ഒരു സ്ത്രീയുടെ ശരീരം ഗർഭകാലം, മുലയൂട്ടൽ, ആർത്തവവിരാമം തുടങ്ങി നിരവധി മാറ്റങ്ങളിലൂടെ കടന്നുപോകുന്നു. ഈ മാറ്റങ്ങളുടെ ഫലമായി അവളുടെ പോഷകാഹാര ആവശ്യകതകൾ വ്യത്യാസപ്പെടാം. വിവിധ ശാരീരിക പ്രക്രിയകളെ സഹായിക്കുന്നതിന് പ്രധാനപ്പെട്ട ഒരു ധാതുവാണ് സിങ്ക്. രോഗപ്രതിരോധ ശേഷിക്ക് സിങ്ക് പ്രധാനപ്പെട്ടതാണ്. ഈ ഗുണങ്ങൾക്ക് പുറമേ, ഗർഭപിണ്ഡത്തിന്റെ വളർച്ചയിലും വികാസത്തിലും സിങ്ക് പ്രധാന പങ്കുവഹിക്കുന്നു.
സിങ്ക് പ്രത്യുൽപാദന ആരോഗ്യത്തെ പിന്തുണയ്ക്കുന്നു: ഒരു സ്ത്രീയുടെ പ്രത്യുത്പാദന വ്യവസ്ഥയുടെ വളർച്ചയിലും പ്രവർത്തനത്തിലും സിങ്ക് വലിയ പങ്ക് വഹിക്കുന്നു. ലൈംഗിക വികാസത്തിനും പ്രത്യുൽപാദനത്തിനും ക്രമമായ ആർത്തവചക്രത്തിനും അത്യന്താപേക്ഷിതമായ ഈസ്ട്രജൻ, പ്രോജസ്റ്ററോൺ, ടെസ്റ്റോസ്റ്റിറോൺ എന്നീ സുപ്രധാന ഹോർമോണുകളുടെ ശരീരത്തിന്റെ സമന്വയത്തിന്റെ ചുമതലയും ഇത് വഹിക്കുന്നു.
സിങ്ക് ചർമ്മത്തിന്റെ ആരോഗ്യത്തെ പിന്തുണയ്ക്കുന്നു: സിങ്കിന്റെ ആന്റി ബാക്ടീരിയൽ കഴിവുകൾ മുഖക്കുരു, എക്സിമ, മറ്റ് ചർമ്മ പ്രശ്നങ്ങൾ എന്നിവ ഒഴിവാക്കാൻ സഹായിക്കുന്നു. ആരോഗ്യമുള്ള ചർമ്മം സംരക്ഷിക്കുന്നതിനും വാർദ്ധക്യത്തിൽ ചർമ്മത്തിലുണ്ടാകുന്ന ലക്ഷണങ്ങൾ കുറയ്ക്കുന്നതിനും, കൊളാജൻ രൂപീകരണത്തെ പ്രോത്സാഹിപ്പിക്കുന്നതിനും ഇത് സഹായിക്കുന്നു.
സിങ്ക് തലച്ചോറിന്റെ ആരോഗ്യം മികച്ചതാക്കുന്നു: തലച്ചോറിന്റെ വളർച്ചയ്ക്കും പ്രവർത്തനത്തിനും സിങ്ക് അത്യന്താപേക്ഷിതമാണ്. ഇത് ന്യൂറോ ട്രാൻസ്മിറ്ററുകളുടെ ഉത്പാദനത്തിൽ വലിയ പങ്ക് വഹിക്കുന്നു. അവ മാനസികാവസ്ഥയും നാഡീ പ്രേരണ കൈമാറ്റവും നിയന്ത്രിക്കുന്നതിന് പ്രധാനമാണ്.
ALSO READ: High Protein Vegetables: പോഷക സമ്പന്നം ഈ പച്ചക്കറികൾ; മുട്ടയേക്കാൾ പ്രോട്ടീൻ സമ്പുഷ്ടം
സിങ്ക് തൈറോയ്ഡ് പ്രവർത്തനം മെച്ചപ്പെടുത്തുന്നു: ശരീരത്തിന്റെ ഉപാപചയം, മാനസികാവസ്ഥ, ഊർജ്ജ നില എന്നിവ നിയന്ത്രിക്കുന്നതിന് നിർണായകമായ തൈറോയ്ഡ് ഹോർമോണുകൾ തൈറോയ്ഡ് ഗ്രന്ഥി ഉൽപ്പാദിപ്പിക്കുകയും ഉപാപചയം ചെയ്യുകയും ചെയ്യുന്നു. ഈ പ്രവർത്തനത്തിന് സിങ്ക് ആവശ്യമാണ്.
സിങ്ക് അസ്ഥികളുടെ ആരോഗ്യത്തെ മികച്ചതാക്കുന്നു: അസ്ഥികളുടെ ആരോഗ്യം മികച്ചതായി നിലനിർത്തുന്നതിനുമുള്ള ഒരു നിർണായക ധാതുവാണ് സിങ്ക്. ഇത് അസ്ഥികളിലെ ഒടിവുകളും ഓസ്റ്റിയോപൊറോസിസ് പോലുള്ള രോഗങ്ങളും തടയുന്നതിന് നിർണായകമാണ്.
സിങ്ക് ഹൃദയാരോഗ്യത്തെ മികച്ചതാക്കുന്നു: ഹൃദയത്തിന്റെ ആരോഗ്യത്തെ സിങ്ക് വലിയ രീതിയിൽ സ്വാധീനിക്കുന്നു. ഇത് രക്തസമ്മർദ്ദം നിയന്ത്രിക്കുകയും രക്തക്കുഴലുകളെ ആരോഗ്യത്തോടെ നിലനിർത്തുകയും ചെയ്യുന്നു. ഇത് ഹൃദയത്തിന്റെ ആരോഗ്യത്തിന് പ്രധാനമാണ്.
മുതിർന്നവർക്ക് ശുപാർശ ചെയ്യുന്ന സിങ്കിന്റെ അളവ് പ്രതിദിനം സ്ത്രീകൾക്ക് എട്ട് മില്ലിഗ്രാമും പുരുഷന്മാർക്ക് 11 മില്ലിഗ്രാമും ആണ്. സ്ത്രീകൾക്ക് അവരുടെ രോഗപ്രതിരോധ ശേഷി, വൈജ്ഞാനിക പ്രവർത്തനം, പ്രത്യുൽപാദന ആരോഗ്യം, മറ്റ് ശാരീരിക പ്രക്രിയകൾ എന്നിവ ആരോഗ്യത്തോടെ നിലനിർത്താൻ ആവശ്യമായ സിങ്ക് ലഭിക്കുന്നുണ്ടെന്ന് ഉറപ്പാക്കേണ്ടതുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
