PFI Member Arrested : UP യിൽ പിടിയിലായ Popular Front of India പ്രവർത്തകരെ Lucknow കോടതി റിമാൻഡ് ചെയ്തു

Lucknow : UP പൊലീസിന്റെ പിടിയിലായ മലയാളികളായ Popular Front of India പ്രവർത്തകരെ Lucknow കോടതി റിമാൻഡ് ചെയ്തു. ഏഴ് ദിവസത്തേക്കാണ് കോടതി റിമാൻഡ് ചെയ്തിരിക്കുന്നത്. ഇവർ രാജ്യത്തിന്റെ വിവിധ ഭാ​ഗങ്ങളിൽ സ്ഫോടന പരമ്പരകൾക്കായി ആസൂത്രണം ചെയ്തിരുന്നു എന്നാണ് യുപി പൊലീസ് അറിയിച്ചിരിക്കുന്നത്. കഴിഞ്ഞ ദിവസമാണ് UP Special Task Force കേരളത്തിൽ നിന്നുള്ള ഈ രണ്ട് PFI പ്രവർത്തകരെ പിടികൂടുന്നത്. കൂടുതൽ വിവരങ്ങൾ തേടുന്നതിനായി അന്വേഷണം കേരളത്തിലേക്ക് വ്യാപിപ്പിക്കനാണ് യുപി പൊലീസിന്റെ തീരുമാനം

പിടിയിലായ മലയാളികൾ രണ്ട് പേരും പോപ്പുലർ ഫ്രണ്ടിന്റെ (Popular Front) സജീവ പ്രവർത്തകരാണ്. ഇതിൽ അ​ൻ​സാ​ദ് പ​ത്ത​നം​തി​ട്ട പ​ന്ത​ളം സ്വ​ദേ​ശി​യാ​ണ്. ഫി​റോ​സ് ഖാ​ൻ കോ​ഴി​ക്കോ​ട് സ്വ​ദേ​ശി​യാ​ണ്. അൻസാ​ദി​നെ കാ​ൺ​മാ​നി​ല്ലെ​ന്ന് കാ​ട്ടി ക​ഴി​ഞ്ഞ ദി​വ​സം ഭാ​ര്യ പ​ന്ത​ളം പൊലീ​സി​ൽ പ​രാ​തി ന​ൽ​കി​യി​രു​ന്നു. ഇ​യാ​ൾ പോ​പ്പു​ല​ർ ഫ്ര​ണ്ട് സം​സ്ഥാ​ന ഓ​ർ​ഗ​നൈ​സ​റാ​ണ്. പ്രതികളിൽ നിന്നും സ്ഫോടക വസ്തുക്കൾ നിർമ്മിക്കാനുപയോ​ഗിക്കുന്ന ബാറ്ററി,വയർ,. 32 പിസ്റ്റൾ, നിറച്ച ഏഴ് കാർട്രിജുകൾ, നാല്  എ.ടി.എം കാർഡുകൾ,പെൻഡ്രൈവുകൾ എന്നിവ പോലീസ് കണ്ടെത്തിയിട്ടുണ്ട്.

ALSO READ: Popular Front of India രാജ്യത്ത് വിവിധയിടങ്ങളിലായി സ്ഫോടന പരമ്പരകൾക്ക് പദ്ധതിയിട്ടിരുന്നതായി കണ്ടെത്തി,അന്വേഷണം കേരളത്തിലേക്ക്

വസന്ത പഞ്ചമിയോടനുബന്ധിച്ചായിരുന്നു പോപ്പുലർ ഫ്രണ്ട് സ്ഫോടന പരമ്പര പദ്ധതിയിട്ടിരുന്നത്. ഫെബ്രുവരി 11നാണ് രഹസ്യാന്വേഷണ വിഭാ​ഗത്തിന്റെ മുന്നറിയിപ്പ് യുപി പോലീസിന് (UP Police) ലഭിക്കുന്നത് ഉടൻ തന്നെ എല്ലാ വിഭാ​ഗങ്ങൾക്കും ജാ​ഗ്രതാ നിർദ്ദേശം നൽകിയിരുന്നു. ചോദ്യം ചെയ്യലിൽ വിവിധ വിഭാ​ഗങ്ങളിൽ നിന്നുള്ള യുവാക്കളെ കണ്ടെത്തി പരിശീലിപ്പിക്കാൻ കൂടിയ ഇവർ പദ്ധതിയിട്ടിരുന്നതായി പോലീസ് കണ്ടെത്തിയിട്ടുണ്ട്. കേസിൽ സംസ്ഥാന സ്പെഷൽ ബ്രാഞ്ച്, ഇന്റലിജൻസ് ബ്യൂറോ തുടങ്ങി വിവിധ രഹസ്യാന്വേഷണ വിഭാ​ഗങ്ങളെ ഏകോപിപ്പിച്ച് അന്വേഷണം നടത്താനാണ് പൊലീസ് പദ്ധതിയിടുന്നത്. 

ALSO READ: CAA കലാപം: പോപ്പുലർ ഫ്രണ്ട് നേതാക്കൾക്ക് സമൻസ്

അതേസമയം യുപി പൊലീസ് പ്രതികാരം വീട്ടുകയാണെന്ന് കേരളത്തിലെ പോപ്പുലർ ഫ്രണ്ട് നേതാക്കൾ. CAA, NRC ക്കെതിരെ  പ്രതിഷേധിച്ചവരെ യുപി പൊലീസ് കൊലപ്പെടുത്തിയെന്നാരോപിച്ച് പിഎഫ്ഐ  അലഹബാദ് ഹൈക്കോടതിയിൽ പൊതുതാൽപര്യ ഹ‌ർജി സമർപ്പിച്ചിരുന്നു. ഇതിനെതിരെയുള്ള പ്രതികാര നടപടിയാണ് യുപി പൊലീസ് ഇപ്പോൾ നടത്തുന്നതെന്ന്  പോപ്പുലർ ഫ്രണ്ട് ദേശീയ സെക്രട്ടറി നസ്സറുദ്ദീൻ എളമരം വാർത്തസമ്മേളനത്തിൽ പറഞ്ഞിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...