗഡ്, ഛത്തീസ്ഗഡ്, ഗുജറാത്ത് എന്നിവയും ഉൾപ്പെടുന്നു.

11 സംസ്ഥാനങ്ങളിൽ സ്ഥിതി വളരെ ഗുരുതരമാണ്

മഹാരാഷ്ട്രയിൽ മാർച്ച് 23 ന് ശേഷമുള്ള അവസാന ഏഴു ദിവസങ്ങളിൽ പ്രതിദിനം പുതിയ കേസുകളുടെ വളർച്ചാ നിരക്ക് 3.6 ശതമാനവും പഞ്ചാബിൽ 3.2 ശതമാനവുമായി വർദ്ധിച്ചു. മാർച്ച് 31 ന് മുമ്പുള്ള രണ്ടാഴ്ചയ്ക്കിടെ മഹാരാഷ്ട്രയിൽ 4,26,108 കേസുകളും പഞ്ചാബിൽ 35,754 കേസുകളും റിപ്പോർട്ട് ചെയ്തിട്ടുണ്ട്. അതേസമയം മാർച്ച് 31 വരെയുള്ള ഈ രണ്ടാഴ്ചയ്ക്കുള്ളിൽ രാജ്യത്ത് അണുബാധ മൂലം മരണപ്പെട്ട 60 ശതമാനം രോഗികളും മഹാരാഷ്ട്രയിലും പഞ്ചാബിലും ആയിരുന്നു. 

ആരോഗ്യ മന്ത്രാലയം പറയുന്നതനുസരിച്ച് 11 സംസ്ഥാനങ്ങൾ അതായത് മഹാരാഷ്ട്ര, പഞ്ചാബ്, കർണാടക, കേരളം, ഛത്തീസ്ഗഡ്, ചണ്ഡിഗഡ്, ഗുജറാത്ത്, മധ്യപ്രദേശ്, തമിഴ്നാട്, ഡൽഹി, ഹരിയാന എന്നീ സംസ്ഥാനങ്ങളിൽ പുതിയ അണുബാധകളും ഉയർന്ന കേസുകളും ഉള്ളതിനാൽ ഗുരുതരമായ ആശങ്കയുള്ള സംസ്ഥാനങ്ങളിൽ ഇവ ഉൾപ്പെടുകയാണ്.  ഈ സംസ്ഥനങ്ങളിൽ കഴിഞ്ഞ 14 ദിവസത്തിനുള്ളിൽ കോവിഡ് -19 കേസുകളിൽ 90% റിപ്പോർട്ട് ചെയ്തിട്ടുണ്ട് ഒപ്പം  90.5% മരണനിരക്കും റിപ്പോർട്ട് ചെയ്തിട്ടുണ്ട്. 

Also Read: Covid Cases Today:അതീവ ജാഗ്രതയിൽ സംസ്ഥാനം, രോഗബാധിതർ 3000-ലേക്ക് അടുക്കുന്നു, ടെസ്റ്റ് പോസിറ്റിവിറ്റി നിരക്ക് ആറ് കടന്നു

70% പരിശോധന RT-PCR വഴിയാണ്

ഈ രാജ്യങ്ങളോട് അന്വേഷണം വർദ്ധിപ്പിക്കാനും അണുബാധ നിരക്ക് അഞ്ച് ശതമാനമോ അതിൽ കുറവോ ആക്കാൻ ഈ സംസ്ഥാനങ്ങളോട് ആവശ്യപ്പെട്ടിട്ടുണ്ട്. അതുകൊണ്ടുതന്നെ 70 ശതമാനം അന്വേഷണവും ആർ‌ടി-പി‌സി‌ആർ വഴി നടത്താനും അന്വേഷണ ഫലങ്ങൾ എത്രയും വേഗം നൽകാനും സംസ്ഥാനങ്ങൾക്ക് നിർദ്ദേശം നൽകിയിട്ടുണ്ട്. 

അതേസമയം രോഗികളുടെ മരണം തടയുന്നതിന് പൊതു-സ്വകാര്യ ആരോഗ്യ സൗകര്യങ്ങൾ ശക്തിപ്പെടുത്താൻ സംസ്ഥാനങ്ങൾക്ക് നിർദ്ദേശം നൽകിയിട്ടുണ്ട്. യഥാസമയം വാക്സിനേഷന് അർഹരായവർക്ക് 100% പ്രതിരോധ കുത്തിവയ്പ്പ് ഉറപ്പാക്കാനും മതിയായ അളവിൽ വാക്സിൻ സൂക്ഷിക്കുന്നതിന് കേന്ദ്ര ആരോഗ്യ മന്ത്രാലയവുമായി ഏകോപിപ്പിക്കാനും സംസ്ഥാനങ്ങളോടും കേന്ദ്രഭരണ പ്രദേശങ്ങളോടും ആവശ്യപ്പെട്ടിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...